Tuesday, October 07, 2014

ပုဒ်မ ၁၄၄ ထုတ်ထားသည့် ရွှေထွက်တောင် ဝင်တူးသူ ၂၀ ဦးကို ထောင်ဒဏ် တစ်လချမှတ်


နေပြည်တော် ဇေယျာသီရိမြို့နယ်ရှိ ရွှေထွက်သည့်တောင်တွင် ပုဒ်မ ၁၄၄ ထုတ်ပြန်ပြီးနောက် သွားရောက်
ရွှေတူးသူ ၂၀ ဦးကို ထောင်တစ်လ ချမှတ်လိုက်သည်ဟု တာဝန်ရှိသူများထံမှ သိရသည်။ “ပုဒ်မ ၁၈၈ နဲ့ အရေးယူတာပါ။ ပုဒ်မ ၁၄၄ ထုတ်ပြန်ထားတာကို အမိန့်မနာခံတဲ့ အတွက်ပေါ့။ ရမည်းသင်းထောင်ကို ပို့လိုက်ပါပြီ” ဟု ရဲချုပ်ရုံးမှ ဒု-ရဲမှူးကြီး ဝင်းစိန်က မဇ္ဈိမကိုပြောသည်။

တောင်စောင်းတောင်တွင် ရွှေအမြောက်အမြားထွက်သည်ဟု သတင်းထွက်ပေါ်ပြီး ကျည်တောင်ကျေးရွာ အုပ်စုရှိ ကျေးရွာရှစ်ရွာမှ ဒေသခံများသွားရောက် တူးဖော်ခဲ့ကြသည်။ ယခု အရေးယူခံရသူများသည် ကျည်တောင်အုပ်စု တောမကျေးရွာမှ အမျိုးသား ၁၅ ဦးနှင့် အမျိုးသမီးငါးဦး ဖြစ်သည်။

ကျည်တောင်အုပ်ရပ်ကွက် အုပ်ချုပ်ရေးရုံးရှိ ရာအိမ်မှူး ဦးဝင်းမြင့်က “ဒီကနေ့ လေးဦး တောင်ပေါ်မှာ အဖမ်း ခံထားရတယ် လို့တော့ပြောတယ်။ ရုံးကိုတော့ ရောက်မလာသေးဘူး။ အရင်ရက်တွေကလည်း အရေးယူ ခံရတာတွေရှိတယ်။ အတိအကျ တော့မသိဘူး” ဟု မဇ္ဈိမကို ပြောသည်။

အဆိုပါတောင်မှာ အမြောက်တပ်နှင့် နီးစပ်ပြီး အထက်ပေါင်းလောင်းဆည်၊ ရေလှောင်တမံနှင့်လည်း နီးကပ်သည့်အတွက် ရွှေမတူးကြစေရန် စက်တင်ဘာလ ၂၇ ရက်က ပုဒ်မ ၁၄၄ ထုတ်ပြန်၍ တားမြစ်ခဲ့ ခြင်းဖြစ် သည်။

ယင်းတောင်၌ အနက် ၁၃ တောင်ဝန်းကျင် တူးဖော်လျှင် ရွှေထွက်ရှိသော ကျောက်ကြောများကို တွေ့ရှိရ သည်ဟု တူးဖော်သူများကဆိုသည်။ အဆိုပါတောင် ကို မည်သည့်ဝန်ကြီးဌာနကမှ ပိုင်ဆိုင်ခြင်း မရှိဘဲ အစိုးရပိုင်မြေအဖြစ် တည်ရှိ သည်။

လက်ရှိတွင် တောင်ပေါ်တက်သည့် လမ်းများနှင့် တောင်ပေါ်တွင် လုံခြုံရေး ဝန်ထမ်းများ စောင့်ကြပ်လျက်ရှိ သည်ဟု ရပ်ကွက်အုပ်ချုပ်ရေးရုံးထံမှသိရသည်။

Mizzima - News in Burmese

No comments:

Post a Comment

My Blog List