ကယ်လီဖိုးနီးယားပစ်ခတ်မှု သေနတ်သမား ၂ ဦး အပါအ၀င် အနည်းဆုံး ၁၄ ဦးသေဆုံး

ကယ်လီဖိုးနီးယားပြည်နယ် San Bernardino ရှိ မသန်မစွမ်းသူများကို သင်တန်းပေးတဲ့ဌာန တခုတွင်းကို သေနတ်သမား ၃ ဦးတို့ ၀င်ရောက်ပြီး ဗုဒ္ဓဟူးနေ့က ပစ်ခတ်ခဲ့ရာမှာ လူအနည်းဆုံး ၁၄ ဦး သေဆုံးပြီး၊ တခြား လူ ၁၇ ဦး ဒဏ်ရာရရှိသွားပါတယ်။

နာရီအနည်းငယ်အကြာမှာ သေနတ်သမားတွေ ထွက်ပြေးခဲ့တဲ့ SUV မော်တော်ကားကို ရဲအရာရှိတွေက ကယ်လီဖိုးနီးယားရဲ့ Redlands အနီး ရပ်ကွက်မှာ တွေ့ရှိခဲ့လို့ ရဲက ပစ်ခတ်ခဲ့ရာ၊ သေနတ်သမား ၂ ဦးတို့ သေဆုံးသွားတယ်လို့ သိရပါတယ်။ သေဆုံးသူတွေဟာ အမျိုးသား ၁ ဦးနဲ့ အမျိုးသမီး ၁ ဦးတို့ ဖြစ်ကြပြီး၊ သူတို့ဟာ စစ်ပျောက်ကျားဝတ်စုံတွေကို ၀တ်ဆင်ထားပြီး ပြောင်းရှည်နဲ့ ပြောင်းတို သေနတ်တွေကို ကိုင်ဆောင်ထားကြတယ်လို့ San Bernardino ရဲ့ ရဲမှူး Jarrod Burguan က သတင်းထောက်တွေကို ပြောပါတယ်။

တတိယ မသင်္ကာရသူ ၁ ဦးကိုလည်း SUV မော်တော်ကားဘေးမှာ ရဲနဲ့ အပြန်အလှန် ပစ်ခတ်ချိန် ထွက်ပြေးဖို့ ကြိုးစားစဉ် ဖမ်းဆီးရမိခဲ့ပါတယ်။ အဲဒီလူဟာ အလိုရှိနေတဲ့ သေနတ်သမားတွေအနက် ၁ ဦး ဖြစ်၊ မဖြစ် ဒါမှမဟုတ် ပစ်ခတ်စဉ် ဘေးကင်းရာကို ထွက်ပြေးဖို့ ကြိုးစားခဲ့သူဖြစ် ကြောင်း အတိအကျ မပြောနိုင်ကြောင်းလည်း Burguan က ပြောပါတယ်။

San Bernardino ဟာ Los Angeles မြို့ အရှေဘက် မိုင် ၆၀ ခန့် အကွာမှာ ရှိတာဖြစ်ပါတယ်။

ဒီသေနတ်သမားတွေဟာ သင်တန်းရှိရာ နေရာကို သတ်ဖို့ ရည်ရွယ်ချက်နဲ့ လာရောက်ကြတယ်လို့ San Bernardinoရဲ့ ရဲမှူး Jarrod Burguan က သတင်းထောက်တွေကို ပြောပါတယ်။ အခုလို သေနတ်ပစ်ခတ်မှုများဟာ ပြည်တွင်းရေး အကြမ်းဖက်မှုဖြစ်တယ်လို့ ရဲမှူး Jarrod Burguan က ပြောပေမဲ့ အခုလို လုပ်ရခြင်း ရည်ရွယ်ချက်နဲ့ ပတ်သက်လို့ မသိကြောင်း ပြောပါတယ်။

မြင်ကွင်းမှာရောက်ရှိနေတဲ့ FBI အရာရှိတစ်ဦးကတော့ ခုချိန်ခါမှာ ဒီတိုက်ခိုက်မှုဟာ နိုင်ငံတကာ အကြမ်းဖက်မှုနဲ့ ဆက်စပ်မှု ရှိ မရှိ ဆိုတာကို စုံစမ်းစစ်ဆေးသူတွေနဲ့ အသေအချာ မသိတဲ့အကြောင်း ပြောပါတယ်။ အမေရိကန်ပြည်ထောင်စုမှာ အခုလို လူတွေကို သေနတ်ပစ်ခတ်မှု ပုံစံမျိုး တွေဟာ ကမ္ဘာတ၀ှမ်း တခြားနေရာမှာ မတွေ့ရတဲ့အကြောင်း - CBS ရုပ်သံလွှင့်ဌာနကို သမ္မတ အိုဘားမားက ပြောကြားပါတယ်။

VOA