NLD အမတ်လောင်းတွေကို ဗဟိုအလုပ်အမှုဆောင်တွေ စုံညီ အဆုံးသတ် ရွေးချယ်ခဲ့

အမျိုးသား ဒီမိုကရေစီ အဖွဲ့ချုပ် NLD ပါတီက ထုတ်ပြန်ခဲ့တဲ့ ၂၀၁၅ ရွေးကောက်ပွဲဝင်မယ့် ကိုယ်စားလှယ် လောင်း တွေ နဲ့ ပတ်သက်ပြီး ပါတီရဲ့ ဗဟိုအလုပ်အမှုဆောင် ကော်မတီကနေ လျှောက်ထားလာသူတွေ တစ်ဦးချင်းစီကို စဉ်းစားဆွေးနွေးခဲ့ပြီးမှ ဆုံးဖြတ်ခဲ့တာ ဖြစ်တယ်လို့ NLD ပါတီက ပြောပါတယ်။

ဩဂုတ်လ ၁ ရက် နေ့ စနေ နေ့ တုန်း က NLD ကနေ ကိုယ်စားလှယ်လောင်း ၁ ထောင်ကျော် စာရင်းကို ထုတ်ပြန်ခဲ့ပြီး နောက်မှာ ပါတီဝင် တွေ နဲ့ ပါတီကို ထောက်ခံ အားပေးသူတွေ အကြား တုန့်ပြန် ဝေဖန် မှု တွေ အမျိုးမျိုး ဖြစ် ပေါ်လာခဲ့ ပါတယ်။

ဗဟို ရဲ့ ရွေးချယ်မှုကို သဘောမကျလို့ဆိုပြီး ပါတီက နှုတ်ထွက်မယ်လို့ ပြောလာ သူတွေ ရှိသလို ၈၈ မျိုးဆက် ငြိမ်းချမ်းရေး နဲ့ ပွင့်လင်းလူ့အဖွဲ့ အစည်း က နာမည်ကြီး တချို့ နဲ့ အခုနှစ် ပိုင်း တွေ အတွင်း ရန်ကုန်တိုင်း ဒေသကြီး လွှတ်တော် ထဲ ဆောင်ရွက် ချက် တွေကြောင့် လူအများ သတိ ထား မိလာကြတဲ့ ဒေါက်တာ ညိုညိုသင်း တို့ NLD ကိုယ်စားလှယ်လောင်း စာရင်း ထဲ မပါဝင် ခဲ့တဲ့ အပေါ် လူ အများကြား အတော်လေး ဝေဖန် ပြောဆို လာကြ ပါတယ်။

လူ တစ်ဦး ချင်းစီ ကို ဘာကြောင့် မရွေးချယ် ခဲ့သလဲ ဆိုတဲ့ အကြောင်း ပြချက် တွေ ကို ထုတ်ဖော် မပြော နိုင်ဘူး ဆိုပြီး NLD ဗဟို အလုပ်အမှုဆောင် နဲ့ အောင်နိုင်ရေး ဗဟို အဖွဲ့ဝင် ဦး ဉာဏ်ဝင်း က ဘီဘီစီ ကို ပြောပါတယ်။

ကိုယ်စားလှယ် လောင်း အဖြစ် လျှောက် ထားလာ သူတွေ ကို သက်ဆိုင်ရာ မြို့နယ် နဲ့ တိုင်း အသီးသီး ရဲ့ ရွေးကောက်ပွဲ အောင်နိုင်ရေး အဖွဲ့ တွေ က စိစစ်ပြီး ဗဟို ကို တင်သွင်း တာဖြစ်ပြီး၊ အဲဒီ့ သူတွေကို လွတ် လပ်တဲ့ အကဲဖြတ် လူကြီး ၃ ဦး ဆီ တခါ ပို့ ပြီး သဘောထား မှတ်ချက်ရယူခဲ့တယ်လို့ ဦး ဉာဏ်ဝင်း စိစစ်ပုံ လုပ်ငန်းစဉ်ကို ရှင်းပြပါတယ်။

အဆုံး သတ် အနေ နဲ့ ပါတီ ရဲ့ ဗဟို အလုပ် အမှုဆောင် ကော်မတီ ကနေ အဆုံးသတ် ဆုံးဖြတ် ပေး ခဲ့တာ ဖြစ်တယ် လို့ ဦး ဉာဏ်ဝင်း က ဆိုပါတယ်။၂၀၁၅ ရွေးကောက်ပွဲ နဲ့ ပတ်သက်ပြီး NLD ဟာ ၈၈ ငြိမ်းပွင့် အဖွဲ့ နဲ့ ကြား ဆွေးနွေး ခဲ့ကြ တာတွေ တော့ ရှိပေမယ့် တိတိကျကျ သဘောတူညီမှု တစုံတရာ တော့ ရှိ မထားဘူးဆိုပြီး ဦး ဉာဏ်ဝင်း က ပြောပါတယ်။

အခု ရွေးချယ်ထားသူ တွေထဲမှာ တိုင်းရင်းသား တွေထဲက ဦးစားပေး ရွေးချယ်ခဲ့သလို အမျိုးသမီး ၁၄% ဝန်းကျင် လည်း ပါဝင် တယ် လို့ ဦးဉာဏ်ဝင်း က ဆိုပါတယ်။

NLD ရဲ့ ကိုယ်စားလှယ်လောင်း စာရင်းထဲမှာ တပ်မတော်က ဗိုလ်မှုးချုပ် အဆင့် အရာရှိဟောင်းတစ်ဦး ပါဝင်လာတာ တော့ တွေ့ ရပါတယ်။

ကိုယ်စားလှယ် လောင်းစာရင်း အဆုံးသတ်စာရင်းတင်သွင်းဖို့ ဩဂုတ် လ ၈ ရက် နေ့ နောက်ဆုံးသတ်မှတ် ထားပေမယ့်လို့ လတ်တလော ဖြစ်ပေါ် နေတဲ့ ရေဘေးကြောင့် အထူးသဖြင့် ရခိုင်ပြည်နယ်နဲ့ စစ်ကိုင်းတိုင်း တို့ မှာ တင်သွင်းနိုင်ဖို့ ခက်ခဲနေတယ်လို့ ဦးဉာဏ်ဝင်း က ပြောပါတယ်။

BBC Burmese