တိုက်ခိုက်ရေးသမားတွေကို လက်ထပ်ဖို့ငြင်းဆန်တဲ့အမျိုးသမီး ၁၉ ဦးကို အစ္စလာမ္မစ်နိုင်ငံတော် (အိုင်အက် စ်) အဖွဲ့က ကွပ်မျက်လိုက်တယ်လို့ ကာဒစ်ရှ် အရာရှိတွေက ပြောပါတယ်။ အရင်နှစ် ဇွန်လက အီရတ် မူဆိုလ်းကို သိမ်းပိုက်ခဲ့ပြီးတဲ့နောက် ဒီအမျိုးသမီး တွေကို အိုက်အက်စ်က ထိန်းသိမ်းခဲ့တာ ဖြစ်ပါတယ်။
အသတ်ခံရတဲ့ အမျိုးသမီးတွေက ဘယ်သူတွေဖြစ်တယ်ဆိုတာကိုတော့ အတည်ပြုနိုင်ခြင်း မရှိသေးပါဘူး။
ကာဒစ်ရှ် ဒီမိုကရက်တစ်ပါတီ ပြောခွင့်ရက အမျိုးသမီးနဲ့ ငွေကြေးဆိုင်ရာ ကိစ္စတွေကြောင့် အိုင်အက်စ်အဖွဲ့ တွေအကြား စိတ်ဝမ်းကွဲပြားမှုတွေ ရှိနေ တယ်လို့ ဆိုပါတယ်။
မကြာသေးမီကလည်း အိုင်အက်စ်အဖွဲ့က ဖမ်းဆီးရမိတဲ့ အမျိုးသမီးတွေကို ရောင်းချတဲ့ ဈေးနှုန်းတွေ ရေး သားထားတဲ့ လက်ကမ်းစာစောင်ကို ဖြန့်ဝေ ခဲ့ပါတယ်။
အိုင်အက်စ်အဖွဲ့ရဲ့ လိင်ကျွန်ဘ၀ကနေ လွတ်မြောက်လာတဲ့ အမျိုးသမီးတွေ ကလည်း တိုက်ခိုက်ရေးသမား တွေကို လက်ထပ်ဖို့ အတွက် ရုပ်ပိုင်းနဲ့ လိင်ပိုင်းဆိုင်ရာ မတော်မတရား လုပ်ခံရတဲ့ အကြောင်းတွေကို ထုတ်ဖော် ပြောဆိုပါတယ်။
ဒါ့အပြင် အိုင်အက်စ်ရဲ့ ဆိုးညစ်တဲ့ လိင်ကုန်ကူးမှုကို လေ့လာနေတဲ့ ကုလ သမဂ္ဂ ကိုယ်စားလှယ်က အိုင် အက်စ်တွေ ထိန်းချုပ်ထားတဲ့ နေရာတွေမှာ အမျိုးသမီးတွေဟာ တအိမ်တက်ဆင်းလှည့်လည်ရောင်းချတဲ့ ပစ္စည်းတွေလို ဖြစ်နေပြီး အမျိုးသမီးတဦးကို အမျိုးသား ၆ ဦးက ၀ယ်ပိုင်ခွင့်ရှိတယ်လို့ ဆိုပါတယ်။
အရင်နှစ်ကလည်း အိုင်အက်စ်တွေဟာ အီရတ် မြောက်ပိုင်းက ဆင်ဂျား ခရိုင်ကို တိုက်ခိုက် သိမ်းပိုက်ခဲ့ပြီး ရာဇီဒီ လူ့အသိုင်းအ၀န်းက ရာချီတဲ့ အမျိုးသမီးတွေကို ဖမ်းဆီးခဲ့ပါတယ်။
DVB
No comments:
Post a Comment