ရေဘေးအတွက် နိုင်ငံတကာကို ဒေါ်အောင်ဆန်းစုကြည် မေတ္တာရပ်ခံ

ရေဘေးဒုက္ခသည်တွေရဲ့ဘဝ ပြန်လည်ထူထောင်ရေးအတွက် နိုင်ငံတကာက ရက်ရက်ရောရောကူညီ ပံ့ ပိုးဖို့ NLD အမျိုးသားဒီမိုကရေစီ ဥက္ကဌ ဒေါ်အောင်ဆန်းစုကြည်က မနေ့က မေတ္တာရပ်ခံလိုက်ပါတယ်။NLD facebook လူမှုကွန်ရက်ကနေ အဲဒီ့လို တိုက်တွန်းလိုက်တာပါ။

နိုင်ငံတကာ အသိုင်းအ၀ိုင်းအနေနဲ့ ကျမတို့ကို စေတနာထက်ထက်သန်သန်နဲ့ ကူညီတဲ့အခါ အချိတ်အ ဆက် မိမိကူညီစေလိုပါတယ်လို့ ပြောသွားတာပါ။

တိုင်းနဲ့ ပြည်နယ် ၁၄ ခု အနက် ၁၂ ခုမှာ ရေဘေးဒုက္ခကြုံရပြီး တချို့နေရာ တွေမှာ ရေပြန်ကျသွားပေမဲ့ တချို့နေရာတွေမှာ ခုထိ ရေပြန်မကျသေးပါ ဘူး။ ဒီနေရာ ဒီဒေသက လူတွေဘ၀ ပြန်လည်ထူထောင်ရေး လိုအပ်နေတာမို့ နိုင်ငံတကာကို ဗွီဒီယိုကတဆင့် မေတ္တာရပ်ခံတာပါ။

နိုင်ငံတကာကို အင်္ဂလိပ်ဘာသာနဲ့ ပြောကြားပြီး မြန်မာနိုင်ငံသားတွေအတွက် မြန်မာလိုပြောထားတဲ့ ဗွီဒီယိုလည်း NLD facebook မှာ တင်ထားပါ တယ်။ဒါ့အပြင် မူမမှန်တဲ့ အကြောင်းပြချက်နဲ့ သဘာဝဘေး အန္တရာယ်ကို အသုံးချပြီး နိုဝင်ဘာမှာကျင်းပမယ့် ရွေးကောက်ပွဲပျက်ပြားမှာ စိုးရိမ်တဲ့ အကြောင်းလည်း ဒေါ်အောင်ဆန်းစုကြည်က ပြော ပါတယ်။

NLD နဲ့ ဒေါ်ခင်ကြည်ဖောင်ဒေးရှင်းဟာ ချင်းပြည်နယ်ထိ အရောက်သွားပြီး ကယ်ဆယ်ရေးလုပ်ငန်းတွေ လုပ်ခဲ့တယ်လို့လည်း ပြောပါတယ်။နိုင်ငံ တကာက ကူညီတဲ့အခါ အချိတ်အဆက်မမိရင် လိုရာမရောက်ဘဲ လမ်းလွဲ ရောက်သွားနိုင်တဲ့အကြောင်း၊ ရေဘေးဒုက္ခသည်တွေ ရသင့်ရထိုက် သလောက်မရဘဲရှိနိုင်တဲ့ အကြောင်း၊ နိုင်ငံတကာဟာ ဒေါ်ခင်ကြည်ဖောင် ဒေးရှင်းနဲ့ တခြားပရဟိတအဖွဲ့တွေနဲ့ ချိတ်ဆက်ကူညီနိုင် တဲ့အကြောင်း စတာတွေလည်း ဒေါ်အောင်ဆန်းစုကြည်က ပြောကြားပါတယ်။

Photo: Aung San Suu Kyi Facebook

RFA