ကရင်ပြည်နယ်ဘားအံမြို့ပေါ် ရပ်ကွက်တချို့တွင် သံလွင်မြစ်ရေ မြင့်တက်လာမှုကြောင့် ရေကြီးရေလျှံ ဖြစ်ပွားပြီး ရေဘေးသင့်သူ ၇၀၂၉ ဦးကို ကယ်ဆယ်ရေးစခန်း ၁၁ခုဖွင့်၍ လက်ခံထားသော်လည်း အကူ အညီများ လိုအပ်နေကြောင်း သိရှိရသည်။
ကရင်ပြည်နယ် ဘားအံမြို့ပေါ်ရပ်ကွက်အချို့တွင်ပြီးခဲ့သောဇူလိုင်(၂၉)ရက်မှစတင်၍ သံလွင်မြစ်ရေသည် မြင့်တက်လာ ကြောင်း၊ သံလွင်မြစ်ရေ သည် သြဂုတ်လ ၃ ရက်နေ့တွင် စိုးရိမ်ရေမှတ် ၈၃၂ စင်တာမီတာ အထိ ရှိလာသောကြောင့် မြို့ ပေါ် မြေနိမ့်ပိုင်းနှင့်ကမ်းနားလမ်းတစ်လျောက် ရေနစ်မြှပ်နေကြောင်း၊ ရေနစ် မြုပ်မှုကြောင့် အိမ်ထောင်စု ၁၃၄၃ စု ကယ်ဆယ်ရေးစခန်းများတွင် ခိုလှုံနေရကြောင်း၊ရေဘေးသင့်ပြည်သူ များအတွက် စားနပ်ရိက္ခာ၊ ဆေးဝါး နှင့် အ၀တ် အထည် များ လိုအပ်နေကြောင်း သိရှိရသည်။
ဘားအံမြို့ပေါ် ကြားတောရကယ်ဆယ်ရေးစခန်း တာဝန်ခံဦးတင်အေးက“စခန်းသာဖွင့်ထားတာ ဘယ်လို တွေ စီစဉ်ထားတယ်။ အကူညီဘယ်လိုပေး မယ်ဆိုတာမသိရဘူး။ လာပေးတဲ့ ဟာကိုပဲယူပြီးပြန်ဝေပေး လိုက်တာပဲ”ဟုဆိုသည်။
ကရင်ပြည်နယ်အစိုးရက ကျန်းမာရေးကူညီစောင့်လျောက်မှုများဆောင် ရွှက်ပေး နေသော်လည်း ရေးဘေး ဒုက္ခသည်များ အတွက် အဓိကလိုအပ် လျက်ရှိသည့်စား သောက်ဖွယ်ရာများပံပိုးပေးမှုအားနည်းနေပြီး လူမှုရေး အဖွဲ့အစည်းများကသာ လိုအပ်သည်များကူညီထောက်ပံပေးလျက်ရှိကြောင်း သိရှိရသည်။
ဘားအံမြို့ပေါ်ရှိ ကယ်ဆယ်ရေးစခန်း ၁၁ ခုသို့ ကရင်ပြည်နယ်အတွင်း အခြေစိုက် ထားသောရွှေပါရမီ၊ စေတနာ နာရေးကူညီမှုအသင်း ၊ မုဒိသာ အသင်းများအပြင်အခြား လူမှုရေးအဖွဲ့တို့ပူးပေါင်းကာ ရေဘေး ဒုက္ခသည် စခန်းများ သို့သွား ရောက် ကူညီပေးလျက်ရှိကြောင်း သိရှိရသည်။
လတ်တလော သံလွင်မြစ်ရေသည် စိုးရိမ်ရေမှတ် ၈၃၂ စင်တီမီတာ အထက် ၁ ပေခန့် ထပ်မံမြင့်တက် လျက်ရှိသောကြောင့် ရေဘေးသင့်ကယ်ဆယ်ရေး စခန်းများထပ်မံတိုးချဲ့၍ဖွင့်လှစ်သွားမည်ဖြစ် ဘားအံမြို့ မာဃနာရေးကူညီမှု အသင်းမှ ဦးကျော်မင်းစိန် ကပြောဆိုသည်။
ဧရာဝတီ
No comments:
Post a Comment