ဖွဲ့စည်းပုံအခြေခံဥပဒေပြင်ဆင်ရေးနှင့်ပတ်သက်၍ အားလုံးတွင်တာဝန် ရှိကြောင်း သမ္မတဦးသိန်းစိန်က ရန်ကုန်တိုင်းဒေ သကြီး အစိုးရအဖွဲ့ရုံး မင်္ဂလာခန်းမ၌ နိုဝင်ဘာ ၂၆ ရက် မွန်းလွဲပိုင်းကပြုလုပ်သော ပြည်ထောင်စု အစိုးရအဖွဲ့နှင့် နိုင်ငံရေး ပါတီခေါင်းဆောင်များတွေ့ဆုံပွဲတွင် အဖွင့်မိန့်ခွန်း ပြောကြားရာ၌ ပြောကြားသည်။
"လက်ရှိဆောင်ရွက်နေတဲ့ ငြိမ်းချမ်းရေးဖြစ်စဉ်တွေကနေ ပေါ်ထွက်လာမယ့် နိုင်ငံရေးဆွေးနွေးမှုများကနေ တိုင်းရင်းသား နိုင်ငံရေးအင်အားစုအားလုံးရဲ့ နိုင်ငံရေးသဘောတူညီချက်တွေထင်ဟပ်မယ့် ဖွဲ့စည်းပုံအခြေခံဥပဒေပြင် ဆင်ရေးဆိုင်ရာ ကိစ္စတွေပါဝင်လာဖို့လိုပါတယ်။
ဖွဲ့စည်းပုံအခြေခံဥပဒေပြင်ဆင်ရေးနဲ့စပ်လျဉ်းလို့ အားလုံးမှာတာဝန်ရှိတယ် ဆိုတာမှန်ပါတယ်။ ဒါအထူးသဖြင့်တော့ ဥပဒေပြုရေးရဲ့ အဓိကမောင်းနှင် အားဖြစ်တဲ့ လွှတ်တော်ကိုယ်စားလှယ်များရဲ့အခန်းကဏ္ဍက အထူးပဲအရေး ကြီးတယ်လို့ ကျွန်တော်အနေနဲ့ယူဆပါတယ်။
အဲဒီတော့ တိုင်းပြည်နဲ့ ပြည်သူ လူထုရဲ့အနာဂတ်အတွက် အလွန်အရေးကြီးတဲ့ကိစ္စတွေဖြစ်တဲ့အတွက်ကြောင့် လွှတ်တော် ကိုယ်စားလှယ်များအနေနဲ့ ဒီကိစ္စမှာ နိုင်ငံရေးစေတနာအပြည့်နဲ့ အမြော်အမြင်ကြီးကြီးထားပြီးတော့မှ အားသွန်ခွန်စိုက် ဆောင်ရွက်ပေးကြဖို့ လိုအပ်တယ်လို့ ဒီလိုမြင်ပါတယ်" ဟု သမ္မတဦးသိန်းစိန်ကပြောကြားသည်။
မိမိ၏ရပ်တည်ချက်မှာ နိုင်ငံရေးဦးဆောင်မှုကဏ္ဍများတွင် နိုင်ငံသား၊ တိုင်းရင်းသား မည်သူ့ကိုမဆို ကန့်သတ်ချုပ်ချယ်ထားမှု များကို မလိုလား ကြောင်း သမ္မတကပြောကြားသည်။
သို့ရာတွင် တိုင်းပြည်တစ်ပြည်တည်တံ့ခိုင်မြဲရန် အချုပ်အခြာအာဏာတည်တံ့ ခိုင်မြဲရန် ထိုက်သင့်သည့်မူဝါဒရှိရမည်ဖြစ်ပြီး မိမိတို့နိုင်ငံတစ်နိုင်ငံတည်းတွင် မဟုတ်ဘဲ ကျန်သည့်နိုင်ငံများတွင်လည်း အလားတူဖြစ်ကြောင်း သမ္မတက ဆိုသည်။
ထို့အတူ နေပြည်တော်၌ အောက်တိုဘာ ၃၁ ရက်ကတွေ့ဆုံခဲ့သည့် ထိပ်သီးနိုင်ငံ ရေးဆွေးနွေးပွဲကဲ့သို့ တွေ့ဆုံဆွေးနွေး မှုများဆက်လက်ပြုလုပ်သွားမည်ဖြစ်ပြီး အားလုံးပါဝင်နိုင်အောင် ဂရုပြုဆောင်ရွက်သွားမည်ဖြစ်ကြောင်း၊ ၂၀၁၅ အထွေ ထွေရွေးကောက်ပွဲသည် တိုင်းပြည်၏ ဒီမိုကရေစီအသွင်ကူးပြောင်း ရေးအတွက် အဓိကကျသည့် အလှည့်အပြောင်း တစ်ခုဖြစ်သဖြင့် ရွေးကောက် ပွဲများ အောင်မြင်စွာကျင်းပပြီး ပြည်သူကိုကိုယ်စားပြုသည့် အစိုးရတစ်ရပ် ပေါ်လာရေး အတွက် လိုအပ်သည့်ကြားကာလနိုင်ငံရေးတည်ငြိမ် မှုအတွက် နိုင်ငံရေးပါတီများမှ အမြော်အမြင်ကြီးကြီးဖြင့် ပြည်သူ များ၏မျှော်လင့်ချက်များကို လက်ရှိအရှိတရားများဖြစ်အောင် ၀ိုင်းဝန်းဆောင်ရွက်ပေးရန် သမ္မတက တိုက်တွန်းပြောကြား သည်။
နိုင်ငံရေးပါတီများမှ အစိုးရအားအကြံပေးနိုင်ရန်၊ အသိပေးနိုင်ရန်၊ ၀ိုင်းဝန်းအဖြေရှာရန်အတွက် ယန္တရားတစ်ခုထူထောင် သွားမည်ဖြစ်ကြောင်း၊ တိုင်းရင်းသားလက်နက်ကိုင်အဖွဲ့များနှင့် ပစ်ခတ်တိုက်ခိုက်မှုများလျော့နည်းစေရန် စောင့်ကြည့်လေ့ လာရေးအဖွဲ့များ တိုးမြှင့်ဖွဲ့စည်းပြီး တွေ့ဆုံဆွေးနွေး အဖြေရှာရန် ဆောင်ရွက်သွားမည်ဖြစ်ကြောင်း စသည်ဖြင့် သမ္မတ ကပြော ကြားသည်။
အဆိုပါပြည်ထောင်စုအစိုးရအဖွဲ့နှင့် နိုင်ငံရေးပါတီခေါင်းဆောင်များတွေ့ဆုံပွဲကို နိုင်ငံရေးပါတီ ၆၉ ပါတီအနက် ၆၇ ပါတီ တက်ရောက်ခဲ့ပြီး ပါတီတစ်ပါတီလျှင် ငါးမိနစ်စီဆွေးနွေးခွင့်ပေးခဲ့သည်။
Eleven Media Group
No comments:
Post a Comment