၂၀၁၀ ရွေးကောက်ပွဲနဲ့ ၂၀၀၈ ဖွဲ့စည်းပုံအခြေခံဥပဒေ စာအုပ်မှာပါတဲ့ လူဦးရေကိန်းဂဏန်းတွေဟာ မိမိတို့ ကောက်ခံခဲ့တာမဟုတ်ဘူးလို့ လူဝင်မှုကြီးကြပ်ရေးနဲ့ ပြည်သူ့အင်အားဦးစီးဌာနက ဒီကနေ့ ပြောကြားလိုက် ပါတယ်။
ဒီနေ့ နေပြည်တော်မှာကျင်းပတဲ့ သတင်းစာရှင်းလင်းပွဲမှာ ပြည်သူ့အင်အားဦးစီးဌာန ညွှန်ကြားရေးမှူး ချုပ် ဦးမြင့်ကြိုင်က-
"ဒီ ၂၀၁၀ ရွေးကောက်ပွဲတုန်းက မြန်မာနိုင်ငံတစ်ဝှမ်းလုံးမှာရှိတဲ့ လူဦးရေ ၅၇ သန်းရှိတယ်လို့ဖော်ပြထား တယ်၊ အဲ့ဒီ ၅၇ သန်းလို့ဖော်ပြထားတာက ကျနော်တို့ ခန့်မှန်းလူဦးရေစာရင်းက တွက်ဆပြီးတော့ ဖော်ပြ ထားတာပါ၊ ခန့်မှန်းလူဦးရေ စာရင်း ဘယ်ကရလဲဆိုတော့ ခုနကကျနော်တင်ပြပြီးတဲ့အတိုင်းပဲ ၁၉၈၃ ခုနှစ်သန်းခေါင်စာရင်းမှာ ၅ နှစ်တစ်ခါ ဖွားသေစစ်တမ်းတွေကောက်ပြီးတော့ တွက်ချက်ပြီးတော့ ကျနော်တို့ လူဦးရေသန်းခေါင်စာရင်းထုတ်ပြန်ပါတယ်၊ အဲ့ဒီက ၅၇ သန်းနဲ့ထုတ်ပြန်ထားတာပါ၊
အခြေခံဥပဒေစာအုပ်ထဲမှာတော့ ဆန္ဒမဲပေးခွင့်ရှိသူလူဦးရေ နှစ်ဆယ့်ခုနှစ်သန်း သုံးသိန်းခြောက်သောင်း ကိုးထောင်ကိုးထောင့် ငါးဆယ့် ခုနှစ်ယောက်လို့ ဖော်ပြထားတယ်၊ အဲ့ဒီဟာက သန်းခေါင်းစာရင်းနဲ့ မဆိုင် ပါဘူးခင်ဗျ"
သန်းခေါင်းစာရင်းကောက်ခံမှုကို ၂၀၁၄ခုနှစ်မတ်လ ၂၉ ရက်နေ့ကနေ ဧပြီလ ၁၀ ရက်အထိ ကွင်းဆင်း ဆောင်ရွက်ခဲ့တာဖြစ်ပြီး လတ်တလော ရှေ့ပြေးသန်ခေါင် စာရင်းရဲ့ထုတ်ပြန်ချက်အရ လူဦးရေ ၅၁ သန်းကျော်ရှိပါတယ်။
RFA Burmese
No comments:
Post a Comment