Wednesday, October 01, 2014

ANP ပါတီဥက္ကဋ္ဌအဖြစ် ဒေါက်တာအေးမောင် ဖြစ်လာ


ရခိုင်ဒီမိုကရေစီအဖွဲ့ချုပ် ALD နှင့် ရခိုင်ပြည်တိုးတက်ဖွံ့ဖြိုးရေးပါတီ RNDP တို့ပူးပေါင်းအပြီးပထမဆုံးအကြိမ် ကျင်းပတဲ့ ရခိုင်အမျိုးသားပါတီ ANP ညီလာခံက ပါတီဥက္ကဋ္ဌအဖြစ် ဒေါက်တာအေးမောင်ကို  ရွေးချယ်တင် မြောက်လိုက်ပါတယ်။

ရခိုင်ပြည်နယ် သံတွဲမြို့မှာ ၅ ရက်ကြာကျင်းပခဲ့တဲ့ ညီလာခံကနေ ဗဟိုအလုပ်အမှုဆောင်အဖွဲ့ကို ၃၉ ဦးနဲ့ ဖွဲ့စည်းခဲ့ပြီး ရခိုင်တိုင်းရင်းသားများဖွံ့ဖြိုး တိုးတက်ရေးပါတီဘက်က အများဆုံး ရွေးချယ်ခံရတယ်လို့ ညီလာခံ ကျင်းပရေးအဖွဲ့ဝင် ဦးခိုင်ပြည်စိုးက ပြောပါတယ်။

"စာရင်းကတော့ ၃၉ ဦးရွေးပါတယ်၊ အဲ့ဒီ ၃၉ ဦးမှာ အများစုကတော့ RNDP အဖွဲ့ကပဲပါတာပေါ့နော်၊ ဥက္ကဌအဖွဲ့၊ အတွင်းရေးမှူးအဖွဲ့တွေရွေးတဲ့အခါမှာလည်း RNDP အုပ်စုဘက်ကပဲအများဆုံး ပါပါတယ်၊ အဲ့ဒီတော့ ဘာပဲဖြစ်ဖြစ် ဟန်ချက်မညီတဲ့ အုပ်စုနှစ်အုပ်စုကြားထဲမှာ ဖြစ်ပေါ်လာတဲ့ရလာဒ်လို့ပဲ ကျနော်တို့ သဘောပေါက်ပါတယ်၊ ဒါပေမဲ့ ဒီဟာက နည်းတာများတာနဲ့မဆိုင်ဘူး၊ ကျနော်တို့ အမျိုးသားသွေးစည်း ညီညွတ်ရေးကို တဖြည်းဖြည်း၊ တဖြည်းဖြည်း ဒီပါတီ ကျစ်လစ်ခိုင်မာရေးအတွက် လုပ်သွားလိမ့်မယ်လို့ပဲ ကျနော်ထင်ပါတယ်"

ရခိုင်အမျိုးသားပါတီ ဥက္ကဌအဖြစ် ဒေါက်တာအေးမောင်၊ ဒုတိယဥက္ကဌအဖြစ် ဦးဖိုးမင်းနဲ့ ဒေါ်အေးနုစိန်၊ အထွေထွေအတွင်းရေးမှူး ဦးထွန်းအောင်ကျော်၊ အတွင်းရေးမှူးတွေအဖြစ် ဦးသာထွန်းလှ၊ ဦးအောင်ဝင်းနဲ့ ဦးကျော်ဇောဦးတို့ ခန့်အပ်ခံရတယ်လို့ သိရပါတယ်။ သူတို့တွေဟာ ရခိုင်တိုင်းရင်းသား ဖွံ့ဖြိုးတိုးတက်ရေး ပါတီ RNDP က ဖြစ်ပြီး ရခိုင်ဒီမိုကရေစီအဖွဲ့ချုပ်က ဦးအေးသာအောင်ဟာ ဗဟိုအလုပ်အမှုဆောင် အဖွဲ့ဝင် အဖြစ်သာ ရွေးချယ်ခံရတယ်လို့ သိရပါတယ်။

RFA Burmese

No comments:

Post a Comment

My Blog List