ပါကစ္စတန်သမ္မတဟောင်း ပါဗက်ဇ် မူရှာရက်ဖ် အနေနဲ့ နိုင်ငံတော် သစ္စာဖောက်ဖျက်မှုဆိုင်ရာ စွဲချက်တွေ ကို ရင်ဆိုင်ဖို့ နောက် သီတင်းပတ်မှာ တရားရုံး လာရမယ်လို့ ပါကစ္စတန် တရားရုံးတစ်ခုက ညွှန်ကြားလိုက် ပါတယ်။ မကျန်းမာတဲ့အတွက် အရင်တရားရုံးချိန်းတွေကို မလာရောက်နိုင်ခဲ့တဲ့ကြားကပဲ အခုလို အမိန့် ထုတ်လိုက်တာပါ။ စစ်ဆေးရုံ တစ်ခုမှာ လောလောဆယ်ရှိနေတဲ့ အသက် ၇၀ အရွယ် မစ္စတာမူရှာရက်ဖ်ရဲ့
ဆေးမှတ်တမ်းကို စစ်ဆေးပြီးတဲ့နောက် ဇန်န၀ါရီလ ၁၆ ရက်နေ့ ရုံးချိန်းကို မဖြစ်မနေ လာရောက် ရမယ်လို့ တရားသူကြီးတွေက ကြာသပတေးနေ့မှာ ဆုံးဖြတ်ခဲ့တာဖြစ် ပါတယ်။
သူဟာ ပြီးခဲ့တဲ့ ကြာသပတေးနေ့မှာ အစ္စလမ်မာဘတ်မြို့တော်က တရားရုံးဆီအသွား နှလုံးရောဂါ ဖောက်လာတယ်လို့ ဆိုတဲ့ အတွက် အနီးအနား ရာဝါလ်ပင်ဒီမြို့က ဆေးရုံဆီ အလျင်အမြန် ပို့ခဲ့ရပါတယ်။ မစ္စတာ မူရှာရက်ဖ်မှာ နှလုံးသွေးကြောကျဉ်းရောဂါ ရှိနေတယ်လို့ ဆရာဝန်တွေက စမ်းသပ် စစ်ဆေးထား ပါတယ်။
အဲဒါဟာ မစ္စတာမူရှာရက်ဖ် သုံးကြိမ်မြောက် ရုံးချိန်း ပျက်ကွက်တာဖြစ်ပါတယ်။ ပထမနှစ်ကြိမ်ကတော့ သူ့အိမ်ကနေ တရားရုံးဆီ သွားရာလမ်းမှာ ဖောက်ခွဲရေးပစ္စည်းတွေ ထောင်ထားတာကို တာဝန်ရှိသူတွေက
တွေ့ခဲ့ပြီးတဲ့နောက် ရုံးချိန်းပျက်ခဲ့တာဖြစ်ပါတယ်။
VOA
No comments:
Post a Comment