လာမည့် ၂၀၁၅ ခုနှစ် အထွေထွေရွေးကောက်ပွဲတွင် ကြိုတင်မဲပေးမှုတွင် အငြင်းပွားဖွယ်ရာများမကြုံ တွေ့ရန် ပြည်ထောင်စုရွေးကောက်ပွဲကော်မရှင်ဆိုင်ရာ နည်းဥပဒေကို ပြင်ဆင်ထားပြီး မဲရုံတာဝန်ရှိသူ များ တိကျစွာလိုက် နာဆောင်ရွက်ရန်စီစဉ်နေသည်ဟု ပြည်ထောင်စု ရွေးကောက်ပွဲကော်မရှင်အဖွဲ့ဝင် ဦးသောင်းလှိုင်က ဇန်န၀ါရီ ၇ ရက်တွင် မဇိ်္ဈမကို ပြောသည်။
“၂၀၁၀ တုန်းက အချိန်ပြင်ဆင်မှု သိပ်မရလို့ ဖြစ်ခဲ့တဲ့ ကြိုတင်မဲကိစ္စကိုလည်း ဥပဒေနဲ့အညီ သေချာ ဆောင်ရွက်နိုင်အောင် ပြဋ္ဌာန်းထားတယ်။ အကုန်လုံးကိုတော့ ပြောပြလို့ မရသေးဘူး။ အခုအချိန်မှာ နည်းဥပဒေက အကြမ်းပြီးသွားပြီ”ဟု ဆိုသည်။
မြန်မာ့ဒီမိုကရေစီပြုပြင်ပြောင်းလဲရေး ကာလအစဖြစ်သည့်၂၀၁၀ အထွေထွေရွေးကောက်ပွဲတွင် မသမာသော ကြိုတင်မဲများဖြင့် အနိုင်ရမှုများရှိခဲ့သည်ဟု နိုင်ငံရေးပါတီများက စွပ်စွဲပြောဆိုကြခြင်း ဖြစ်သည်။
အဆိုပါကာလအတွင်း စောင့်ကြည့်ခဲ့သည့် မြန်မာနိုင်ငံ ဒီမိုကရက်တစ်အင်အားစုအဖွဲ့ကလည်း ၂၀၁၁ ခုနှစ်၊ ဇန်န၀ါရီလ ၃၀ ရက်တွင် ရွေးကောက်ပွဲဆိုင်ရာ မသမာမှုများကို ထုတ်ပြန်ကြေညာခဲ့ပြီး ယင်းတွင် ကြိုတင်မဲ မသမာမှုများလည်း ပါဝင်ခဲ့သည်။
“၂၀၁၀ တုန်းက ပုံပျက်ပန်းပျက်ပဲ ဥပဒေထဲမှာက ကြိုတင်မဲဆိုတာ ပြည်သူတွေရဲ့ မဲပေးနိုင်ခွင့် အခွင့် အရေး မဆုံးရှုံးအောင်လို့ ရည်ရွယ်ပြဋ္ဌာန်းထားတယ်ဆိုတော့ အရမ်းကောင်းတယ်။ ဒါပေမဲ့ တကယ် ဆောင်ရွက်တဲ့အခါမှာ ဒီကြိုတင်မဲဆိုတာကို လက်နက်တစ်ခုလို ကိုင်တွယ်အသုံးပြုသွားတာရယ် ဥပဒေကို လိုသလို သုံးသွားတာတွေရှိတယ်”ဟု တိုင်းရင်းသား စည်းလုံးညီညွတ်ရေးပါတီ ဗဟိုအလုပ်အမှု ဆောင် ကော်မတီဝင် ဦးထွန်းရီက ပြောသည်။
၁၉၉၀ ပြည့်နှစ်ရွေးကောက်ပွဲမှ စတင် ပါဝင်ယှဉ်ပြိုင်ခဲ့သည့် ၎င်းတို့ပါတီသည် ၂၀၁၀ ပြည့်နှစ်တွင် မကြုံ ဘူးသည့် အခြေအနေများ ကြုံခဲ့ရပြီး ကြိုတင်မဲကြောင့် နိုင်ရာမှ ရှုံးသွားခြင်းပင် ရှိခဲ့သည်ဟု ဦးထွန်းရီက ဆိုသည်။ “ကြိုတင်မဲဆိုတာက ဖွင့်တာနဲ့ ရောက်လာရမယ်။ ဒါပေမဲ့ မရောက်လာဘဲ မဲရေပြီးမှတောင် ရောက်လာတာတွေက ရှိနေသေးတယ်”ဟု ပြောသည်။
၂၀၁၀ ပြည့်နှစ်ရွေးကောက်ပွဲတွင် ပါဝင်ယှဉ်ပြိုင်ခဲ့သည့် အမျိုးသားဒီမိုကရေစီအင်အားစုပါတီ၏ ဥက္ကဋ္ဌ အဖြစ် တာဝန်ယူထားသူ ဦးခင်မောင်ဆွေကမူ ကြိုတင်မဲပေးမည့် ပြည်သူများစာရင်းကို ကြိုတင်ကြေ ညာရန်၊ လုံခြုံစွာသိမ်းဆည်းရန်၊ သတ်မှတ်ချိန်အတွင်း အရောက်ပေးပို့ရန်၊ ရေတွက်ရာတွင် ပွင့်လင်း မြင်သာမှုရှိရန် ပြည်ထောင်စု ရွေးကောက်ပွဲကော်မရှင်အနေဖြင့် ကြိုတင်ဆောင်ရွက်သင့်သည်ဟု သုံး သပ်သည်။
“၂၀၁၀ ရွေးကောက်ပွဲမှာ မန္တလေးတိုင်းမှာ ဖြစ်ခဲ့သလို ညကျမှ ရောက်လာသလို မဖြစ်ဖို့ အရေးကြီး တယ်။ ဒါမျိုးတွေကို ကော်မရှင်အနေနဲ့ တာဝန်ယူနိုင်သလား။ တိတိကျကျ တာဝန်ပေးထားဖို့လိုမယ်” ဟု ဦးခင်မောင်ဆွေက ပြောသည်။
ကြိုတင်မဲများကို သက်ဆိုင်ရာနယ်မြေ ရွေးကောက်ပွဲတာဝန်ရှိသူများက ကြိုတင်ကောက်ခံထား၍ ရွေး ကောက်ပွဲ ကျင်းပသည့်နေ့မတိုင်မီအထိ လုံခြုံစွာ သိမ်းဆည်းထားပြီး မဲရုံဖွင့်ချိန် နံနက် ၆ နာရီမှ မဲရုံပိတ် ချိန် ညနေ ၄ နာရီအတွင်း အပ်နှံရန် ဥပဒေများက သတ်မှတ်ထားသော်လည်း အငြင်းပွားဖွယ်ရာများ ကြုံ တွေ့ခဲ့ရခြင်း ဖြစ်သည်။
“ဥပဒေဆိုတာက စာရွက်ပေါ်မှာရေးထားတဲ့အရာ လက်တွေ့ အကောင်အထည်ဖော်တဲ့အခါကျမှ ဥပဒေ ကို လျော့ချင်သလိုလျော့၊ ဆန့်ချင်သလိုဆန့် ဒီလိုမျိုးတွေကြောင့် ပြဿနာတွေဖြစ်ရတယ်” ဟု အမျိုး သားဒီမိုကရေစီအဖွဲ့ချုပ် ဗဟိုအလုပ်အမှုဆောင်ကော်မတီဝင် ဦးဝင်းမြင့်က သုံးသပ်သည်။
ကြိုတင်မဲကို ရွေးကောက်ပွဲကျင်းပချိန်တွင် သက်ဆိုင်ရာမဲဆန္ဒနယ်မှ ကျော်လွန်၍ ခရီးဝေးသွားလာရန်ရှိ သူများ၊ အနာကြီးရောဂါစွဲကပ်သူများ၊ ရောဂါဝေဒနာပြင်းထန်စွာ ခံစားနေရသူများ၊ အသက်အရွယ်ကြီး ရင့်သူများ၊ သားဖွားနေသူများ၊ ရဲ အချုပ်စခန်း သို့မဟုတ် အကျဉ်းစခန်းများတွင် အချုပ်ကျခံနေရသူများ ပေးခွင့်ရှိသည်ဟု ရွေးကောက်ပွဲဥပဒေနှင့် နည်းဥပဒေများတွင် ဖော်ပြထားသည်။
Mizzima - News in Burmese
No comments:
Post a Comment