Tuesday, September 03, 2013

အမေရိကန် လေယာဉ်တင် သင်္ဘောနှင့် စစ်သင်္ဘော လေးစင်း ဆီးရီးယား အနီး ပင်လယ်နီ အတွင်းသို့ ထပ်မံ ရောက်ရှိ

Tuesday, September 3, 2013
နျူကလီးယား စွမ်းအင်သုံး အမေရိကန် လေယာဉ်တင် သင်္ဘော USS Nimitz နှင့် ၎င်းရေယာဉ်အုပ်တွင် ပါဝင်သည့် ခရူဇာစစ်သင်္ဘောတစ်စင်းနှင့် ဖျက်သင်္ဘောသုံးစင်းတို့သည် စက်တင်ဘာ ၂ရက်က ပင်လယ်နီ အတွင်းသို့ ဝင်ရောက်လာပြီ ဖြစ်ကြောင်းနှင့် ထိုကဲ့သို့ လေယာဉ်တင်သင်္ဘောဖြန့်ချမှုသည် ဆီးရီးယားနိုင်ငံ အပေါ် တိုက်ခိုက်ပါက အထောက်အကူရရှိစေရေးအတွက်ဖြစ်ကြောင်း အမေရိကန် ကာကွယ်ရေးဦးစီးဌာန မှ တာဝန်ရှိသူတစ်ဦးက ပြောကြားခဲ့သည်။သို့သော် အဆိုပါသင်္ဘောများသည် ဆီးရီးယားအား တိုက်ခိုက် ရန်အတွက် အမေရိကန်၏ ဖျက်သင်္ဘော၅စီးနှင့် ကုန်းရေ နှစ်သွယ်သွားတိုက်ယာဉ်တစ်စီးတို့ တပ်စွဲ ထားသည့် မြေထဲပင်လယ်အတွင်းသို့ သွားရောက်ရန်အတွက်မူ အမိန့်တစ်စုံတစ်ရာရရှိထားခြင်း မရှိကြောင်း သိရသည်။ ဆီးရီးယား နိုင်ငံသည် သြဂုတ် ၂၁ရက်နေ့က ပြည်သူများ အပေါ် ဓာတုလက်နက် အသုံးပြု တိုက်ခိုက်ခဲ့သည်ဟူသော စွပ်စွဲချက်ဖြင့် အမေရိကန် သမ္မတ ဘားရက် အိုဘားမား သည် ဆီးရီး ယားနိုင်ငံအား တိုက်ခိုက်ရန်အတွက် လွှတ်တော်သို့ တင်ပြထားပြီး အဆိုပါ ကိစ္စရပ်နှင့် စပ်လျဉ်း၍ လွှတ်တော် က စက်တင်ဘာ ၉ ရက်နေ့တွင် စတင် ဆွေးနွေး သွားမည် ဖြစ်ကြောင်း သိရသည်။

No comments:

Post a Comment

My Blog List