ဆီးရီးယား နိုင်ငံတွင် ဖြစ်ပွားခဲ့သော ဓာတု လက်နက်သုံး တိုက်ခိုက်မှု၏ နောက်ကွယ်တွင် ဆီးရီးယား အစိုးရ ရှိနေသည့် သက်သေ အထောက်အထား များကို မိမိ အနေဖြင့် တွေ့ရှိ ထားကြောင်းနှင့် အဆိုပါ ကိစ္စနှင့် ပတ်သက်၍ ကမ္ဘာ တစ်ဝန်းမှ ပြတ်ပြတ်သားသား မတုံ့ပြန် ခဲ့ပါက ယင်းကိစ္စသည် ကမ္ဘာ့ နိုင်ငံများ အတွက် ခြိမ်းခြောက်မှု တစ်ခု ဖြစ်လာနိုင်ဖွယ် ရှိကြောင်း နေတိုး တပ်ဖွဲ့၏ အကြီးအကဲ ဖြစ်သူ အန်ဒါဖော့ရက်စ် မူဆန်က ပြောကြားသည်။
မိမိတို့ နေတိုး တပ်ဖွဲ့၏ နိုင်ငံများ အနေဖြင့် အနာဂတ် ကာလ၌ ဖြစ်ပေါ် လာနိုင်ဖွယ် ရှိသည့် ဓာတု လက်နက်ဖြင့် တိုက်ခိုက်မှု များကို ရှောင်ရှားနိုင်ရန်နှင့် အဆိုပါ တိုက်ခိုက်မှု များကို မည်ကဲ့သို့ တုံ့ပြန်ရမည် ဟူသော ကိစ္စနှင့် ပတ်သက်၍ နိုင်ငံတကာ ဆိုင်ရာ သဘော တူညီမှု တစ်ရပ်ကို ချမှတ်ထားရန် လိုအပ်ကြောင်း၊ မိမိတို့ အနေဖြင့် တုံ့ပြန်မှု မရှိပါက ယင်းကိစ္စသည် ကမ္ဘာ တစ်ဝန်းရှိ နိုင်ငံများ အတွက် အန္တရာယ် အချက်ပေးမှု တစ်ခု ဖြစ်ကြောင်းကို မိမိ အနေဖြင့် ပြောကြားရမည် ဖြစ်ကြောင်း ရက်စ်မူဆန်က ပြောကြားသည်။
သို့ရာတွင် နေတိုး တပ်ဖွဲ့ဝင်များ အနေဖြင့် ဆီးရီးယားနှင့် နယ်နိမိတ် ထိစပ်နေသော နေတိုး အဖွဲ့ဝင် နိုင်ငံ တစ်နိုင်ငံ ဖြစ်သည့် တူရကီ နိုင်ငံကို ကာကွယ်ခြင်းမှ လွဲ၍ ဆီးရီးယား ပြည်တွင်း စစ်တွင်မူ မည်သည့်အခန်း ကဏ္ဍတွင်မျှ ပါဝင်သွားမည် မဟုတ်ဟု ၎င်းက ထပ်လောင်း ပြောကြားခဲ့သည်။
မြ၀တီ
No comments:
Post a Comment