Thursday, September 5, 2013
တပ်မတော် လေယာဉ် ATR 72 လေယာဉ်ဖြင့် ကိုကိုးကျွန်း မြို့တွင် တာဝန် ထမ်းဆောင်ကြမည့် ရန်ကုန်တိုင်း ဒေသကြီး အတွင်းရှိ ဝန်ကြီး ဌာနများမှ အမှုထမ်း၊ အရာထမ်းများနှင့် ကိုကိုးကျွန်းမှ ပြန်လည် လိုက်ပါလာမည့် သူများအား အခမဲ့ ပို့ဆောင်ပေးသည့် ခရီးစဉ်ကို ယနေ့နံနက် ၇ နာရီခွဲတွင် မင်္ဂလာဒုံ လေတပ်စခန်း ဌာနချုပ်မှ ထွက်ခွာပျံသန်းရာ ၈ နာရီ ၄ဝတွင် ကိုကိုးကျွန်းမြို့သို့ရောက်ရှိပြီး ကိုကိုးကျွန်းမြို့မှ မွန်းလွဲ ၂ နာရီခွဲ ထွက်ခွာပျံသန်းရာ ၃ နာရီ ၄၅ တွင် မင်္ဂလာဒုံ လေတပ်စခန်း ဌာနချုပ်သို့ ပြန်လည် ရောက်ရှိခဲ့ကြောင်း သိရသည်။
တပ်မတော် လေယာဉ် ATR 72 လေယာဉ်ဖြင့် ကိုကိုးကျွန်း မြို့တွင် တာဝန် ထမ်းဆောင်ကြမည့် ရန်ကုန်တိုင်း ဒေသကြီး အတွင်းရှိ ဝန်ကြီး ဌာနများမှ အမှုထမ်း၊ အရာထမ်းများနှင့် ကိုကိုးကျွန်းမှ ပြန်လည် လိုက်ပါလာမည့် သူများအား အခမဲ့ ပို့ဆောင်ပေးသည့် ခရီးစဉ်ကို ယနေ့နံနက် ၇ နာရီခွဲတွင် မင်္ဂလာဒုံ လေတပ်စခန်း ဌာနချုပ်မှ ထွက်ခွာပျံသန်းရာ ၈ နာရီ ၄ဝတွင် ကိုကိုးကျွန်းမြို့သို့ရောက်ရှိပြီး ကိုကိုးကျွန်းမြို့မှ မွန်းလွဲ ၂ နာရီခွဲ ထွက်ခွာပျံသန်းရာ ၃ နာရီ ၄၅ တွင် မင်္ဂလာဒုံ လေတပ်စခန်း ဌာနချုပ်သို့ ပြန်လည် ရောက်ရှိခဲ့ကြောင်း သိရသည်။
''ကိုကိုးကျွန်းမြို့ဟာ အရင်ကထက် အစစအရာရာမှာ ဖွံ့ဖြိုးနေပါတယ်။ ဒါပေမဲ့လည်း လမ်းပန်းဆက်သွယ် ရေးကတော့ အနည်းငယ် အခက်အခဲ ရှိပါတယ်။ အဝေးသင်တက္ကသိုလ် ဖြေဖို့ လေယာဉ်ခရီးနဲ့ သွားရတဲ့အတွက် ဝမ်းသာမိပါတယ်။ လေယာဉ်ခရီးနဲ့ ဒါပထမဆုံး သွားဖူးတာပါ။ အခုလို တပ်မတော် လေယာဉ်ကို စီးနင်းခွင့် ရတဲ့အတွက်လည်း တပ်မတော်ကို အထူးပဲ ကျေးဇူးတင်ပါတယ်။ နောက်ကိုလည်း လေယာဉ်တွေ၊ သင်္ဘောတွေ ပြေးဆွဲပေးဖို့ မျှော်လင့် ပါတယ်။'' ဟု ကိုကိုးကျွန်းမှ လိုက်ပါလာသည့် ကိုကိုးကျွန်း ဆေးရုံကြီးတွင် တာဝန်ထမ်းဆောင် နေသည့် သူနာပြု မိုးပပအောင်က ပြုံးရွှင်စွာဖြင့် ဝမ်းသာ စကားဆိုသည်။
၎င်းခရီးစဉ်တွင် ဌာနဆိုင်ရာ တာဝန်ဖြင့် လိုက်ပါလာသည့် တာဝန်ရှိသူ တစ်ဦးကလည်း ''ဒီမနက် ရန်ကုန်ကနေ တပ်မတော်လေယာဉ်နဲ့ ထွက်လာခဲ့တာ ခရီးသည် ၂ဝ ကျော် ပါလာပါတယ်။ အဲ့ဒီမှာလည်း အသုံးအဆောင်တွေနဲ့ အစား အသောက်တွေ ပါလာတယ်။ အပြန်မှာတော့ ခရီးသည်အားလုံး ၄၆ ဦး ပြန်လည် လိုက်ပါလာပါတယ်။
ဒီမှာတော့ အကြောင်းအမျိုးမျိုးကြောင့် ဝန်ထမ်းတွေ တာဝန်ပြီးဆုံးလို့ ပြန်လည် လိုက်ချင်တယ်ဆိုလို့ လိုက်ပါလာတာ ဖြစ်ပါတယ်။ အရင်တုန်းက ကိုကိုးကျွန်း ကိုလာမယ်ဆိုရင် စစ်သင်္ဘောနဲ့ လာရတာပါ။ အဲ့ဒီအခါမှာ ကျွန်တော်တို့က အနည်းဆုံး ဆယ်ခြောက်နာရီ၊ ဆယ့်ရှစ်နာရီလောက် သွားရပါတယ်။ လေယာဉ် နဲ့ကျတော့ တစ်နာရီ ဆယ်မိနစ် လောက် ဆိုတော့ အချိန်တွေ အများကြီး သက်သာ သွားပါတယ်။ အခုလို လေယာဉ်နဲ့သာ အဆင်ပြေမယ် ဆိုရင်တော့ ဝန်ထမ်းတွေ အတွက်ရော၊ ပြည်သူတွေရဲ့ကျန်းမာရေး၊ ပညာရေးနှင့် လူမှုရေးတွေပါ ဒီထက်ပိုပြီး အဆင်ပြေမှာပါ''ဟု ဆိုသည်။
''တပ်မတော် အကြီးအကဲတွေရဲ့ လမ်း ညွှန်မှုနဲ့ ကျွန်တော်တို့ တပ်မတော် (လေ) အနေနဲ့ ဝေးလံခေါင်ဖျားတဲ့ ဒေသမှာ ရှိတဲ့ နိုင်ငံတော် တာဝန် ထမ်းဆောင်နေတဲ့ အမှုထမ်း၊ အရာထမ်း၊ မိသားစုဝင်များ၊ တပ်မတော်သား များနဲ့ မိသားစုဝင် များကို လိုအပ်နေတဲ့ စားနပ်ရိက္ခာ အသုံးအဆောင် ပစ္စည်းများကို ပို့ဆောင် ပေးလျက်ရှိပါတယ်။ ဒါ့အပြင် မိသားစုများ အချိန်တို အတွင်းမှာ သွားရေးလာရေး အဆင်ပြေဖို့ အတွက် ကျွန်တော်တို့ တပ်မတော်(လေ) မှာ အသုံးပြုလျက် ရှိတဲ့ လေယာဉ်၊ ရဟတ်ယာဉ်တွေနဲ့ အချိန်တို အတွင်းမှာ အမြန်ဆုံး လွယ်ကူ ချောမွေ့စွာ ရောက်ဖို့ အတွက်လည်း ကူညီ ဆောင်ရွက် ပေးလျက်ရှိပါတယ်။
ဒီနေ့ခရီးစဉ်ဟာ ဆိုရင်တော့ ကိုကိုးကျွန်း ဒေသမှာရှိတဲ့ အမှုထမ်း၊ အရာထမ်းတွေနဲ့ တပ်မတော်သား မိသားစုဝင်များကို လိုအပ်လျက် ရှိတဲ့ စားကုန်သောက်ကုန် တွေရယ် လူသုံးကုန် ပစ္စည်းတွေကို ATR 72 လေယာဉ်ကို အသုံးပြုပြီးတော့ ပို့ဆောင်ပေးတဲ့ ခရီးစဉ်တစ်ခု ဖြစ်ပါတယ်။
အဲ့ဒီလိုပါပဲ ပူတာအို၊ မြစ်ကြီးနား၊ စစ်တွေ၊ ဘုတ်ပြင်း၊ နမ့်စန်၊ ကျိုင်းတုံ အစရှိတဲ့ နေရာတွေကိုလည်း တပ်မတော် လေယာဉ်တွေနဲ့ လိုအပ်နေတဲ့ ကုန်ပစ္စည်း တွေကို သယ်ယူ ပို့ဆောင် ပေးခဲ့ပါတယ်။
ဒါ့အပြင် အဲ့ဒီဒေသမှာ ရှိနေတဲ့ မိသားစု တွေကိုလည်း အချိန်တို အတွင်းမှာ သယ်ယူပို့ဆောင်ခြင်း များအား အခမဲ့ ဆောင်ရွက် ပေးခဲ့ပါတယ်။ ဒီလိုခရီးစဉ်တွေ ပေါ်လာပြီဆိုရင် ကာကွယ်ရေး ဦးစီးချုပ်ရုံး(လေ)ကနေ တစ်ဆင့် သက်ဆိုင် ရာ ဝန်ကြီးဌာနမှာ ရှိတဲ့ အမှုထမ်း၊ အရာထမ်းတွေကို ကြိုတင် အကြောင်းကြား ပေးပါတယ်။ ခရီးစဉ်သွားမည့် နေ့မှာလည်း အစစအရာရာ အဆင်ပြေစေရန် ကူညီ ဆောင်ရွက်ပေးလျက် ရှိပါတယ်''ဟု တပ်မတော် (လေ)မှ ဒုတိယ ဗိုလ်မှူးကြီး မျိုးရန်ပိုင်က ၎င်းတို့ ဆောင်ရွက်ချက် များအား ရှင်းပြသွားသည်။
ကိုကိုးကျွန်းမြို့သည် ရန်ကုန်တိုင်း ဒေသကြီး၊ တောင်ပိုင်းခရိုင် အတွင်းရှိ မြို့နယ် တစ်ခုဖြစ်ပြီး ရန်ကုန်မြို့၏ အနောက် တောင်ဘက် မိုင် ၂၆ဝ အကွာတွင် တည်ရှိသည့် မြို့နယ်ဖြစ်သည်။ ၎င်းမြို့နယ်တွင် ကျွန်းကြီးငါးကျွန်း၊ ကျွန်းငယ်ခုနစ် ကျွန်း အပါအဝင် စုစုပေါင်း ဧရိယာမှာ ၆၅၃၅ ဒသမ ၅ဝ ဧကဖြစ်ကြောင်း သိရသည်။
နိုင်းမင်းလတ်
မြ၀တီ
No comments:
Post a Comment