ဒီနေ့ ကျရောက်တဲ့ ချစ်သူများနေ့ ဖေဖော်ဝါရီလ ၁၄ ရက်နေ့မှာ နေပြည်တော်က ရေပန်းဥယျဉ်မှာ ပန်းပွဲတော်ကို စတင် ဖွင့်လှစ်လိုက်ပြီး လာမယ့် ၂၀၁၉ ခုနှစ်၊ မတ်လ ၃၁ ရက်နေ့အထိ ကျင်းပသွားမယ်လို့ သိရပါတယ်။
ပန်းပွဲတော်မှာ ပစ်ကျူးနီးယား၊ ဖော့ဂက်၊ နှင်းဆီ၊ သစ်ခွ အပါအဝင် ပန်းအမျိုးအစားပေါင်း ၈၀ ခန့်ကိုလည်း ပြသထားပြီး ဒီနေ့ ညနေ ၆ နာရီမှာ ဖွင့်ပွဲအခမ်းအနား ပြုလုပ်မည် ဖြစ်ပြီး နိုင်ငံကျော် အဆိုတော်များ ဖျော် ဖြေမှာ ဖြစ်ကြောင်း၊ စနေနှင့် တနင်္ဂနွေနေ့တွေမှာတော့ Myanmar Idol က အဆိုတော်တွေနဲ့ ဖျော်ဖြေမှာ ဖြစ်တယ်လို့ သိရပါတယ်။
ရေပန်းဥယျာဉ်ထဲမှာ မှတ်တမ်းတင် ဓါတ်ပုံ ရိုက်လို့ရတဲ့ ဖုန်းရုံလေးတွေ၊ အသဲပုံ ပန်းကွင်းလေးတွေ၊ ပုသိမ်ထီး လျှောက်လမ်း၊ အမှတ်တရ ပစ္စည်း အရောင်းဆိုင်တွေနဲ့ ဈေးဆိုင်တန်းလေးတွေကိုလည်း တွေ့ ခဲ့ရပါတယ်။
အခု ပန်းပွဲတော် ကျင်းပနေတဲ့ နေပြည်တော် ရေပန်း ဥယျာဉ်ကို နေပြည်တော် စည်ပင်သာယာရေး ကော်မတီက ပိုင်ဆိုင်လုပ်ကိုင်နေတာ ဖြစ်ပြီး NLD အစိုးရလက်ထက် ၂၀၁၉ ခုနှစ် နှစ်ကုန်ပိုင်းမှာတော့ ပုဂ္ဂလိကကို လုပ်ပိုင်ခွင့်ပြောင်းပေးခဲ့ရာ တင်ဒါနိုင်တဲ့ ဆန်းမြတ်ထွန်းဆိုတဲ့ ကုမ္ပဏီတခုက လုပ်ပိုင်ခွင့်ရရှိသွားတယ်လို့ သိရပါတယ်။
ဓာတ်ပုံ - ထက်နိုင်ဇော်/ဧရာဝတီ
No comments:
Post a Comment