ဒုတိယကမ္ဘာစစ်နောက်ပိုင်း ဂျပန်နိုင်ငံရဲ့ ငြိမ်းချမ်းရေး မူဝါဒတွေကနေ ခွဲထွက်လာတဲ့ သမိုင်းဝင် ခြေလှမ်း တရပ်အဖြစ် စစ်ဘက်ဆိုင်ရာ လုပ်ငန်း တွေ အပေါ် ကန့်သတ်မှုတွေကို လျှော့ချပေးမယ့် ဥပဒေတရပ်ကို အောက် လွှတ်တော်က အတည်ပြုလိုက်ပါတယ်။ အကြီးအကျယ် ကန့်ကွက်မှုတွေနဲ့ အဓိက အတိုက်အခံ နိုင်ငံရေးပါတီတွေက သပိတ်မှောက်တာတွေ ကြုံခဲ့ရ ပေမဲ့လည်း အချေအတင်ဖြစ်စရာ အစီအစဉ်တွေကို ၀န်ကြီးချုပ် Shinzo Abe ရဲ့ အာဏာရပါတီ ထောက်ခံမှုနဲ့ ဒီကနေ့ပဲ အတည်ပြုလိုက်တာပါ။
ဝန်ကြီးချုပ်ကတော့ ဂျပန်နိုင်ငံပတ်ဝန်းကျင်မှာ လုံခြုံရေးအခြေအနေဟာ ပိုမိုခက်ခဲကြမ်းတမ်း လာနေတယ် လို့ မဲခွဲ အတည်ပြုပြီးနောက် မှာပဲ ပြောကြားသွားပါတယ်။ ဂျပန်လူထုကို ကာကွယ်ဖို့နဲ့ စစ်မဖြစ်အောင် ဟန့်တားနိုင်ဖို့ ဒီဥပဒေတွေဟာ မရှိမဖြစ် အရေးကြီးတယ်လို့လည်း ပြောဆိုခဲ့တာပါ။
အတိုက်အခံ လွှတ်တော်အမတ်တွေကတော့ လုံလောက်တဲ့ ဆွေးနွေးညှိနှိုင်း မှုတွေ မလုပ်ပဲ ၀န်ကြီးချုပ်ရဲ့ လစ်ဘရယ်ဒီမိုကရက်တစ်ပါတီဟာ လွှတ်တော်ကော်မီတီ တရပ်ကနေ ဥပဒေကို အတည်ပြုခဲ့တယ်ဆိုပြီး မကျေမနပ် ဖြစ်ခဲ့ကြပါတယ်။
နယ်မြေပိုင်ဆိုင်မှုအတွက် ဂျပန်နိုင်ငံနဲ့ အငြင်းပွားနေတဲ့ တရုတ်နိုင်ငံက အကြီးအကျယ် သြဇာချဲ့ထွင်လာ နေတာတွေကို တုန့်ပြန်မှုတစိတ်တပိုင်း အဖြစ် ၀န်ကြီးချုပ် Abe ကတော့ တင်းတင်းကျပ်ကျပ် ချုပ်ကိုင်ခံ နေရတဲ့ ကာကွယ်ရေးတပ်ဖွဲ့တွေ ပိုအားကောင်းလာအောင် လုပ်မယ်လို့ ကတိပြု ထားတာပါ။
တရုတ်နိုင်ငံကတော့ ဂျပန်အောက်လွှတ်တော်မှာ ဥပဒေကို အတည်ပြု လိုက်တဲ့ အပေါ် ဒီကနေ့ပဲ ပြစ်တင် ပြောဆိုလိုက်ပြီး၊ ဒုတိယကမ္ဘာစစ်နောက် ပိုင်း ကာကွယ်ရေးအတွက်ကိုသာ ဆက်လက် အာရုံစိုက် ဆောင် ရွက်သွား မယ်လို့ဆိုတဲ့ ဂျပန်နိုင်ငံရဲ့ မူဝါဒတွေအပေါ်မှာလည်း မေးခွန်းထုတ်ခဲ့ပါတယ်။
VOA
No comments:
Post a Comment