နောက်တက်မယ့် မြန်မာသမ္မတဖြစ်နိုင်ချေအပေါ် သုံးသပ်ချက်

မြန်မာနိုင်ငံမှာ နိုဝင်ဘာလ ၈ ရက်နေ့မှာ ကျင်းပမယ့် ရွေးကောက်ပွဲမှာ သမ္မတ ဦးသိန်းစိန် အနေနဲ့ ၀င်ရောက် ယှဉ်ပြိုင်မယ် မပြိုင်ဘူးဆိုတဲ့အပေါ် တိကျရေရာတဲ့အဖြေ ထွက်မလာသေးပေမဲ့လည်း ရွေးကောက်ပွဲအပြီး ဘယ်သူ သမ္မတဖြစ်လာမလဲ ဆိုတာကို ထင်ကြေးပေး ပြောဆိုမှုတွေ အမျိုးမျိုး ထွက်ပေါ်နေပါတယ်။ လက်ရှိ အဓိက နိုင်ငံရေး ပါတီကြီးတွေအကြား အားပြိုင်နေမှုအပေါ် အခြေခံပြီး သမ္မတ ဖြစ်လာနိုင်ချေရှိတဲ့ အလားအလာတွေကို သီပေါမြို့နယ် ကိုယ်စားပြု SNDP - ရှမ်းတိုင်းရင်းသားများ ဒီမိုကရေစီပါတီက လွှတ်တော်အမတ် ဦးရဲထွန်းက သုံးသပ်ထားပါတယ်။ ကိုဇော်ဝင်းလှိုင်က တင်ပြထားပါတယ်။

နိုင်ငံတော်သမ္မတ ဦးသိန်းစိန် အနေနဲ့ နိုဝင်ဘာလ ၈ ရက်နေ့မှာ ကျင်းပမယ့် ရွေးကောက်ပွဲမှာ ၀င်ရောက် ယှဉ်ပြိုင်မှာ မဟုတ်ဘူးဆိုတဲ့ သတင်းတွေ တနင်္လာနေ့က ထွက်ခဲ့ပြီး နောက်တနေ့ အင်္ဂါနေ့မှာပဲ ဦးသိန်းစိန် အနေနဲ့ အဲဒီလို ရွေးကောက်ပွဲ မ၀င်တော့ဘူးဆိုတဲ့ သတင်းကို အတည်မပြုကြောင်း နိုင်ငံတော်သမ္မတရုံး ညွှန်ကြားရေးမှူး ဦးဇော်ဌေးက ပြောဆိုလိုက်ပါတယ်။ သမ္မတ ဦးသိန်းစိန် အနေနဲ့ သမ္မတ ဒုတိယသက်တမ်း ဆက်လက် ထမ်းဆောင်မယ်၊မထမ်းဆောင် ဘူးဆိုတဲ့အပေါ် လမ်းဖွင့်ထားဆဲ ဖြစ်တာကြောင့် ဘယ်သူသမ္မတဖြစ်လာနိုင်မလဲဆိုတဲ့ ပြောဆိုမှုတွေ နိုင်ငံရေးအကဲခတ် တွေအကြား ထွက်ပေါ်နေတာပါ။

၂၀၀၈ ဖွဲ့စည်းပုံ အခြေခံဥပဒေအရ သမ္မတရွေးချယ်တင်မြှောက်တဲ့နေရာမှာ လွှတ်တော်အမတ် ဖြစ်စရာမလိုဘူး ဆုိုတဲ့ အချက် ပါနေတယ် ဆိုတာကို ရှမ်းတိုင်းရင်းသားများ ဒီမိုကရေစီပါတီက လွှတ်တော်အမတ် ဦးရဲထွန်းက အခုလို ရှင်းပြ ပါတယ်။

“ဖွဲ့စည်းပုံ အခြေခံဥပဒေမှာက သမ္မတကုို ရွေးတဲ့အခါမှာ ကျနော်တုို့ သမ္မတရွေးချယ်ရေးအဖွဲ့ ၃ ဖွဲ့ကနေပြီးတော့ တဖွဲ့ကုိုတယောက်စီ တင်နုိုင်တယ်ဆုိုပြီးတော့ အဲဒီလုိုမျိုး ပြောဆုိုထားတယ်။ အဲဒီတော့ ပြည်သူ့လွှတ်တော်ကတဖွဲ့၊ အမျိုးသားလွှတ်တော်က တဖွဲ့နဲ့ ပြည်သူ့လွှတ်တော်နဲ့ အမျိုးသားလွှတ်တော်မှာ ပါဝင်တဲ့ တပ်မတော်သား အစုအဖွဲ့က တယောက်၊ အဲဒီလုို ၃ ယောက် တင်နုိုင်တယ်လုို့ ဆုိုထားပြီးတော့ အဲဒီပုဂ္ဂိုလ်တွေဟာ၊ အဲဒီလုို သူတုို့ရွေးလုိုက်တဲ့ ပုဂ္ဂိုလ်တွေဟာ လွှတ်တော် ကုိုယ်စားလှယ်ထဲက သော်လည်းကောင်း၊ လွှတ်တော် ကုိုယ်စားလှယ် မဟုတ်သူထဲက သော်လည်းကောင်း ဖြစ်ရမယ်၊ ဖြစ်နုိုင်တယ် ဆုိုပြီးတော့ အဲဒီလုို ပြောထားပါတယ်။ အဲဒီလုိုဆုိုတော့ ကျနော်တုို့ ရွေးကောက်ခံမဟုတ်တဲ့ ပုဂ္ဂိုလ်ထဲကလည်း အရွေးချယ် ခံနုိုင်တယ်ဆုိုတဲ့ အချက်ကုို ကျနော်တုို့ သတိထားမိတယ်။ အဲဒီတော့ ပထမအကြိမ်မှာ တုန်းကတော့ ကျနော်တုို့ဒီ သမ္မတလောင်းတွေ တင်တဲ့အခါမှာ ရွေးကောက်ခံရတဲ့ အထဲကပဲ တင်ကြတယ်။ ပြည်ထောင်စု ၀န်ကြီးတွေကုိုလည်း ဒီလုိုပဲ ရွေးကောက်ခံထားရတဲ့ အထဲကပဲ ရွေးကြတယ်။ 

ရွေးလုိုက်တဲ့အခါကျတော့ ဘာတခုသွားပြီးတော့ လစ်ဟာချက်တခု သွားပေါ်သလဲဆုိုတော့ လွှတ်တော်ကိုယ်စားလှယ် တွေ တော်တော်များများ နေရာလစ်လပ်သွားတယ်။ အဲဒါကြောင့်မုို့လုို့ ၂၀၁၂ မှာ သမ္မတရွေးကောက်ပွဲ လုပ်လုိုက်ရပြီးတဲ့ အခါကျတော့ အဲဒီနေရာ ၄၀ ကျော်မှာ ရွေးကောက်ပြီးတော့ NLD ကနေပြီးတော့ လွှတ်တော်ထဲကုို ၀င်လာနုိုင်တာ ပေါ့လေ။”

ဦးရဲထွန်းနဲ့ မေးမြန်းခန်း အပြည့်အစုံ

NLD အမျိုးသားဒီမိုကရေစီ အဖွဲ့ချုပ်ဘက်က လက်ရှိပါတီနာယက ဗိုလ်ချုပ်ကြီးဟောင်း ဦးတင်ဦးကို သမ္မတလောင်း အဖြစ် တင်သွင်းနိုင်ချေ ရှိတယ်လို့လည်း ဦးရဲထွန်းက သုံးသပ်ပါတယ်။

“ဒေါ်အောင်ဆန်းစုကြည်ကတော့ အခု ၅၉ (စ) ကုို မပယ်ဖျက်နုိုင်တဲ့ အတွက်ကြောင့်မုို့လုို့ ပြည်သူ့လွှတ်တော်ဥက္ကဋ္ဌ နေရာမှာပဲ ၀င်ပြီးတော့ ဆောင်ရွက်မယ်လုို့ သူတုို့ယာယီအားဖြင့် လျာထားလုိုက်ပြီပေါ့နော်။ အဲဒီတော့ အမျိုးသားလွှတ် တော် ဥက္ကဋ္ဌကတော့ ဦးဥာဏ်ဝင်းလုို့ လျာထားလုိုက်ပြီ။ ဆက်လက်ပြီးတော့ သမ္မတနေရာကို ဗုိုလ်ချုပ်ကြီးဟောင်း ဦးတင်ဦးကုို လျာထားတယ် ဆုိုတဲ့အတွက်ကြောင့်မုို့လုို့ ဗုိုလ်ချုပ်ကြီးဟောင်း ဦးတင်ဦးကလည်း ရွေးကောက်ပွဲ မ၀င်ဘဲနဲ့ အပြင်ကနေပြီးတော့ ထုိုင်စောင့်နေတာက ပုိုကောင်းတာပေါ့။ ဒီလုိုလုပ်ခြင်းအားဖြင့် သူတုို့အထဲကနေပြီးတော့ ရွေးကောက်ခံ ကုိုယ်စားလှယ်တယောက် လစ်လပ်သွားပြီးတော့ လွှတ်တော်မှာ အင်အားတခု လျော့နည်းသွားမှာကုို ကာကွယ်နုိုင်တာပေ့ါလေ။”

သမ္မတဦးသိန်းစိန် အနေနဲ့ လွှတ်တော် ရွေးကောက်ပွဲတွေမှာ ၀င်ရောက် ယှဉ်ပြိုင်ခြင်း မရှိရင်တော့ သူ့ပါတီရဲ့ မူအရ ပါတီရဲ့ ထောက်ခံမှုရဖို့ အခက်အခဲ ရှိနိုင်တယ်လို့ သူက အခုလို ဆက်ပြောပါတယ်။

“ဦးရွှေမန်းတုို့ရဲ့ ပြည်ခုိုင်ဖြိုး ပါတီက သူတုို့ပါတီ အနေနဲ့ သမ္မတလောင်း ဖြစ်ဖုို့အတွက်ဆုိုရင် ရွေးကောက်ခံထဲက ရွေးရမယ်လုို့ အဲဒီလုို အကြမ်းဖျဉ်း မူချထားတယ်လုို့ ကြားရပါတယ်။ အဓိပါယ်ကတော့ သမ္မတအဖြစ်နဲ့ ယှဉ်ပြိုင် အရွေးခံချင်တဲ့သူဟာ စစ်တပ်ကတင်တဲ့လူ မဖြစ်ရဘူး။ သူတုို့ထောက်ခံမယ့်လူဟာ ရွေးကောက်ခံ ကုိုယ်စားလှယ်ထဲကပဲ ဖြစ်ရမယ်လုို့ အဲဒီလုိုမျိုး မူချထားတယ်လုို့ ကြားရပါတယ်။ ဒီလုိုဆုိုလုိုက်တဲ့ အတွက်ကြောင့်မုို့လုို့ ဦးသိန်းစိန်က ၀င်အရွေးမခံတော့ဘူး ဆုိုလုို့ရှိရင် သူတုို့ပြည်ခုိုင်ဖြိုးပါတီက ထောက်ခံမှာ မဟုတ်ဘူးဆုိုတဲ့ အဓိပါယ်ဖြစ်သွား ပါတယ်။ ဒါကြောင့်မုို့လုို့ သူက သမ္မတဖြစ်နုိုင်တဲ့လူကုို ဘောင်ချုံ့ပစ်လုိုက်တာ ဖြစ်ပြီးတော့ ဦးရွှေမန်းကတော့ သူကမုချ ရွေးကောက်ပွဲ ၀င်မယ်လုို့ ဆုိုတာဖြစ်ပါတယ်။ အဲဒီတော့ သူကရွေးကောက်ပွဲကုို မုချဝင်မယ်ဆုိုရင် နုိုင်မယ်လုို့ သေချာပေါက် ပြောနုိုင်တဲ့ နည်းကတော့ သူဝင်ပြိုင်မယ့် မဲဆန္ဒနယ်မှာ NLD က ၀င်မပြိုင်ဖုို့ သူ့အနေနဲ့ ညှိနှိုင်းနုိုင်လုို့ရှိရင် အဲဒီဒေသမှာ သူကမုချ အရွေးခံရတဲ့ ကုိုယ်စားလှယ် ဖြစ်နုိုင်ပါတယ်။”

သမ္မတဖြစ်လာမယ့် ဒုတိယသမ္မတလောင်း ၃ ဦး ဘယ်သူဆိုတာ အတိအကျ မသိရသေးပေမဲ့လည်း အဲဒီ သမ္မတလောင်း (၃) ဦးကို ပြည်ထောင်စုလွှတ် တော်က မဲခွဲ ဆုံးဖြတ်ပေးရမှာ ဖြစ်တဲ့အတွက် နိုဝင်ဘာလ ၈ ရက်နေ့ ရွေးကောက်ပွဲမှာ လွှတ်တော်အမတ်နေရာ အများစုရတဲ့ပါတီက တင်သွင်း တဲ့ ကိုယ်စားလှယ်က အနိုင်ရမယ် ဆိုတာကတော့ သေချာသလောက် ရှိနေပါတယ်။

သမ္မတ ဦးသိန်းစိန် အနေနဲ့ ဒီရွေးကောက်ပွဲမှာ လွှတ်တော်ကိုယ်စားလှယ် အဖြစ် ၀င်အရွေးမခံဖို့ ဆုံးဖြတ်ခဲ့မယ်ဆိုရင် သူ့ရဲ့ ပြည်ခိုင်ဖြိုးပါတီ စည်းမျဉ်း အရ သမ္မတလောင်းအဖြစ် အမည်စာရင်း တင်သွင်းခွင့် မရှိပေမယ့်လည်း သူ့ကို တပ်မတော်သား ကိုယ်စားလှယ်များ အစုအဖွဲ့က တင်သွင်းခွင့် ရှိနေပါသေးတယ်။ တဘက်မှာလည်း လက်ရှိ ကာကွယ်ရေးဦးစီးချုပ် ဗိုလ်ချုပ်မှူးကြီး မင်းအောင်လှိုင်ကို တပ်မတော်သား ကိုယ်စားလှယ်တွေ ဘက်က အမည်စာရင်း တင်သွင်းနိုင်တယ်ဆိုတဲ့ သတင်းတွေ ထွက်နေ တာကြောင့် လက်ရှိအာဏာရ ပြည်ခိုင်ဖြိုးပါတီနဲ့ တပ်မတော်အကြား ဘယ်လို ညှိနှိုင်း ဆောင်ရွက်ကြမလဲဆိုတဲ့အပေါ် မြန်မာ့နိုင်ငံရေးအကဲခတ် တွေ အနီးကပ် စောင့်ကြည့်နေကြပါတယ်။

VOA