Tuesday, October 8, 2013
ရန္ကုန္ၿမဳိ႕ေတာ္မွ ျမန္မာျပည္အႏွံ႔ ဘုရားဖူး ထြက္ခြာမည့္
ျပည္တြင္းဘုရားဖူး ခရီးသည္တင္ ယာဥ္မ်ားအတြက္ ၿမဳိ႕အတြင္း
ယာဥ္လမ္းေၾကာင္းမ်ား သီးသန္႔သတ္မွတ္ေပးရန္
လိုအပ္ေၾကာင္း ရန္ကုန္ၿမဳိ႕ရွိ ျပည္တြင္း ဘုရားဖူးႏွင့္ ခရီးသြား
ဝန္ေဆာင္မႈအသင္း အေထြေထြ အတြင္းေရးမွဴး ဦးေက်ာ္မင္းလိႈင္က ေျပာၾကားသည္။“အရင္က ရန္ကုန္ၿမဳိ႕တြင္း ေျခာက္ ၿမဳိ႕နယ္ ဘုရားဖူးကားေတြ မဝင္ရဘူး။ အခုဘယ္ၿမဳိ႕နယ္မွ မ၀င္ရေတာ့ဘူး” ဟု ၎ကဆိုသည္။
ရန္ကုန္တိုင္းေဒသႀကီး အတြင္းရွိ ၿမဳိ႕နယ္မ်ားအတြင္း ဘုရားဖူးခရီးသည္
တင္ယာဥ္မ်ား ျဖတ္သန္းျခင္း မျပဳရန္ တိုင္းေဒသႀကီး အစိုးရအဖြဲ႕က ၾသဂုတ္လ
အတြင္းက ေၾကညာခဲ့ေသာေၾကာင့္ ဘုရားဖူးယာဥ္မ်ား ထြက္ခြာရန္ႏွင့္ ၿမဳိ႕တြင္း
ဝင္ေရာက္ရန္ အခက္အခဲမ်ားစြာ ျဖစ္ေပၚခဲ့ေၾကာင္း၊ ဘုရားဖူးခရီးသည္
တင္ယာဥ္မ်ားကို ကမာၻေအးဘုရားလမ္း၊ ျပည္လမ္း၊ အင္းစိန္လမ္း၊ ၾကည့္ျမင္တိုင္
ကမ္းနားလမ္း၊ ဘုရင့္ေနာင္လမ္းတို႔တြင္ ရပ္တင္စနစ္ျဖင့္ ျဖတ္သန္းခြင့္ျပဳရန္
ရန္ကုန္တိုင္းေဒသႀကီး အစိုးရအဖြဲ႕ထံ တင္ျပညႇိႏိႈင္းသြား မည္ ျဖစ္ေၾကာင္း ၎က
ဆက္လက္ေျပာၾကားသည္။
ရန္ကုန္ၿမဳိ႕တြင္း ေျခာက္ၿမဳိ႕နယ္ ျဖစ္ေသာ
ပုဇြန္ေတာင္ၿမဳိ႕နယ္၊ ဗိုလ္တေထာင္ၿမဳိ႕နယ္၊ လသာၿမဳိ႕နယ္၊
ေက်ာက္တံတားၿမဳိ႕နယ္၊ ပန္းဘဲတန္းၿမဳိ႕နယ္ႏွင့္ ဒဂုံၿမဳိ႕နယ္တို႔အတြင္း
ဘုရားဖူးယာဥ္မ်ား ျဖတ္သန္းခြင့္ကို ၁၉၉၀ ျပည့္ႏွစ္ကတည္းက
ခြင့္မျပဳခဲ့ေၾကာင္း၊ ဘုရားဖူး ထြက္ခြာမည့္ ကားမ်ားမွာ အေရအတြက္ နည္းပါး၍ ည
၉ နာရီ ေနာက္ပိုင္းအခ်ိန္ ျဖစ္ေသာေၾကာင့္ ယာဥ္ေၾကာ ႐ႈပ္ေထြးမႈ
မျဖစ္ေပၚႏိုင္ေၾကာင္း ရႊင္ေပ်ာ္ေပ်ာ္ ျမန္မာျပည္အႏွံ႔ ဘုရားဖူးႏွင့္
အပန္းေျဖ ခရီးသြားလုပ္ငန္း တာဝန္ခံ ဦးႀကီးေရႊက ဆိုသည္။ ျပည္တြင္း
ဘုရားဖူး ခရီးသည္မ်ားအတြက္ ယာဥ္ရပ္နားရန္ ေနရာႏွင့္ ယာဥ္လမ္းေၾကာင္း
အခက္အခဲမ်ားကို သက္ဆိုင္ရာ တိုင္းေဒသႀကီးအတြင္းရွိ တာဝန္ရွိသူမ်ားႏွင့္
ညႇိႏိႈင္း လုပ္ေဆာင္သြားရန္ လိုအပ္ေၾကာင္း ဟိုတယ္ႏွင့္ ခရီးသြားလာေရး
လုပ္ငန္းဝန္ႀကီးဌာန တာဝန္ရွိသူတစ္ဦးက သုံးသပ္ေျပာဆိုသည္။ ၂၀၁၂
ခုႏွစ္အတြင္း ျမန္မာျပည္အႏွံ႔ ဘုရားဖူးႏွင့္ အပန္းေျဖခရီး ထြက္ခြာၾကသည့္
ခရီးသည္ အေရအတြက္ စုစုေပါင္း ၃ ဒသမ ၆ သန္းခန္႔ရွိခဲ့ၿပီး ၂၀၁၃ ခုႏွစ္အတြင္း
ျပည္တြင္း ဘုရားဖူးခရီးသည္ အေရအတြက္ စုစုေပါင္း ၄ ဒသမ ၄ သန္းခန္႔အထိ
ျမင့္တက္လာမည္ဟု ေမွ်ာ္မွန္းထားေၾကာင္း ျပည္တြင္း ဘုရားဖူးႏွင့္
ခရီးသြားဝန္ေဆာင္မႈ အသင္းထံမွ သိရသည္။
The Voice Weekly
ပလတ်စတစ်စွန့်ပစ်ပစ္စည်းများ ချေဖျက်နိုင်မယ့် စင်ကာပူပညာရှင်တွေရဲ့သုတေသန
-
အရှေ့တောင်အာရှရဲ့ ပလတ်စတစ်စွန့်ပစ်ပစ္စည်းတွေကို သဘာဝအခြေခံနည်းနဲ့
ဖြေရှင်းနိုင်ရေးအတွက် Superworm အင်းဆက်တွေရဲ့ အစောချေဖျက်မှုစနစ်ကို
အများအပြားထုတ်လုပ်တာက...
5 hours ago
No comments:
Post a Comment