အမျိုးသားပညာရေးဥပဒေကို သပိတ်မှောက်ဆန္ဒပြနေကြတဲ့ ကျောင်းသားတွေဟာ စတုတ္ထမြောက်နေ့ အဖြစ် ဒီကနေ့ နုိုဝင်ဘာ ၁၇ ရက်နေ့ မနက်ပုိုင်းမှာလည်း ရန်ကုန်မြို့မှာ ဘုန်းကြီးလမ်းအနီး စံပြမှတ်တုိုင် ကနေ ဆန္ဒပြမှုတွေ စတင်ပြုလုပ်သွားမှာ ဖြစ်ပါတယ်။
ကျောင်းသားတွေဟာ နုိုဝင်ဘာ ၁၆ ရက်နေ့ အမျိုးသားနေ့ ညနေပုိုင်းတုန်းက ရန်ကုန်တိုင်းလွှတ်တော်ရှေ့ ပြည်သူ့ရင်ပြင်ဘက်ခြမ်းမှာ ကြွေးကြော်သံတွေ အော်ဟစ်ခဲ့ပြီး ထိုင်သပိတ် ဆင်နွှဲခဲ့ပါတယ်။
သပိတ်မှောက်နေတဲ့ ကျောင်းသားတွေကုို လုံခြုံရေး၊ အာဏာပိုင်အဖွဲ့အစည်းက လာရောက် ဟန့်တား တာမျိုး မရှိဘဲ သတင်းဓါတ်ပုံတွေကို အရပ်ဝတ်တွေနဲ့ မှတ်တမ်းယူတာတွေသာ ပြုလုပ်နေကြပါတယ်။ ကျောင်းသားတွေရဲ့ လှုပ်ရှားမှုကုို နုိုင်ငံရေး အင်အားစုတွေကလည်း ထောက်ခံကြောင်း ပြောဆုိုထား ပါတယ်။
ကျောင်းသားတွေကို ပညာရေးတာဝန်ရှိသူတွေ လာရောက်ညှိနှိုင်းခဲ့ပေမယ့် တိကျခိုင်မာတဲ့ အဖြေတစ်ခု မပေးနိုင်တဲ့အတွက် ဆွေးနွေးပွဲပျက်ပြယ်သွားပြီး ဆက်လက်သပိတ်မှောက်နေတာ ဖြစ်ပါတယ်။
ရန်ကုန် တက္ကသိုလ် ပါချုပ်၊ စီးပွားရေး တက္ကသိုလ်ပါချုပ် အရှေ့ပိုင်း တက္ကသိုလ် ပါချုပ်တွေ ပါဝင်တဲ့ အဆင်မြင့် ပညာဦးစီးဌာန တာဝန်ရှိသူတွေဟာ ကျောင်းသားတွေနဲ့ ကြေးသွန်းဘုရားမှာ နုိုဝင်ဘာ ၁၆ ရက်နေ့မှာ လာရောက်ဆွေးနွေးခဲ့တာပါ။
ရာနဲ့ချီတဲ့ ဗမာနုိုင်ငံလုံးဆုိုင်ရာ ကျောင်းသားသမဂ္ဂများအဖွဲ့ချုပ်၊ တက္ကသုိုလ်ကျောင်းသား သမဂ္ဂတွေ ဦးဆောင်တဲ့ ကျောင်းသားတွေဟာ ဇူလိုင်လ ၃၀ ရက်နေ့က ပြည်ထောင်စု လွှတ်တော်မှာ အတည်ပြု ပြဋ္ဌာန်းလိုက်တဲ့ အမျိုးသားပညာရေးဥပဒေကြောင့် အခုလို သပိတ်မှောက် ဆန္ဒပြပွဲတွေ ဖြစ်ပေါ်ခဲ့တာပါ။
ဆန္ဒပြတဲ့ ကျောင်းသားတွေဟာ ဒီမုိုကရေစီပညာရေးရရှိဖုို့နဲ့ ဗဟိုချုပ်ကိုင်မှုတင်းကြပ်တဲ့ အမျိုးသားပညာရေး ဥပဒေကုို အလုိုမရှိကြောင်းနဲ့ ကျောင်းသားသမဂ္ဂတွေ လွတ်လပ်စွာ ဖွဲ့စည်းခွင့်ရဖုို့ ကြွေးကြော်တောင်း ဆုိုခဲ့ ပါတယ်။
DVB
No comments:
Post a Comment