အစိုးရတပ်ဘက်က ကေအိုင်အေ ဗိုလ်သင်တန်းကျောင်းကို ပြန်ပြီး သတိပေးတဲ့အနေနဲ့ ပစ်ခတ်တာ ဖြစ် ကြောင်း ကချင်ပြည်နယ်အစိုးရ တာဝန်ရှိသူတွေက ပြန်လည်တုံ့ပြန်ရှင်းလင်း ပြောကြားလိုက်ပါတယ်။ကေအိုင်အေ ဗိုလ်သင်တန်းကျောင်းကို မြန်မာစစ်တပ်ဘက်က ပစ်ခတ်ခဲ့လို့ ဗိုလ်လောင်း ၂၃ ဦး ကျဆုံး ခဲ့ရတာနဲ့ပတ်သက်ပြီး ကချင်ပြည်နယ်အစိုးရအဖွဲ့ဝင် နယ်စပ်ရေးရာလုံခြုံရေးဝန်ကြီး ဗိုလ်မှူးကြီး သန်းအောင် ပါဝင်တဲ့ ပဋိပက္ခ ညှိနှိုင်းဖြေရှင်းရေးအဖွဲ့က မနေ့က မြစ်ကြီးနားမြို့မှာ သတင်းစာရှင်းလင်း ပြောဆိုလိုက်တာပါ။
တပ်မတော်က ရိက္ခာပို့တာနဲ့ တပ်စခန်းလဲလှယ်ဖို့ သွားရောက်တဲ့အခါက ပစ်ခတ်မှုခံခဲ့ရတဲ့အတွက် တပ်မတော်သား ၄ ဦး ထိခိုက်ဒဏ်ရာရတယ်လို့ ဗိုလ်မှူးကြီး သန်းအောင်က ပြောပါတယ်။ ဒါကြောင့် တပ်မတော်ရဲ့ တပ်စခန်းဖြစ်တဲ့ ခါးရာဘွန်းတပ်စခန်းကနေ လက်နက်ကြီးနဲ့ သတိပေး ပစ်ခတ်ခဲ့တာဖြစ် ကြောင်း ပြောပါတယ်။
“စစ်ပွဲတပွဲ ဆင်နွှဲတဲ့နေရာမှာ လက်နက်ကြီး၊ လက်နက်ငယ်ဆိုတာ ရှိပါတယ်။ လက်နက်ကြီးနဲ့ လက်နက် ငယ်ဆိုတာကလည်း အမျိုးအစားပေါ် မူတည်ပြီး ကန့်သတ်ချက်တွေ ရှိပါတယ်။ အခု ပစ်လိုက်တဲ့ဟာက လက်နက်ကြီး အမျိုးအစားဝင် လက်နက်တခုပဲ ဖြစ်ပါတယ်။ ၂ မိုင်လောက်ပဲ ရှိမယ့်အနေအထား ရှိပါတယ်။ အဲဒီတပ်စခန်း ပစ်တဲ့နေရာမှာတော့ လက်လှမ်းမီရာ တန်ပြန်ပြီးတော့ အနေအထား မဟုတ်ပါဘူး။ ပြန်ပြီးတော့ သတိပေး ပစ်ခတ်တဲ့အနေအထား ဖြစ်ပါတယ်။”
အခုလိုပစ်ခတ်မှု ဖြစ်ခဲ့တာဟာ စစ်သဘောအရ ဖြစ်လေ့ဖြစ်ထ ရှိကြောင်း၊ ဒီထက်မက ကြီးကျယ်တဲ့ တိုက်ပွဲတွေ အများကြီးရှိခဲ့ကြောင်း၊ ငြိမ်းချမ်းရေး လုပ်ငန်းစဉ်နဲ့ပတ်သက်ပြီး နှောင့်ယှက်မယ့် အနေအထား မဟုတ်လို့ ပေါင်းစပ်ညှိနှိုင်းပြီး ငြိမ်းချမ်းရေး လုပ်ငန်းစဉ်ကို ဆက်လက်ဆောင်ရွက် သွားမယ်လို့ ဆိုပါတယ်။
ကေအိုင်အေဘက်ကတော့ အခု တိုက်ခိုက်မှုဟာ ရည်ရွယ်ချက်ရှိရှိ တိုက်ခိုက်တာ ဖြစ်ပြီး ပြင်းပြင်းထန် ထန် ကန့်ကွက်တယ်လုို့ ကချင်လွတ်မြောက်ရေးအဖွဲ့ (ကေအိုင်အို) ဗဟိုကော်မတီ က နိုဝင်ဘာ ၂၀ ရက်နေ့မှာ သတင်းထုတ်ပြန် ပါတယ်။
အေဘီအက်စ်ဒီအက်ဖ် ဥက္ကဋ္ဌ ရဲဘော်သံခဲကလည်း မြန်မာနိုင်ငံရဲ့ အမျိုးသား ပြန်လည် သင့်မြတ်ရေးနဲ့ ပြည်တွင်း ငြိမ်းချမ်းရေးဟာ ယုံကြည်မှုအပေါ်မှာ အများကြီးမူတည်နေသလို ယုံကြည်မှု တည်ဆောက်နေ တဲ့ကာလမှာ ဒီတိုက်ခိုက်မှုဟာ ၂ ဖက်ယုံကြည်မှုကို ပျက်ယွင်းသွား စေတယ်လို့ ပြောပါတယ်။
ဒီပစ်ခတ်မှုမှာ တအာန်းအမျိုးသားလွတ်မြောက်ရေးတပ်မတော်က ဗိုလ်လောင်း ၁၀ ဦးနဲ့ အေဘီအက်စ်ဒီ အက်ဖ် ကျောင်းသားတပ်မတော်က ဗိုလ်လောင်း ၂ ဦးလည်း ကျဆုံးသွားခဲ့ရတာဖြစ်ပါတယ်။
DVB
No comments:
Post a Comment