ဒီကနေ့ ကျရောက်တဲ့ ရှစ်လေးလုံး ဒီမိုကရေစီအရေးတော်ပုံ ၂၆ နှစ်ပြည့် အခမ်းအနားကို ၈၈ မျိုးဆက် ( ငြိမ်းချမ်းရေးနှင့် ပွင့်လင်း လူ့အဖွဲ့အစည်း) က သဝဏ်လွှာ ပေးပို့ပါတယ်။ (၂၆) နှစ်မြောက် ရှစ်လေး လုံး ဒီမိုကရေစီအရေးတော်ပုံ အခမ်းအနားသို့ ၈၈မျိုးဆက် ( ငြိမ်းချမ်းရေး နှင့် ပွင့်လင်းလူ့အဖွဲ့အစည်း)မှ ပေးပို့သော သဝဏ်လွှာ
စာအမှတ် ။ ။ ၇/၂၀၁၄ (၈၈)
နေ့စွဲ ။ ။ ၂၀၁၄ ခုနှစ်၊ သြဂုတ်လ၊ ၈ ရက်
၁၃၇၆ ခုနှစ်၊ ၀ါခေါင်လဆန်း ၁၃ ရက်
မြန်မာနိုင်ငံ၏ ရှစ်လေးလုံးဒီမိုကရေစီအရေးတော်ပုံကြီးသည် မြန်မာ့ သမိုင်းတွင်သာမက နိုင်ငံတကာ၌ပါ ထင်ရှားသော လူထုအရေးတော်ပုံကြီး ဖြစ်သည်။ လူထုတစ်ရပ်လုံး ကိုယ်တိုင် ဦးဆောင်ပါဝင် ဆင်နွှဲ ခဲ့ကြခြင်းမှာ ရှစ်လေးလုံး ဒီမိုကရေစီအရေးတော်ပုံကြီး၏ ထူးခြားသော ဝိသေသပင် ဖြစ်သည်။
ယနေ့ ၂၆ နှစ်တာ ကြာညောင်းခဲ့ပြီဖြစ်သော်လည်း ပြည်သူလူထု မျှော်မှန်း ခဲ့ကြသော ဒီမိုကရေစီရေး၊ လူ့အခွင့်အရေး၊ တိုင်းရင်းသားတန်းတူညီမျှရေး ပန်းတိုင်များကား စိန်ခေါ်မှုများဖြင့် ရင်ဆိုင်နေရဆဲဖြစ် သည်။ ပြည်သူလူထု၏နေ့စဉ်အခက်အခဲများကို ပြည်သူတို့ကိုယ်တိုင် ဦးဆောင် ပါ ဝင် ဖြေရှင်းနိုင်စေ ရန် ကျွန်ုပ်တို့သည်လည်း ပူးပေါင်းဆောင်ရွက်လျက်ရှိသည်။
ဖွဲ့စည်းပုံ အခြေခံဥပဒေ ပြင်ဆင်ရေး၊ တစ်နိုင်ငံလုံး အပစ်အခတ်ရပ် စဲရေးနှင့် ပြည်တွင်း ငြိမ်းချမ်းရေး၊ ဒီမိုကရက်တစ် ဖက်ဒရယ်ပြည်ထောင်စုပေါ်ပေါက်ရေး၊ နိုင်ငံတော်၏ ဥစ္စာဓန များကို ပြည်သူများအားလုံး မျှမျှတတ ခံစားနိုင်ရေးတို့သည် ပြည်သူတစ်ရပ်လုံး၏ နိုးနိုးကြားကြားပါဝင်ဆောင် ရွက်မှု၊ စစ်မှန်သော ကိုယ်စားပြုမှုတို့ဖြင့်သာ ဖော်ဆောင်နိုင်မည် ဖြစ်သည်။
သို့ပါ၍ အာဏာရှင် ဆန့်ကျင်ရေးနှင့် ဒီမိုကရေစီရေး တိုက်ပွဲအဆက်ဆက်တွင် စွန့်လွှတ်ပေး ဆပ် ခဲ့ကြသော သူရဲကောင်းအပေါင်းအား ဦးညွှတ်အလေးပြု ရင်းရှစ်လေးလုံးစိတ်ဓာတ်ဖြင့် ရှစ်လေးလုံး ပန်းတိုင်များ အောင်မြင်ရောက်ရှိသည်အထိ ကျွန်ုပ်တို့သည် ပြည်သူလူထုနှင့် တစ်သားတည်း ရုန်းကန် သွားမည်ဖြစ်ကြောင်း ဤ ၂၆ နှစ်မြောက် ရှစ်လေးလုံးဒီမိုကရေစီအရေးတော်ပုံနှစ်ပတ်လည်နေ့တွင် အဓိဋ္ဌာန်ပြုလိုက်ပါသည်။
၈၈ မျိုးဆက် ( ငြိမ်းချမ်းရေးနှင့် ပွင့်လင်းလူ့အဖွဲ့အစည်း)
ဧရာဝတီblog
No comments:
Post a Comment