ရခိုင်ပြည်နယ်အတွင်း သိမ်းဆည်းခံထားရတဲ့ လယ်ယာမြေပြဿနာတွေကို ဖြေရှင်းပေးနိုင်မှု အားနည်းနေတဲ့ အတွက် ရခိုင်ပြည်နယ် အစိုးရအနေနဲ့ ဥပဒေ၊ နည်းဥပဒေတွေနဲ့ အညီ ဖြေရှင်းဆောင်ရွက်ပေးဖို့ တိုက်တွန်းကြောင်းအဆိုကို ဒီကနေ့ကျင်းပတဲ့ ရခိုင်ပြည်နယ် လွှတ်တော်အစည်းအဝေးမှာ လက်ခံဆွေးနွေး ဖို့ သဘောတူလိုက်ပါတယ်။
အဲ့ဒီအဆိုကို မြေပုံမြို့နယ် ပြည်နယ်လွှတ်တော် ကိုယ်စားလှယ် ဦးအောင်ဝင်းက အခုလိုတင်သွင်းခဲ့တာ ဖြစ်ပါတယ်။
"ဒီနေ့ လယ်ယာမြေနဲ့ အခြားမြေများ ပြဿနာ အမှုအခင်းများစွာ တစ်နေ့ထက်တစ်နေ့ ထူထပ်လာပြီ၊ ဖြေရှင်း ပေးနိုင်တဲ့အမှု အလွန်တရာ နည်းပါးနေပါတယ်၊ တချို့နယ်များမှာ လယ်ယာမြေဥပဒေ၊ နည်းဥပဒေများကို မျက်ကွယ်ပြုပြီးတော့ ပွင့်လင်းမြင်သာစွာ ငွေပေးငွေယူလုပ်ပြီး ဆုံးဖြတ်နေကြတာကိုလည်း တွေ့မြင်နေရပါ တယ်၊ အဲဒီလို လယ်သမားများရဲ့ အခက်အဲများကို ဖြေရှင်းနိုင်ဖို့အတွက် ရခိုင်ပြည်နယ်အတွင်းမှာ ဖြစ်ပွား နေတဲ့ လယ်ယာမြေနဲ့ တခြားမြေများဆိုင်ရာ ပြဿနာများကို ဥပဒေ၊ နည်းဥပဒေနဲ့အညီ တိကျမြန်ဆန်စွာ ဖြေရှင်းပေးနိုင်ရန် ပြည်နယ်အစိုးရကို တိုက်တွန်းကြောင်းအဆိုကို လေးလေးစားစား တင်ပြရခြင်းဖြစ်ပါ တယ်"
ရခိုင်ပြည်နယ်မှာ လွန်ခဲ့တဲ့ ၁၉၈၈ ခုနှစ်နောက်ပိုင်း လယ်ယာမြေ သိမ်းဆည်းခံရတာတွေ များလာပြီး အဲ့ဒီပြဿနာတွေကို လက်ရှိအစိုးရက ကိုင်တွယ်ဖြေရှင်းပေးမှု အားနည်းနေတယ်လို့ ဦးအောင်ဝင်းက ဆိုပါတယ်။
ဒါ့အပြင် လယ်ယာမြေပြဿနာတွေကို ဖြေရှင်းဖို့အတွက် ဖွဲ့စည်းပေးထားတဲ့ ပြည်နယ်၊ မြို့နယ်နဲ့ ကျေးရွာ အဆင့် မြေယာအသုံးချမှု စီမံခန့်ခွဲရေးကော်မ တီတွေကို လယ်ယာမြေအမှုတွဲတွေနဲ့ ပတ်သက်ပြီး အလျင်အမြန်ဆောင် ရွက်ပေးဖို့ ပြည်နယ်အစိုးရအနေနဲ့ တိုက်တွန်းပေးဖို့ကိုလည်း ဦးအောင်ဝင်းက တင်ပြခဲ့ပြီး အဲဒီအဆိုကို ကန့်ကွက်သူမရှိတဲ့အတွက် ရခိုင်ပြည်နယ်လွှတ်တော် မှာ ဆွေးနွေးသွားဖို့ အတည်ပြုခဲ့ပါတယ်။
RFA Burmese
No comments:
Post a Comment