ပါကစ္စတန်မှာ အရှိန်အ၀ါကြီးတဲ့ ဘာသာရေးခေါင်းဆောင်က လွှတ်တော်ကို ဖျက်သိမ်းပြီး ဒီမိုကရေစီပြု ပြင်ပြောင်းလဲဖို့ တောင်းဆိုလိုက်ပါတယ်။ ဆန္ဒပြသမား ထောင်ပေါင်း များစွာဟာ သြဂုတ် ၂၀ ရက်နေ့ မနက်စောစောမှာ လွှတ်တော်ကို ရောက်နေကြပြီး ၀န်ကြိးချုပ် န၀ပ် ရှာရစ်ဖ် နုတ်ထွက်ပေးဖို့ ဆက်ပြီး တောင်း ဆိုနေကြပါတယ်။
လွှတ်တော်အရှေ့မှာ ထိုင်သပိတ် ဆင်နွှဲသွားဖို့ ဘာသာရေးခေါင်းဆောင် တာဟာအူ ကာဒရီက သူ့နောက် လိုက်တွေကို ညွှန်ကြားထားပါတယ်။
လက်ရှိ ၀န်ကြီးချုပ် နုတ်ထွက်ပြီးရင် လွှတ်တော်ကိုလည်း ဖျက်သိမ်းပြီး အမျိုးသားအစိုးရဖွဲ့စည်းပြီးနောက် ဒီမိုကရေစီ ပြုပြင်ပြောင်းလဲရေးကို ဖော်ဆောင်ရမယ်လို့ ပြောပါတယ်။
ဆန္ဒပြသမားတွေ အခု စခန်းချထားတဲ့ နေရာဟာ ၀န်ကြီးချုပ် အိမ်တော်၊ ၀န်ကြီးချုပ်ရုံး၊ အစိုးရအဆောက် အဦတွေ၊ နိုင်ငံခြား သံရုံးတွေ ရှိတဲ့ ကန့်သတ်နယ်မြေဖြစ်ပြီး စစ်သား ၇၀၀ လည်း ချထားပါတယ်။
DVB
No comments:
Post a Comment