မြစ်ဆုံစီမံကိန်းရပ်ဆိုင်းပေးရန်အတွက် မြစ်ကြီးနားမြို့ရှိ မေခ မလီခမြစ်ဆုံအထိ လမ်းလျှောက်ဆန္ဒပြခဲ့သူ များအား ကျန်းမားရေးအထောက်အကူပြုဆေးဝါးများ၊စားရေး သောက်ရေး၊အားလုံးတာဝန်ယူမည်ဟု ပြောကြားခဲ့သော ကိုရဲထွဋ်ခေါင်နှင့်ကိုသီဟတို့နှစ်ဦးအား လူလိမ်များဖြစ်သည်ဟု မြစ်ဆုံသို့လမ်းလျှောက် ဆန္ဒပြခဲ့ရာတွင် ပါဝင်သော ပြည်သူများမှ ပြောကြားခဲ့သည်။
“ရန်ကုန်ကနေ မြစ်ဆုံဖြစ်တဲ့ မေခ မလီခအထိ ကျွန်မတို့စပြီးလမ်းလျှောက်လာကတည်းက နိုင်ငံရေး အကျဉ်းသားတွေရဲ့ ထောက်ပံ့ကူညီမှုဟာ မရှိသလောက်ကိုရှားတယ်။ ဒီမှာတို့ သူတို့က ငွေသိန်း ဘယ်လောက် ထောက်ပံ့တယ် ဆိုတဲ့ စကားကို လူတွေရှေ့မှာပြောနေတယ်။
လမ်းတလျှောက်လုံး ပြည်သူကျွေးတဲ့ထမင်းကိုစားတယ်၊ပြည်သူ တိုက်တဲ့ရေကိုသောက်တယ်။ကိုညိုဝင်းမောင် ရှင်းထား တဲ့ စာရင်းထဲမှာတော့ ကျွန်မတို့ပြည်သူတွေ လာလှူထားတဲ့ စာရင်းကိုရှင်းထားတယ်။ပြည်သူတွေလှူတဲ့ ငွေထဲကနေ ကိုရဲထွဋ်ခေါင်၊ ကိုသီဟနဲ့ကိုညိုဝင်းမောင်တို့ သုံးထားတဲ့ အသေးစားသုံးငွေ တစ်သိန်း၊ နှစ်သိန်း၊သုံးသိန်း၊ပြည်သူတွေက သနားလို့ လှူထားတဲ့ငွေတွေကို သူတို့ကသုံးပစ်တယ်။
ကျွန်မတို့ ကျတော့ ရန်ကုန်ကိုပြန်ရောက်အောင်တောင် ပြန်မခေါ်ဘူး။ကိုသီဟဆိုတဲ့လူက ကျွန်မတို့ကို မြစ်ကြီးနားမှာ
ထားတယ်။ ရန်ကုန်ပြန်ဖို့အိမ်ကနေ ငွေလွဲခိုင်းရတယ်။ နေမကောင်းတဲ့အခါ ဆေးလည်းကုမပေးဘူး ထမင်းမစား ရတာဆိုရင် သုံးရက်လောက်ရှိတယ်။
သူတို့ပြောနေတဲ့ ကျန်းမာရေး ဆေးဝါး အထောက်အပံ့ တွေ၊ စားရေး သောက်ရေး၊အထောက် အပံ့ တွေပေးခဲ့တယ် ဆိုတာမဟုတ်ပါဘူး လိမ်နေတာပါ ”ဟု မြစ်ဆုံသို့ လမ်းလျှောက်ဆန္ဒပြရာတွင် ပါဝင်ခဲ့သူ မသက်သက်မာ မှ ပြောကြားခဲ့သည်။
“ပြောင်ပဲပြောမယ်ဗျ။ ဆေးဝါးပစ္စည်းတွေစားစရာ သောက်စရာတွေကို ကားပေါ်တင်ပြီးတော့ ရဲထွဋ်ခေါင်ဆိုတဲ့လူ ထွက်ပြေးသွားတယ်။မပြေးခင်မှာ ကျွန်တော်ပြောတယ် အားလုံးတိုင်ပင်ပြီးတော့ မဲခွဲဆုံးဖြတ်မယ်။ ဦးဆောင်သူရွေးမယ် ဦးဆောင်သူ သီဟလို့ပြောတယ်။သီဟကဦးဆောင်သူမဟုတ်ဘူး လမ်းကြောင်းရှင်းရတဲ့သူပါ။ စကားတွေပဲ များကြတယ်၊ စကားများတော့ အဖွဲ့တွေခွဲသွားတဲ့ အဲ့ဒီကားပေါ်မှာငွေသိန်း(၂၀)လောက်ပါတယ်၊ ပြည်သူတွေလှူထားတဲ့ဆေး ပစ္စည်းတွေ၊ စားစရာတွေပါသွားတယ်။ ရဲထွဋ်ခေါင် ယူသွားတာပေါ့၊ကျွန်တော်တို့ကို သူတို့ပြောခဲ့တယ် မြစ်ဆုံကိုလမ်းလျှောက်ဆန္ဒပြတဲ့အခါမှာ ကျန်းမာရေးအတွက်ကော၊စားရေး သောက်ရေးအတွက်ကော ၊အားလုံးအပြည့် အဝ ထောက်ပံ့ပေး မယ်လို့ပြောခဲ့တယ်။ဒါပေမဲ့ တကယ်တမ်းကျတော့ တခြားစီ ဖြစ်နေတယ်။ ငွေသားကော၊ ဆေးပစ္စည်းနဲ့စားစရာတွေကော ရဲထွဋ်ခေါင်ယူပြီးတော့ ထွက်ပြေးသွားတယ်။ ဒါကြောင့် ဒီလူတွေဟာ လူလိမ်တွေ ဖြစ်တယ်လို့ ကျွန်တော်တို့ပြောရခြင်းဖြစ်ပါတယ်”ဟု မြစ်ဆုံသို့လမ်းလျှောက်ဆန္ဒပြခဲ့ရာတွင် အုပ်ချုပ်ရေး တာဝန်ယူခဲ့သူ ကိုမိုးသူ၏ ပြောပြချက်အရသိရှိရသည်။
မြစ်ဆုံစီမံကိန်းရပ်ဆိုင်းရေးအတွက် ရန်ကုန်မှမြစ်ကြီးနားသို့ မေလတွင် စတင်လမ်းလျှောက်ဆန္ဒပြခဲ့ပြီး ပုဂံသို့ရောက် ရှိချိန်တွင် အဖွဲ့များစိတ်ဝမ်းကွဲကာ ကိုရဲထွဋ်ခေါင်နှင့် ကိုသီဟတို့ တစ်ဖွဲ့စီခွဲခြား လမ်းလျှောက်ခဲ့သည်။ ကိုသီဟ ဦးဆောင်သော အဖွဲ့တွင် လူဦးရေ(၄၂)ယောက်ပါဝင်၍ ကိုရဲထွဋ်ခေါင် ဦးဆောင်သော အဖွဲ့တွင် လူဦးရေ(၄၀)ကျော် ပါဝင်ခဲ့ကြောင်းသိရသည်။
ယင်းနောက် ကိုသီဟသည် အဖွဲ့အတွက် အသုံးပြုရန် ငွေ(၂၅)သိန်းအား မန္တလေးမြို့နှင့်မြစ်ကြီးနားမြို့များတွင် နှစ်ကြိမ်ယူ ခဲ့ကြောင်း မသက်သက်မာကပြော ကြားခဲ့သည်။
ကိုရဲထွဋ်ခေါင် ကို ဆက်သွယ်မေးမြန်းရာ၌ ကိုသီဟ အား အမှန်တကယ်ပေးအပ်ခဲ့သော ငွေကြေးမှာ (၇)သိန်း သာဖြစ်ကြောင်း ပြောကြားခဲ့သည်။
ကိုမိုးသူ ပြောကြားခဲ့သည့် ငွေသိန်း(၂၀)နှင့်အတူ ဆေးဝါးပစ္စည်းများ၊ အစားအသောက်များအား ကားဖြင့်ထွက်ပြေး ယူဆောင်သွားခြင်းမှာလည်းမဟုတ်ကြောင်း ၎င်းက ဆက်လက်ပြောသည်။
ချစ်မင်းထွန်း
The Myanmar Age
No comments:
Post a Comment