ထိုင်းစစ်တပ်က အာဏာသိမ်းလိုက်ပြီးနောက် သီတင်းနှစ်ပတ်နီးပါးအကြာမှာပဲ ထိုင်းနိုင်ငံအတွင်း တရား မဝင်နေထိုင်နေသူတွေကို ဖမ်းဆီးတဲ့စစ်ဆင်ရေးတစ်ရပ်ကို ထိုင်း-မြန်မာနယ်စပ် မဲဆောက်မြို့မှာ ဒီကနေ့ ပြုလုပ်ခဲ့ပါတယ်။
ဒီကနေ့မနက် လင်းအားကြီးအချိန်က မဲဆောက်မြို့ပြင်မှာရှိတဲ့ ဘန့်ဆောင်ခွဲရပ်ကွက်ကို ထိုင်းစစ်တပ်၊ ထိုင်းရဲတပ်ဖွဲ့နဲ့ လူဝင်မှုကြီးကြပ်ရေးအဖွဲ့တွေအပြင်၊ ထိုင်းနယ်ခြားစောင့်တပ်နဲ့ မဲဆောက်အုပ်ချုပ်ရေးအဖွဲ့ ပူးတွဲပြီး ဝင်ရောက်စစ်ဆေးခဲ့တာပါ။ ဘန့်ဆောင်ခွဲရပ်ကွက်အတွင်း အထောက်အထား စာရွက်စာတမ်း မရှိဘဲ တရားမဝင်နေထိုင်နေတဲ့ မြန်မာလူမျိုး ကလေးလူကြီး ၂ဝဝ နီးပါးကို ဖမ်းဆီးမိခဲ့တယ်လို့ သိရ ပါတယ်။
ဖမ်းဆီးထားသူတွေကို မြန်မာနိုင်ငံ မြဝတီမြို့ဘက်ခြမ်းကို ပြန်လည်ပို့ဆောင်သွားမှာဖြစ်ပြီး တရား မဝင်နေထိုင်သူတွေကို လက်ခံထားတဲ့ ထိုင်းအိမ်ပိုင်ရှင်တွေ၊ နေထိုင်ခွင့်ပြုထားတဲ့ မြေပိုင်ရှင်တွေကိုလည်း ဥပဒေကြောင်းအရ အရေးယူသွားမယ်လို့ ထိုင်းအာဏာပိုင်တွေက ပြောပါတယ်။
အလားတူ စစ်ဆင်ရေးကို မဲဆောက်မြို့က တခြားရပ်ကွက်တွေမှာလည်း ဆက်လက်လုပ်ဆောင် သွားမယ်လို့ သိရပါတယ်။
မြန်မာအလုပ်သမားအရေး ဆောင်ရွက်နေတဲ့ အဖွဲ့အစည်းတွေရဲ့ စာရင်းအရ မဲဆောက်မြို့နယ်အတွင်း မြန်မာနိုင်ငံသား ၂ သိန်းနီးပါး နေထိုင်နေပြီး အများစုဟာ တရားမဝင် နေထိုင်သူတွေ ဖြစ်တယ်လို့လည်း သိရပါတယ်။
RFA Burmese
No comments:
Post a Comment