ဂျပန်နိုင်ငံသည် မြန်မာနိုင်ငံသို့ နိုင်ငံခြား အကူအညီပေးမှုနှင့် ရင်းနှီးမြှုပ် နှံမှုတွင် ရှေ့တန်း၌ ရပ်တည်နေပြီး ၀န်ကြီးချုပ် ရှင်ဇိုအာဘေးသည် သမ္မတဦးသိန်းစိန်အစိုးရနှင့် ခိုင်မာကောင်းမွန်သည့် ဆက်ဆံရေးကို ထူထောင်ခဲ့သည်။
၂၀၁၁ နောက်ပိုင်းတွင် မြန်မာနိုင်ငံ၌ လုပ်ငန်းဆောင်ရွက်နေသည့် ဂျပန်ကုမ္ပဏီအရေအတွက်မှာ ၆ ဆ တိုးကာ သုံးရာနီးပါးအထိ ရှိလာသည်ဟု ဂျပန်နိုင်ငံခြားကုန်သွယ်ရေးအဖွဲ့ချုပ် (JETRO) ၏ စာရင်းတွင် ဖော်ပြသည်။
ကျိုတိုတက္ကသိုလ် အရှေ့တောင် အာရှ လေ့လာရေးစင်တာတွင် ၁၉၈၅ မှ ၈၆ အထိ ဧည့်အဖွဲ့ဝင်အဖြစ် လာရောက် သင်ယူခဲ့သည့် ဒေါ်အောင်ဆန်း စုကြည်သည် မြန်မာနိုင်ငံတွင် နိုင်ငံခြားကုမ္ပဏီများ ရင်းနှီးမြှုပ်နှံရာတွင် ပိုပို ပွင့်လင်းမြင်သာစွာ လုပ်ကိုင်ခွင့်ရရန် ဖန်တီးပေးနိုင်မည်ဟု ဂျပန်ကုမ္ပဏီ များက မျှော်လင့်လျက်ရှိသည်။ ထို့အပြင် ဒေါ်အောင်ဆန်းစုကြည်၏ တောင်းဆိုမှုအရ မြန်မာနိုင်ငံ၏ အခြေခံအဆောက်အအုံနှင့် မြို့ပြစီမံကိန်း ကဲ့သို့ ကဏ္ဍများအတွက် ဂျပန်နိုင်ငံက ချေးငွေနှင့် ထောက်ပံ့ငွေ ယန်း ၁၀၀ ဘီလီယံခန့် ပေးအပ်သွားရန် စီစဉ်လျက်ရှိသည်။
မြန်မာနိုင်ငံတွင် ရင်းနှီးမြှုပ်နှံမည့် ဂျပန်ကုမ္ပဏီများအနေဖြင့် NLD အစိုးရ၏ ရည်မှန်းချက်မူနှင့်အညီ လုပ်ငန်းဆောင်ရွက်ရန် လိုအပ်မည်ဟု တိုကျိုအခြေ စိုက် အာဆီယံ- ဂျပန်စင်တာမှ အကြီးတန်းစီမံကိန်းအရာရှိ ဆာရာကာ ဟီရိုဆီက ပြောကြားသည်။ နိုင်ငံခြား ရင်းနှီးမြှုပ်နှံမှုများသည် မြန်မာနိုင်ငံ သားများအတွက် အလုပ်အကိုင်နှင့် သဘာဝပတ်ဝန်းကျင်ဆိုင်ရာ အကျိုး ကျေးဇူးများကို ဦးစားပေးရမည်ဟု NLD က ပြောကြားထားသည်။ JETRO မှ တိုရှီဟီရို မိဇူတာနီက “မြန်မာနိုင်ငံကို ဂျပန်ကုမ္ပဏီတွေ ပိုသွားကြမယ်လို့ ထင်ပါတယ်။ အချို့ကတော့ အစိုးရသစ် အသားကျလာချိန်အထိ စောင့် ကြည့်ဖို့ ဆုံးဖြတ်ထားပါတယ်” ဟု ပြောကြားသည်။
စစ်တပ်နှင့် ဆက်နွှယ်မှုရှိသည့် စီးပွားရေးသမားများကို အမေရိကန်အစိုးရ က အမည်ပျက်စာရင်းသွင်းကာ ပိတ်ဆို့ အရေးယူထားဆဲ ဖြစ်သဖြင့် အမေရိကန်နှင့် ပုံမှန်ငွေကြေး လွှဲပြောင်းပေးချေမှု ပြုလုပ်နေရသည့် ကုမ္ပဏီများအတွက် ကြီးမားသည့် အတားအဆီးတစ်ခု ဖြစ်လျက်ရှိသည်။ သို့သော် အမေရိကန် အစိုးရ သည် မြန်မာစစ်တပ်၏ လှုပ်ရှားမှုများကို အနီးကပ် စောင့်ကြည့်ကာ ထိုပိတ်ဆို့မှုများကို သိသိသာသာ ဖြေလျှော့ ပေးသွားဖွယ်ရှိသည်ဟု တိုကျိုဆိုဖီယာ တက္ကသိုလ်မှ ကဲအီနီမိုတိုက ပြောကြားသည်။
ဂျပန်နှင့် ဆက်ဆံရေးမှာ အစိုးရ၏ ငြိမ်းချမ်းရေးဆွေးနွေးပွဲ ဦးဆောင်ပြုလုပ် သည့် အဖွဲ့အစည်းဖြစ်သည့် MPC နှင့်ပတ်သက်၍ NLD ၏ ဝေဖန်မှုကို ခံခဲ့ရဖူးသည်။ ဂျပန်အစိုးရသည် MPC ၏ အဓိကအလှူရှင်တစ်ဦးဖြစ်ပြီး အန်ဂျီအို တစ်ခုဖြစ်သည့် နိပွန်ဖောင်ဒေးရှင်းကလည်း MPC ၏ လှုပ်ရှားမှု များကို ထောက်ပံ့ပေးခဲ့သည်။ အရှေ့တောင်အာရှ သုတေသနပညာရှင် အာရွန်ကွန်နယ်လီက ဦးသိန်းစိန် လက်ထက် ငြိမ်းချမ်းရေး လုပ်ငန်းစဉ် ဆောင်ရွက်ပုံများကို ဝေဖန် ခဲ့သည် ဟု ပြောကြားသည်။
ဒေါ်အောင်ဆန်းစုကြည်၏ ထိပ်တန်း လက်ထောက်တစ်ဦးဖြစ်သူ ဦးဝင်းထိန် က MPC အား ခြစားနေသည့် အဖွဲ့အစည်းတစ်ခုဟု ဝေဖန်ခဲ့ပြီး MPC ရရှိနေသည့် နိုင်ငံခြား အကူအညီ ငွေကြေးများကို စာရင်းစစ်လိုသည်ဟု ပြောကြားဖူးသည်။
မစ္စတာ ကွန်နယ်လီက “ဂျပန်ဟာ MPC ကတစ်ဆင့် သြဇာလွှမ်းမိုးမှုကို ၀ယ်ယူနေတယ်လို့ NLD ထဲမှ ယူဆမှုတွေ ရှိပါတယ်။ ဒီကိစ္စကို NLD က ဘယ်လိုကိုင်တွယ်မလဲဆိုတဲ့ အချက်က ဂျပန်- မြန်မာ ဆက်ဆံရေးအတွက် အရေးပါပါတယ်” ဟု ပြောကြားခဲ့သည်။
KHTun
Ref - Japan Times
The Ladies News
No comments:
Post a Comment