အစိုးရသစ်ကို အကဲစမ်းမယ့် ကျောက်စိမ်း မူးယစ်ဆေးဝါးနဲ့ လက်နက်ကိုင် ပြဿနာ

ခေတ်မီလုံခြုံရေး စနစ်များဖြင့် မွမ်းမံထားသော ကျောက်တုံးနံရံတံတိုင်းကြီး များ၏ နောက်ကွယ်မှာ မြန်မာနိုင်ငံက ကျောက်စိမ်းလုပ်ငန်းရှင်သူဌေးကြီး နေထိုင်လျက်ရှိပါသည်။ ဧည့်သည်အနေဖြင့် အထဲကနေ ခလုတ်ဖြင့် ဖွင့်ပေးသော ခြံတံခါးဂိတ်ကိုဖြတ်ပြီး အိမ်၏ဥယျာဉ်ထဲကို ဝင်ရမည်။ သူဌေးကြီးနှင့်အတူထိုင်စကားမပြောခင် လေးထောင့် ရေခဲသေတ္တာလို ကြီးမားသော ကျောက်စိမ်းတုံးကြီးဘေးကနေ ဖြတ်လာရမည်။ ထို့နောက် ဘေးတွန်းမှန်တံခါးကနေဝင်ပြီး လှပစွာပုံဖော်ထားသော ဆင်စွယ်ကြီးနား ကနေ ဖြတ်သွားရမည်ဖြစ်ပါသည်။

ယွပ်ဇော်ခေါင်န်သည် မြန်မာနိုင်ငံ ကချင်ပြည်နယ်၌ လူ သိများလှသူ တစ်ဦးဖြစ်သည်။ သူသည် အစိုးရစစ်တပ်နှင့် တိုင်းရင်း သားလက်နက်ကိုင် များကြားက ငြိမ်းချမ်းရေးလုပ်ငန်းစဉ်များမှာ ညှိနှိုင်းပေးသူ ပွဲစားတစ်ဦးဖြစ် သည်။ ကိုယ်ပိုင်ကျောက်စိမ်းတွင်းလုပ်ငန်းရှိသည့် ကချင်လူမျိုးအနည်းငယ် ထဲက တစ်ယောက်ဖြစ်ပါသည်။

မြန်မာနိုင်ငံ၏ မြောက်ဘက် စွန်း ကချင်ပြည်နယ်သည် လူဦး ရေ ၁ ဒသမ ၂ သန်းတို့နေထိုင်ရာ ဒေသဖြစ်သည်။ ကျောက်စိမ်း တွင်း၊ ဘိန်းစိုက်ပျိုးခြင်း၊ သဘာဝ ပတ်ဝန်းကျင်ပျက်စီးခြင်း၊ တရုတ် နိုင်ငံနှင့် အငြင်းပွားဖွယ်ရာပတ် သက်မှုများရှိခြင်း၊ လက်နက်ကိုင် သူပုန်ထခြင်း စသောနိုင်ငံ၏ ဖြေ ရှင်းရခက်သော ပြဿနာအချို့ လည်း ရှိပါသည်။ စစ်အစိုးရလက် ထက်ကနေ တိုင်းပြည်ကို ရယူ အုပ်ချုပ်မည့် ဒေါ်အောင်ဆန်းစု ကြည် ဦးဆောင်သော အစိုးရအ ဖွဲ့သစ်အတွက် ကချင်ပြည်နယ် သည် အရှုပ်ထွေးအခက်ခဲဆုံး ပြဿနာတစ်ခု ဖြစ်လာဖွယ်ရှိ သည်။

ဒေါ်အောင်ဆန်းစုကြည်နှင့် အရပ်သားအစိုးရခေါင်းဆောင် များသည် သည်ဒေသကို တိုး တက်လာအောင်လုပ်ဆောင်နိုင် မည်လားဟု ယွပ်ဇော်ခေါင်န်အား မေးရာမှာ သူက အသိရခက်သော အပြုံးကိုသာ ပြုံးပြ၏။

‘‘ကျွန်တော်ထင်တယ်ဆို တာထက် မျှော်လင့်တယ်လို့ပဲ ပြောပါရစေ’’

ကချင်လူမျိုးများ၏ ခံစားနာ ကျင်မှုအခြေခံသည် အဖိုးမဖြတ် နိုင်သော ကျောက်စိမ်းတုံးများနှင့် ဆိုင်ပါသည်။ အာဏာရှိသော မြန်မာအစိုးရစစ်တပ်မိသားစုနှင့် စီးပွားရေးသမားခရိုနီများသည် ကချင်ပြည်နယ်၏ ကျောက်စိမ်း နှင့် ကျွန်းသစ်၊ ရွှေအစရှိသည့် တခြားသယံဇာတများကို အင် အားသုံး ယူငင်နေကြသည်ဟု ကချင်အရေးလှုပ်ရှားသူများက စွဲချက်တင်ကြသည်။ အစိုးရ အသစ် တက်မလာခင်နှစ်မှာ ကျောက်စိမ်းတွေရသလောက် ထုတ်ယူရန် ကုမ္ပဏီကြီးများက တက်သုတ်ရိုက်အလုပ်လုပ်ခဲ့ကြ သည်။ ရက်သတ္တပတ်များအတွင်း မှာ တောင်တွေကို သူတို့က ချိုင့် ဝှမ်းတွေဖြစ်သွားအောင် လုပ်ခဲ့ ကြသည်။

သည်ကုန်သွယ်မှုသည် အ စိမ်းရောင်ဘိန်းခင်းများနှင့် ကူး သန်းရလွယ်သော တရုတ်နယ်စပ် အထိကို ကျော်ဖြတ်ပြီး လက်နက်၊ မူးယစ်ဆေးဝါးနှင့် ကျောက်မျက် ရတနာရောင်းဝယ်ဖောက်ကားမှု ကို အားကောင်းစေသည်။ ကချင် ပြည်နယ်၏ သယံဇာတအရင်းအ မြစ်များအတွက် လက်နက်ကိုင် တော်လှန်ရေး အဖွဲ့ဖြစ်သည့် ကချင်လွတ်လပ်ရေးတပ်မတော် သည် မြန်မာအစိုးရစစ်တပ်နှင့် တိုက်ပွဲများ ဆက်တိုက်ဖြစ်ပွားခဲ့ သည်။ သည်တိုက်ပွဲများကြောင့် လူထောင်ပေါင်းများစွာ အိုးအိမ် စွန့်ခွာထွက်ပြေးခဲ့ရပြီး လွန်ခဲ့ သော ဆယ်စုနှစ်များစွာကျော်က ဖြစ်ခဲ့သော တိုက်ပွဲများ တစ်ကျော့ပြန်ဖြစ်လာကြသည်။

‘‘အတိုက်အခံတွေ ရွေး ကောက်ပွဲမှာ အနိုင်ရတဲ့အတွက် အရမ်းဂုဏ်ယူပါတယ်။ ဒါဟာ ဒီမိုကရေစီကိုသွားဖို့ အဆင့်တစ် ဆင့်ပါ။ ဒါပေမဲ့ အနှစ် ၆၀ လောက်ဖြစ်လာခဲ့တဲ့ကိစ္စကို ငါးနှစ်တည်း နဲ့ သူတို့ ဘယ်လိုဖြေရှင်းနိုင်မလဲ’’ ဟု ကချင်ပြည်နယ်လူမှုရေးအုပ်စု ကွန်ရက်ကို ဆောင်ရွက်နေသည့် စတီဗင်စာဂျီက ပြောပါသည်။

ပြည်နယ်၏ သယံဇာတအရင်းအမြစ်များကိုထိန်းချုပ်ခြင်းကချင်ပြည်နယ် သို့သွားသည့် မည်သည့်ခရီးစဉ်မဆို ဟိမဝန္တာဆီက စီးဆင်းလာသော ရေခဲရေများဖြင့် အေးစက်နေ သော မြစ်နှစ်သွယ်ဆုံစည်းရာက နေ စရမည်ဖြစ်သည်။ သည်ဖြစ် နှစ်သွယ်ဆုံစည်းရာကနေ ဧရာ ဝတီမြစ်ကြီး ဖြစ်လာသည်။ သည် မြစ်ကြီးသည် ကချင်လူမျိုးများတို့ အတွက် အသက် သွေးကြောမြစ် ကြီးဖြစ်ပါသည်။

မြစ်ဆုံတွင် ရွှေရောင်စေတီ တစ်ဆူက တောက်ပသပ္ပာယ်နေ သည်။ စက်တပ်လှေတစ်စီးပေါ် ကိုတက်ပြီး မိနစ် ၃၀ လောက် ကြည်လင်သန့် ရှင်းနေသော မြစ် ဘေးတစ်လျှောက် အထက်ကို မောင်းတက်လာလျှင် အသုံးမပြု တော့သည့် လျှပ်စစ်မီးကြိုးတိုင် ကြီးများက ရေပြင်အထက်မှာ စီးမိုးနေပါသည်။

သည်အဆောက်အအုံများ သည် လက်ရှိတွေ့ရသည့် မြစ်ဆုံ ဆည်ဖြစ် ပါသည်။ မြစ်ဆုံဆည် သည် လျှပ်စစ်အား မဂ္ဂါဝပ် ၆၀၀၀ ကို ထုတ်လွှတ် ပေးမည့် ရေအားလျှပ်စစ်ဆည်ဖြစ်ပြီး ဆောက်လုပ်ဖြစ်ပါက အာရှ၌ အကြီးဆုံးရေအား လျှပ်စစ်ဆည်ဖြစ်လာမည်။

ယခင်စစ်တပ်နောက်ခံ ဦးသိန်းစိန်အစိုးရသည် ပြည်သူများ၏ ဆန့်ကျင်ကန့်ကွက်မှု ကြောင့် အမေရိကန်ဒေါ်လာ ၃ ဒသမ ၆ ဘီလီယံတန်ဖိုးရှိ တရုတ်နိုင်ငံ၏ မြစ်ဆုံဆည်စီမံကိန်းကို ၂၀၁၁ က ရပ်ဆိုင်းခဲ့ပါသည်။ အဆိုပါဆည်ကြောင့် ကျေးရွာ သားတစ်သောင်းကျော် နေရာပြောင်းရွှေ့ခဲ့ရပြီး သဘာဝသားရဲတိရစ္ဆာန်နှင့် ငါးကောင်ရေအများ အပြားပျက်စီးထိခိုက်ခဲ့ရသည်ဟု လေ့လာအကဲခတ်သူများက ပြောကြားခဲ့သည်။ မြန်မာနိုင်ငံမှာ လူထောင်သောင်းချီပြီး မီးမရသော်လည်း သည်လျှပ်စစ်ရေအားလျှပ် စစ်စီမံကိန်းမှရရှိလာသော လျှပ်စစ်ဓာတ်အားအများစုကို တရုတ်နိုင်ငံသို့သာ ပြန်ပို့ရန် မူလက တည်းက စီစဉ်ထားခဲ့ကြသည်။

ယခုအခါ မြန်မာအစိုးရသစ် အပြောင်းအလဲဖြစ်လာသောအ ခါ တရုတ်နိုင်ငံ က အဆိုပါရေ အားလျှပ်စစ်စီမံကိန်းကို ပြန်လည်ဆောက်လုပ်ရန် မြန်မာကို စတင် ဖိအားပေးလာသည်။ တရုတ် ဒုတိယနိုင်ငံခြားရေးဝန်ကြီး လူရှန် မင်းက ပြီးခဲ့သည့်လက သတင်းထောက်များအား ပြောကြားရာ တွင် ‘‘ဒီပူးပေါင်းဆောင်ရွက်မှုကို ရှေ့ဆက်နိုင်ဖို့ ဘယ်လိုတွန်းအား ပေးသွားမလဲ ဆိုတာ နှစ်နိုင်ငံစလုံးအတွက် အရေးကြီးတဲ့ကိစ္စပါ’’ဟု ဆိုခဲ့၏။

၂၀၁၁ ၌ မြစ်ဆုံစီမံကိန်းကို ကန့်ကွက်ခဲ့သူ ဒေါ်အောင်ဆန်းစု ကြည်က သည်ကိစ္စနှင့်ပတ်သက် ပြီး သူ့အမြင်ကို ကချင်လူမျိုးတွေ ကို မပြောကြား ခဲ့ပါ။ သူက အစိုး ရအသစ်လက်ထက်မှာ ဆုံးဖြတ် ချက်မချခင် စီမံကိန်း စာချုပ်ကို ပြန်စိစစ်ဦးမည်ဟုသာ ပြောကြား ခဲ့၏။

‘‘ဒီစီမံကိန်းကို ဆက်လုပ် စရာ ဘာအကြောင်းမှ မရှိဘူး။ ဧရာဝတီကို အသေသတ်တယ်ဆို ရင် တစ်ပြည်လုံးကို အသေသတ် တာပဲ’’ဟု အသက် (၅၀)အရွယ်ရှိ ကချင်ပြည်နယ်မှ လွှတ်တော် အမတ် ဒေါ်ဂျာဆိုင်းခေါင်န်က ပြောကြားသည်။

၁၉၄၈ ဗြိတိန်အစိုးရဆီက လွတ်လပ်ရေးရခါစအချိန်များကလို ကချင်ပြည် နယ်၏ သယံဇာတ များကို ထိန်းချုပ်ရေးသည် မြန်မာ အစိုးရစစ်တပ်နှင့် ကချင်လူမျိုး များအကြား ပဋိပက္ခများ၏ အဓိ ကအကြောင်းရင်းဖြစ်၏။ ဗုဒ္ဓဘာ သာအများစုနေထိုင်သည့် မြန်မာ နိုင်ငံတွင် ကချင်လူမျိုးများသည် အကြီးမားဆုံးခရစ်ယာန်ဘာသာ ဝင်လူမျိုးစုဖြစ်ပါသည်။

၂၀၁၁ တွင် တရုတ်တို့၏ မြစ်ဆုံစီမံကိန်းအနီးမှာ ကချင် လွတ်မြောက်ရေး တပ်မတော်နှင့် မြန်မာစစ်တပ်တို့ တစ်ကျော့ပြန် ပြန်လည်တိုက်ခိုက်ခဲ့ကြ သည်။ သည်တိုက်ခိုက်မှုသည် ၁၇ နှစ်ကြာ နှစ်ဖက်အကြား အပစ်အခတ် ရပ်စဲရေးသဘောတူညီချက်ကို ပျက်ပြားစေခဲ့ပြီး လူတစ်သိန်း ကျော်နေ ရာကို စွန့်ခွာထွက်ပြေးခဲ့ရသည်။

ထိုအချိန်ကစပြီး နှစ်ဖက် တပ်များသည် မုဒိမ်းကျင့်ခြင်း၊ ကလေးစစ်သား များထားရှိခြင်း၊ မိုင်းထောင်ခြင်းများကို ကျူးလွန် ခဲ့ကြောင်း လူ့အခွင့်အရေး စောင့် ကြည့်အဖွဲ့အပါအဝင် လှုပ်ရှား သူအဖွဲ့များက သတင်းပို့ခဲ့ကြ သည်။ ထိုတိုက်ပွဲများကြောင့် ပြီးခဲ့သည့် နိုဝင်ဘာရွေးကောက်ပွဲ၌ ကျေးရွာများ စွာမှာ ရွေးကောက်ပွဲ မလုပ်နိုင်ခဲ့ပါ။

အမျိုးသားပြန်လည်ပေါင်းစည်းရေးနှင့် ကချင်နှင့် တခြား တိုင်းရင်းသား တပ်ဖွဲ့များနှင့် ငြိမ်း ချမ်းရေးရခြင်းသည် သူ၏ ပထမ ဦးစားပေးများအနက် တစ်ခုဖြစ် သည်ဟု ဒေါ်အောင်ဆန်းစုကြည် က ပြောကြားခဲ့သည်။ သို့သော် နှစ်ပေါင်းများစွာ ပဋိပက္ခများအ ပြီးမှာ မယုံကြည်မှုများက အမြစ် စွဲနေပြီဖြစ်သည်။ စစ်တပ်ရော တိုင်းရင်းသားလက်နက်ကိုင်များ ပါ ကျောက်စိမ်းတွင်းလုပ်ငန်းက နေ အကျိုးအမြတ်များရရှိနေ သည်ဟု လေ့လာသုံးသပ်သူများ က ပြောကြားကြသည်။

မကြာသေးခင်နှစ်များမှာ စစ်တပ်ပိုင်လုပ်ငန်းကြီးများ၊ ခရို နီများနှင့် မိသားစုဝင်များ၊ တရား မဝင်တရုတ်လုပ်ငန်းရှင်များ၏ အကြီးအကျယ်ကျောက်တွင်းတူး ခြင်းကြောင့် တောများ ချက်ချင်း ပြုန်းတီးပြီး မြစ်တွေ၊ ချောင်းတွေ လည်း ညစ်ညမ်းကုန်ကြသည်။ မြေပြိုမှုများကြောင့် လူရာနှင့်ချီ သေဆုံးခဲ့ကြသည်ဟု Global Witness အဖွဲ့၏ အစီရင်ခံစာအရ သိရသည်။ အဆိုပါအဖွဲ့၏ မှန်း ဆချက်အရ ၂၀၁၄ တွင် ထိုဒေသ ၌ ကျောက်စိမ်းတန်ဖိုး ဒေါ်လာ ၁၂ ဘီလီယံကနေ ၃၁ ဘီလီယံ အထိ ထုတ်လုပ်ခဲ့ပြီး အများစုက တရုတ်နိုင်ငံသို့ တင်ပို့ခဲ့သည်ဟု သိရသည်။ အမေရိကန်နိုင်ငံကမူ မြန်မာကနေ ကျောက်စိမ်းတင်ပို့ မှုကို တားမြစ်ထားပြီး ကျောက် စိမ်းလုပ်နေသူများကိုလည်း အမေရိကန်ကုမ္ပဏီများနှင့် စီးပွားရေး လုပ်ခွင့်မပြုပါ။

မြစ်ကြီးနားမြို့လယ်ကောင် က လဟာပြင်လက်ဖက်ရည်ဆိုင် တစ်ဆိုင်မှာ ဝယ်သူများနှင့် ကျောက်စိမ်းကောက်သူများသည် နိုင်ငံ၏ ဥပဒေကို ချိုးဖောက်ပြီး သွေးပြီးသားကျောက်ရော မသွေးရသေးသည့် ကျောက်များကိုပါ တရားမဝင် ရောင်းဝယ်နေကြသည်။

ကျောက်တွင်းကုမ္ပဏီကြီး တစ်ခု၏ အမှိုက်မြေစာပုံထဲကနေ ပြီး ကောက်လာသော ကျောက် တုံးများကနေ သူသည် တစ်လကို ဒေါ်လာ ၂,၀၀၀ ခန့်အထိရသည် ဟု အသက် (၄၄) နှစ်အရွယ် ကိုနော်ခန်းက ဆိုပါသည်။ ငှက် ဖျားရောဂါနှင့် မြေပြိုမှုများကြောင့်သည်လုပ်ငန်းသည် အန္တရာယ်ကြီးလှပါ၏။ သို့သော် ‘‘ကျောက်စိမ်း က တစ်နေ့တည်းနဲ့ ခင်ဗျားကို ချမ်းသာအောင်လုပ်ပေးနိုင်တယ်’’ဟု သူက ပြောသည်။

တရားဥပဒေမရှိ၊ အဆင်ခြင် မဲ့စွာ ကျောက်စိမ်းတူးယူနေမှုများ ကို ကာကွယ်မည့်ဥပဒေနှင့် စောင့်ကြည့်စနစ် မပြဋ္ဌာန်းမချင်း တူး ဖော်မှုများကို တားမြစ်ပေးရန် မကြာသေးခင်က ကျောက်တွင်း ဒေသရှိ လှုပ်ရှားဆောင်ရွက်သူ သုံးရာခန့်က တောင်းဆိုခဲ့ကြ သည်။

ဒေါ်အောင်ဆန်းစုကြည်၏ အောင်မြင်မှုသည် ယခုထိ အာ ဏာကို စွဲကိုင်ထားသည့် မြန်မာ စစ်တပ်နှင့် သူ၏ ဆက်ဆံရေး ပေါ်မူတည်နေသည်ဟု သူ၏ ပါတီဝင်တစ်ဦးက ပြောပါသည်။ ထို့ ကြောင့် သူတို့ပါတီအနေဖြင့် ကျောက်စိမ်းအရေးကို တိုက်တွန်း ရေးသည် မကြာခင်မှာ ဖြစ်လာ ဖွယ်မရှိသေးဟု သူတို့က ဆိုပါ သည်။

‘‘ကျွန်မကတော့ ဒေါ်အောင် ဆန်းစုကြည်က ဒီကိစ္စတွေကို ချက်ချင်းပြော လိမ့်မယ်လို့ မထင်ဘူး။ ဒီတစ်ခုတည်းလုပ်ရုံနဲ့ အပြောင်းအလဲအကြီး အမားဖြစ် လာနိုင်မှာ မဟုတ်ဘူး။ သူ့အနေ နဲ့ ဒီစီးပွားရေးကို ဖျက်ဆီးမှာ မဟုတ်ဘူး။ ဘာလို့လဲဆိုတော့ ဒါကကျင့်ဝတ်အရ တကယ့် ပြဿနာဖြစ် နေတဲ့အရာ။ ခရိုနီ လုပ်ငန်းဆိုပေမယ့် လူတွေအများကြီးကို အလုပ်ပေးနေ တာ။ သူ့အ တွက် ဒါကို သိပ်ဦးစားပေးဖို့မရှိ ဘူး’’ဟု ကိုယ်ပိုင်ရွှေဆိုင်နှင့် ကျောက်မျက်ရတနာလုပ်ငန်းကို လုပ်ကိုင်နေသူ လွှတ်တော်အမတ် ဒေါ်သက်သက်ခိုင်က ပြောပါ သည်။

ယွပ်ဇော်ခေါင်န်နှင့် သူ၏ Jadeland Myanmar အုပ်စုအ တွက်တော့ ကျောက်စိမ်းလုပ်ငန်း က အနေအထားကောင်းမြဲဖြစ်ပါ သည်။ တစ်ချိန်တုန်းက သူသည် ကျောက်မြေစာပုံကို လိုက်ရှာရသူ ဖြစ်ပါသည်။ ယခုအချိန်တွင် သူ သည် ဧက သုံးရာရှိ မြေများနှင့် မြစ်ကြီးနားမြို့မှာ အိပ်ခန်း ၁၂ ခန်းပါ အိမ်ကြီးကို ပိုင်ဆိုင်ထားသည့် အလားအလာကောင်း သော စီးပွားရေးသမားတစ်ယောက်ဖြစ်နေပါပြီ။ သူ့အိမ်အဝင်လမ်းမှာ ‘‘ကံအလွန်ကောင်းသော ကျောက်စိမ်းတောင်တန်း မိသားစု’’ဟု ဆိုင်းဘုတ် ရေးထားပါသည်။

ကျောက်တွင်းများမှရသော ချမ်းသာမှုသည် ခရိုနီစီးပွားရေး သမားများနှင့် စစ်တပ်က အခွင့် ထူးခံများအတွက် မဟုတ်ဘဲ ကချင်လူထုပါ အကျိုးအမြတ် ရ သင့်သည်ဟု သူက ပြောပါသည်။ ကချင်ဒေသမှာ လမ်း၊ ကျောင်း နှင့် မူးယစ်ဆေးစွဲရောဂါကုဌာနများ လိုအပ်နေသည်ဟု သူက ပြောပါသည်။

‘‘သဘာဝသယံဇာတတွေ ပေါ် ထိုင်နေတဲ့ ကျွန်တော်တို့လူ မျိုးတွေဟာ ချမ်းသာသင့်ပေမယ့် အခုတော့ ပင်ပန်းဆင်းရဲမှုပဲ ခံစားနေရတယ်’’

7Day News Journal