NLD ပါတီသည် အောက်ခြေလွှတ် သွေးနထင်ရောက်နေပြီး သမ္မတ ဦးသိန်းစိန်သည်သာ အကောင်းဆုံးရွှေးချယ်မှု ဖြစ်" ဟု ဦးဝီရသူ ပြောကြား

မဘသ ဘုန်းတော်ကြီး ဦးဝီရသူက နိုဝင်ဘာ ၈ ရွေးကောက်ပွဲအတွက် သမ္မတ ဦးသိန်းစိန်၏ အာဏာရ ကြံ့ခိုင်ရေးပါတီကို အတိအလင်း ထောက် ခံပြောကြားလိုက်သည်။ဒေါ်အောင်ဆန်းစုကြည်၏ NLD ပါတီမှာ ဘ၀င်မြင့် အောက်ခြေလွှတ် သွေးနထင် ရောက်နေပြီး ရွေးကောက်ပွဲ အနိုင်မရနိုင်ဟု ရိုက်တာသတင်း ဌာနနှင့် တနင်္ဂနွေနေ့က ရန်ကုန် သုဝဏကွင်းတွင် မဘသ အဖွဲ့ဝင် ထောင်နှင့်ချီ တက်ရောက်သော မျိုးစောင့်ဥပဒေ အခမ်းအနား မတိုင်မီ ပြုလုပ်သည့် မေးဖြေကဏ္ဍ တွင် ပြောကြားခဲ့ခြင်း ဖြစ်သည်။

နိုင်ငံအတွင်းရှိ လူနည်းစု ဘာသာဝင်များကို ပစ်မှတ်ထားသည်ဟု စွပ်စွဲ ခံနေရသော မျိုးစောင့်ဥပဒေ ၄ မျိုးအား ပြဋ္ဌာန်းရန် မဘသ က တွန်းအား ပေးခဲ့သဖြင့် ပေါ်ပေါက်နေသည့် တင်းမာမှုများမှာ ဦးဝီရသူ၏ စကားကြောင့် ပိုမိုမြင့်တက်လာဖွယ် ရှိသည်။

ရွေးကောက်ပွဲ နီးကပ်လာချိန်တွင် မဘသအဖွဲ့မှာ မျိုးစောင့် ဥပဒေများကို ဝေဖန်ခဲ့သည့် NLD အား ဆန့်ကျင်သည့် အင်အားစု တစ်ခုအဖြစ် ထွက်ပေါ်လာသည်။ ဦးဝီရသူက NLD ကို ဖိအားပေး ဝေဖန်ခြင်းကို ကြံ့ခိုင်ရေး ပါတီ အား ထောက်ခံမှုအဖြစ် အဓိပ္ပာယ်ကောက်ယူနိုင်သည် ဟု လေ့လာ သူ များက ဆိုသည်။

ဦးဝီရသူက “ဘုန်းကြီးတို့ နိုင်ငံနဲ့ လူမျိုး အတွက် အကောင်းဆုံး ရွေးချယ် ရမယ်ဆိုရင်တော့ အဲဒါက သမ္မတကြီး ဦးသိန်းစိန် ရဲ့ အစိုးရပါပဲ။ သူတို့က တံခါးဖွင့်ပြီး ငြိမ်းချမ်းရေးနဲ့ ဖွံ့ဖြိုးရေး အတွက် အဆင့်ဆင့် ဆောင်ရွက်နိုင် ပါတယ်” ဟု ပြောကြားခဲ့သည်။

မဘသအဖွဲ့သည် မကြာသေးမီက ယင်းတို့၏ ပုံရိပ်အား ငြိမ်းချမ်းပြီးနိုင်ငံရေးနှင့် မသက်ဆိုင်သည့် အဖွဲ့အစည်းအဖြစ်ပုံဖော်ရန် ကြိုးစားခဲ့ သော်လည်း ဦးဝီရသူက ဦးသိန်းစိန်ကို ထောက်ခံပြောကြားခြင်းမှာနိုင်ငံရေး လွှမ်းမိုးမှုရှိရန် ရည်မှန်းချက်ကို ဖော်ပြလျက်ရှိသည်။

မဘသ သည် ကြံ့ခိုင်ရေးပါတီအတွက် မဲဆွယ်ပေးခြင်းမရှိ ဟု ဦးဝီရသူကငြင်းဆိုခဲ့သော်လည်း မျိုးစောင့်ဥပဒေ များကို ထောက်ခံခြင်းအတွက်ကျေးဇူးတင်သည်ဟု ပြောကြားခဲ့သည်။

ဦးဝီရသူက “တကယ်လို့ NLD က အစိုးရဖြစ်လာပြီး ဒီဥပဒေတွေကို ပြင်ဆင် မယ်ဆိုရင် မဘသနဲ့ ထိပ်တိုက်ရင်ဆိုင်ရမှာ ဖြစ်ပါတယ်” ဟု ပြောကြား ခဲ့သည်။

KHTun

The Ladies News Journal