ပါတီငယ်တွေနဲ့ အလှမ်းဝေးနေတဲ့ ရန်ကုန်မဲဆန္ဒရှင်များ

နိုဝင်ဘာ ရွေးကောက်ပွဲအတွက် သန်း ၃၀ ကျော် ပြည်သူတွေ မဲရုံသွားဖို့ ရက်သတ္တပတ် လေးပတ်သာ လိုတော့တဲ့အချိန်မှာ ရန် ကုန်မြို့မဲဆန္ဒနယ်အများအ ပြားမှာ ၀င်ပြိုင်ကြမယ့် အမတ် လောင်းတွေဟာ အဓိကအခက် အခဲကြီး နှစ်ခုနဲ့ ကြုံတွေ့နေရပါ တယ်။ အဲဒါကတော့ ရွေးကောက် ပွဲကို စိတ်မ၀င်စားသူတွေ မဲပေး ချင်လာအောင် ဆောင်ရွက်ရေး၊ အမျိုးသားဒီမိုကရေစီအဖွဲ့ချုပ် (NLD) ကိုသာ ၀ိုင်းဝန်းထောက်ခံ နေသူတွေ ကိုယ့်ဘက်ပါအောင် စည်းရုံးရေးတို့ပဲဖြစ်ပါတယ်။

မကြာသေးမီက ရန်ကုန်ရဲ့ မြို့နယ် သုံးခုအတွင်း တွေ့ဆုံ မေးမြန်းခဲ့တဲ့ မဲဆန္ဒရှင် ၄၅ ဦး ဟာ ရွေးကောက်ပွဲနဲ့ ပတ်သက်ပြီး အ မြင်အမျိုးမျိုးရှိတာ တွေ့ရပေမယ့် သူတို့ထဲက ထက်ဝက်ကျော်က တော့ ဒေါ်အောင်ဆန်းစုကြည်ရဲ့ NLD ပါတီကို မဲပေးကြမယ်လို့ ဆိုကြပါတယ်။ ကျန်လူတွေထဲ မှာတော့ အများစုက မဲပေးခြင်းနဲ့ ရွေးကောက်ပွဲကို စိတ်မ၀င်စားဘူးလို့ မှတ်ချက်ပေးပါတယ်။ လေးဦးကတော့ ကိုယ်စားလှယ်လောင်း တွေကို လေ့လာပြီးမှ မဲသွားပေး မယ်လို့ ပြောပါတယ်။

အားလုံးနီးပါးက အာဏာရ ပြည်ထောင်စုကြံ့ခိုင်ရေးနှင့် ဖွံ့ ဖြိုးရေးပါတီ၊ NLD တို့ကိုသာ အ ကျွမ်းတ၀င်ရှိကြပြီး ကျန်တဲ့ပါတီ တွေကို မသိကြပါဘူး။ ဒါကတော့ တစ်သီးပုဂ္ဂလအမတ်လောင်း များ၊ ပါတီငယ်ကိုယ်စားပြု အမတ်လောင်းများ အားလျော့စရာ အချက်ပါပဲ။

ပါတီကြီးဖြစ်တဲ့ NLD က အမတ်လောင်းရွေးချယ်ရာမှာ ၈၈ မျိုးဆက်ပွင့်လင်းလူ့အဖွဲ့အ စည်းက ဦးကိုကိုကြီးနဲ့ လုပ်ဖော် ကိုင်ဖက်အများအပြားကို ပယ်ချ ခဲ့တဲ့အတွက် ပြီးခဲ့တဲ့လတွေအတွင်း ဒီမိုကရေစီအင်အားစုတွေကြား အကြီးအကျယ်ဝေဖန်ခံရပါတယ်။ တခြားတစ်ဖက်မှာလည်း အမျိုးသားရေးဝါဒီတွေရဲ့ လှုပ် ရှားမှု၊ ထိုးနှက်မှုတွေရှိနေပါ တယ်။ လူဦးရေ ၇ ဒသမ ၃ သန်း ရှိတဲ့ ရန်ကုန်မြို့မှာ NLD အများစု အနိုင်ရမယ်ဆိုတဲ့ လူအများရဲ့ ခန့်မှန်းချက်ကို ဒီမြို့နယ် သုံးခုမှာ တွေ့ခဲ့တဲ့ မဲဆန္ဒရှင်တွေရဲ့ ပြော ကြားချက်က အတည်ပြုသလို ဖြစ်နေပါပြီ။ မြို့နယ်သုံးခုရဲ့ NLD အမတ်လောင်းများ စာရင်းထဲမှာ ဘလော့ဂါ နေဘုန်းလတ်၊ ဒေါ် ဖြူဖြူသင်း၊ ဒေါက်တာ မြတ်ဉာ ဏစိုးစတဲ့ ထင်ရှားသူတို့ရဲ့ နာ မည်တွေကိုလည်း တွေ့ရမှာပါ။

နိုဝင်ဘာ ၈ ရက် ရွေး ကောက်ပွဲနေ့ရောက်ရင် NLD အ မတ်လောင်းတွေကိုပဲ မဲထည့် ဖြစ် မယ်ဆိုသူတွေထဲမှာ တခြားရွေး ချယ်စရာပါတီမရှိဘူးလို့ ပြောသူ တချို့လည်း ရှိကြပါတယ်။

‘‘ကိုယ့်မြို့နယ်မှာ ဘယ်သူ တွေ ၀င်ပြိုင်တယ်ဆိုတာတော့ အတိအကျမသိဘူး။ ဒါပေမဲ့ ကျွန်တော်တို့ ပေးရမယ့်ပါတီကို တော့ သိတယ်။ သူ့တံဆိပ်ကို လည်း သိတယ်။ နှစ်ပေါင်းများစွာ နောက်ကျခဲ့တဲ့ တိုင်းပြည်ကို အ ပြောင်းအလဲလုပ်ရမယ့်အချိန်ပဲ’’ လို့ သင်္ဃန်းကျွန်းမြို့နယ်က ကို ဇေယျာလင်းက ပြောပါတယ်။

‘‘ပတ်ဝန်းကျင်မှာတော့ နိုင်ငံ ရေးကို သိပ်စိတ်မ၀င်စားကြဘူး ဗျ။ ကိုယ့်နီးစပ်ရာတွေကို လိုက် တော့ပြောပြတယ်။ ဘာဖြစ်လို့လဲ ဆိုတော့ လက်ရှိတိုင်းပြည်ကို အ ပြောင်းအလဲလုပ်နိုင်တာ အမျိုး သားဒီမိုကရေစီ အဖွဲ့ချုပ်မို့လို့။ အဲဒီပါတီကို သိပ်ကြိုက်လားဆို ရင်တော့ လက်ရှိအချိန်မှာ တခြား ရွေးချယ်စရာမှ မရှိတာ’’လို့သူက ပြောပါတယ်။

မင်္ဂလာတောင်ညွန့်မြို့နယ် က အမည်မဖော်လိုတဲ့ နိုင်ငံ့ဝန် ထမ်းတစ်ဦးရဲ့ ပြောကြားချက်က လည်း အလားတူပါပဲ။

‘‘အခုချိန်မှာတော့ အား လုံးက ဒေါ်စု ဒေါ်စုလို့ အော်နေ ပေမယ့် (သူဦးဆောင်တဲ့အခါ) သူ့ အောက်က လူတွေက မကောင်း ရင် ဘယ်လိုလုပ်မလဲ။ လက်ရှိ အစိုးရ ဦးသိန်းစိန်ကို ကြိုက် တယ်။ ဒါပေမဲ့ သူ့အောက်က လူ တွေမမှန်ဘူး။ သူ့လိုမဟုတ်ဘူး။ ဒီနှစ်ခုကို ယှဉ်ကြည့်တဲ့ သဘော ပါ။ ဒေါ်စုကို ကြိုက်ပါတယ်။ နိုင်ငံရေး အပြောင်းအလဲဖြစ် အောင် ထုံးစံအတိုင်း NLD ကိုပဲ ထည့်ရမှာပေါ့’’လို့ သူကပြောပါ တယ်။

သင်္ဃန်းကျွန်းမှ အနှေးယာဉ်မောင်းတစ်ဦးဖြစ်သူ ကိုရန်နောင် စိုးက နိုင်ငံရေးကို စိတ်မ၀င်စား၊ သူ့နာမည်မဲစာရင်းထဲမှာ မပါရင် လည်း ဘယ်လိုမှ မခံစားရဘူးလို့ ဆိုပါတယ်။

‘‘ကိုယ်စားဝတ်နေရေး အ တွက် ကိုယ့်ဘာသာရုန်းကန်နေရ တာ။ ဘယ်ပါတီတက်တက် ကိုယ့်အလုပ် ကိုယ်လုပ်နေရဖို့က အ ရေးကြီးတာပဲ’’လို့ ကိုရန်နောင်စိုး က ပြောပါတယ်။

ရွေးကောက်ပွဲမှာ မဲပေးရ မယ့်သူတွေဟာ စိတ်အားထက် သန်မှု နည်းပါးလာတဲ့အကြောင်း ယုံကြည်ရသော ရွေးကောက်ပွဲ များ ပေါ်ပေါက်ရေး ပြည်သူများ ပူးပေါင်းလှုပ်ရှားမှုအဖွဲ့က စက် တင်ဘာ ၂၁ ရက်မှာ သတိပေး လိုက်ပါတယ်။

ပါတီတွေ ကျော်ဖြတ်ရမယ့်

တောင်ကုန်းမြင့်မြင့်

ရန်ကုန်မြို့ရဲ့ မြောက်ဘက် အစွန်က ဆင်းရဲနွမ်းပါးသူ အများ အပြားနေထိုင်ကြတဲ့ စက်မှုဇုန်ရှိ တဲ့ လှိုင်သာယာမှာ လွှတ်တော် သုံးရပ်အတွက် ကိုယ်စားလှယ် ၅၂ ဦး ရွေးကောက်ပွဲဝင်ပါမယ်။

ဒီအရေအတွက်အရဆိုရင် လှိုင် သာယာဟာ မြန်မာပြည်မှာ ကိုယ် စားလှယ်လောင်းအများဆုံးမဲဆန္ဒ နယ်မြေဖြစ်ပါတယ်။ ဒီနေရာဟာ မဲစာရင်း မှားယွင်းမှု အများဆုံးရှိ နေတဲ့မြို့တွေထဲက တစ်မြို့လည်း ဖြစ်ပါတယ်။ သင်္ဃန်းကျွန်းမှာ တော့ လွှတ်တော်အမျိုးမျိုးအ တွက် ဝင်ပြိုင်မယ့်အမတ်လောင်း ၂၈ ဦးရှိပြီး မင်္ဂလာတောင်ညွန့်မှာ ၁၉ ဦးရှိပါတယ်။ လူဦးရေသိပ် သည်းမှုထူထပ်တဲ့ ဒီနယ်မြေနှစ်ခု ဟာ တခြားနယ်မြေတွေနဲ့ မတူတဲ့ အချက်တစ်ခုကတော့ မွတ်စလင် မဲဆန္ဒရှင် အတော်များများကို တွေ့နိုင်ခြင်းပါပဲ။

၂၀၁၀ ရွေးကောက်ပွဲမှာ လှိုင်သာယာနဲ့ မင်္ဂလာတောင်ညွန့် မှာ ပြည်ခိုင်ဖြိုးနိုင်ပါတယ်။ NLD က ခွဲထွက်လာတဲ့ NDF ပါတီခေါ် အမျိုးသားဒီမိုကရက်တစ် အင် အားစုက သင်္ဃန်းကျွန်းမြို့နယ်မှာ နိုင်ပါတယ်။ ဒါဟာ အင်အား နည်း၊ လူသိနည်းတဲ့ ပါတီတွေ ရန်ကုန်မှာ အနိုင်ရဖို့ ခက်ခဲတယ် ဆိုတာကို မီးမောင်းထိုးပြနေခြင်း ပါပဲ။ တကယ်ဆိုရင် ဒီမြို့နယ် တွေဟာ  မြန်မာပြည်မှာ  ရွေး ကောက်ပွဲနဲ့ပတ်သက်ပြီး ပိုပြီး သိ မြင်နှံ့စပ်၊ သတင်းအချက်အလက် ရယူမှုပိုအဆင်ပြေတဲ့ဒေသတွေ ထဲ ပါဝင်နေတာပါ။

ဒီသုံးမြို့နယ်အတွင်း တွေ့ ဆုံ မေးမြန်းဖြစ်တဲ့သူတွေထဲမှာ NLD ကို မထောက်ခံသူတချို့ လည်း ပါပါတယ်။ သို့သော်လည်း ဘယ်ပါတီကို ထောက်ခံပါတယ် ဆိုပြီး ပွင့်ပွင့်လင်းလင်းပြောတဲ့သူ မရှိသလောက်ပါပဲ။ သင်္ဃန်းကျွန်း မှာ ကွမ်းယာရောင်းသူတစ်ဦးဖြစ် တဲ့ မောင်မြင့်က ဒီရှားပါးတဲ့သူ တွေထဲက တစ်ယောက်ပါ။

‘‘ကျွန်တော်ကတော့ အရမ်း နာမည်ကြီးနေတဲ့ ပါတီနှစ်ခုစလုံး ကို မဲမပေးဘူး။ မကြိုက်လို့။ တစ် ခုကလည်း နာမည်ကြီး၊ လူအများကြိုက်တယ်ဆိုပေမယ့် လက်တွေ့ဘာမှ မမြင်ရတော့ အားမပေးချင် ဘူး။ နောက်တစ်ခုကလည်း ဖိနှိပ် လွန်းအားကြီးတဲ့သူတွေ စုဖွဲ့ထား တဲ့ဟာမို့လို့ မကြိုက်ဘူး’’လို့ မောင်မြင့်က ပြောပါတယ်။

‘‘ကိုယ့်လက်ထဲကို ကိုယ်စားလှယ်နှစ်ယောက်ရဲ့ လက်ကမ်း ကြော်ငြာလေးပဲ ရသေးတယ်။ ကျန်တဲ့သူတွေ ဘယ်သူမှ မဲလာ ဆွယ်သေးတာမဟုတ်ဘူး။ ကိုယ့် မြို့နယ်မှာ ဘယ်သူတွေ၊ ဘယ်ပါ တီတွေ ဝင်ပြိုင်ကြမယ်ဆိုတာ လည်း အတိအကျမသိသေးဘူး’’

ဘဏ္ဍာရေးအခက်အခဲရှိတဲ့ အတွက်ကြောင့် မဲဆွယ်တာတွေ ကို ရွေးကောက်ပွဲရက်နီးမှ လုပ် ဖြစ်မယ်လို့ စီစဉ်ထားတဲ့ပါတီတစ် ခုကတော့ ကမန်အမျိုးသားပါတီ ဖြစ်ပါတယ်။

‘‘ကျွန်တော်တို့ပါတီကို မေ့ သွားမှာစိုးလို့ ရွေးကောက်ပွဲနီးမှ စည်းရုံးရေးလုပ်တာပါ။ ပါတီကြီး တွေကတော့ လူလည်းရှိတယ်၊ ငွေလည်း ရှိတယ်ဆိုတော့ လုပ် ချင်တာ လုပ်လို့ရတယ်။ အဲဒီပါတီတွေ နည်းနည်းငြိမ်မယ့်အချိန်မှာ ကိုယ့်ပါတီက စည်းရုံးရေးထလုပ် မယ်’’လို့ ပါတီဒုဥက္ကဋ္ဌဦးလှတိုးကပြောပါတယ်။ သူကိုယ်တိုင်လည်း မင်္ဂလာတောင်ညွန့် ပြည်သူ့ လွှတ်တော်မဲဆန္ဒနယ်မှာဝင်ပြိုင်ပါမယ်။

ပတ်ဝန်းကျင်ကြောင့် NLD ကို ထောက်ခံလာသူများ

NLD ကို အကြွင်းမဲ့ယုံကြည် ထောက်ခံသူတွေရှိသလို ပါတီအ ကြောင်းမသိပေမယ့် ကိုယ့်ဝန်း ကျင်မှာရှိသူတွေနည်းတူ လိုက်ပါ ထောက်ခံသူတွေလည်း ရှိပါ တယ်။

‘‘အိမ်က ဘွဲ့ရပြီးသားအစ် ကို ဝမ်းကွဲကလည်း NLD အ ကြောင်း ပြောတယ်။ ကိုယ့်နား ပတ်ဝန်းကျင်ကလည်း NLD ပဲ ပြောနေကြတော့ ကိုယ်လည်း NLD ပဲထည့်ဖို့ ဆန္ဒရှိပါတယ်။ အမြဲတမ်းကြားနေကျဆိုတော့ စိတ်စွဲနေသလိုဖြစ်နေတာပါ’’လို့ မင်္ဂလာတောင်ညွန့်မှာ မုန့်ရောင်းတဲ့အသက်(၅၀)အရွယ်ဒေါ်သန်းသန်းဆွေက ရှင်းပြပါတယ်။

‘‘ကလေးဘဝကတည်းက ဗိုလ်ချုပ်အကြောင်းကို ကြားဖူး နေတာ၊ သူ့သမီးဆိုတော့ စိတ်ဝင် စားတာလည်း ပါတာပေါ့။ NLD ထည့်လို့ ကိုယ့်အတွက် ဘာ ပြောင်းလဲသွားမလဲဆိုတာတော့  မသိပါဘူး။ တစ်နေ့လုပ်မှ တစ်နေ့စားရတဲ့သူတွေပါ။ ဘာမှလည်း မမျှော်လင့်ပါဘူး’’

ဒီသုံးမြို့နယ်အတွင်း မေး မြန်းကြည့်တဲ့အခါ မဲရုံထဲ မဲပေးပုံ အဆင့်ဆင့်အကြောင်းနားမလည် သေးသူအများအပြားရှိတာတွေ့ ရပါတယ်။ ရွေးကောက်ပွဲဆိုင်ရာ ဗဟုသုတအကန့်အသတ်ရှိသူ တွေထဲမှာ လှိုင်သာယာက မကြည်ကြည်စန်းလည်း ပါဝင်ပါတယ်။

‘‘အရင်တစ်ခါက မဲထည့်ဖူး တယ်။ မဲထည့်ပုံထည့်နည်းတွေ တော့ မသိသေးဘူး။ ဘာတွေ ပြောင်းလဲမယ်ဆိုတာတော့ မ ပြောတတ်ဘူး။ ဘာတစ်ခုမှ မသိ ပါဘူး။ ကိုယ်ကတော့ ခွပ်ဒေါင်း အလံတွေ့ရင် ရင်ခုန်ပြီး ပီတိဖြစ် နေတာပဲ’’လို့ ဈေးသည် မကြည်ကြည်စန်းက ပြောလိုက်ပါတယ်။     

7Day News Journal