Wednesday, October 14, 2015

ဦးကိုကိုကြီးနှင့် တွေ့ဆုံခြင်း


တစ်နိုင်ငံလုံးအပစ်အခတ်ရပ်စဲ ရေးစာချုပ်(NCA) လက်မှတ်ရေးထိုးပွဲမှာ ၈၈မျိုးဆက်ငြိမ်းချမ်းရေး နဲ့ ပွင့်လင်းလူ့အဖွဲ့အစည်းအနေနဲ့ ဘာကြောင့် သက်သေအဖြစ် ပါ ၀င်လက်မှတ်ရေးထိုးဖို့ ဆုံးဖြတ်လိုက်တာပါလဲ။ကျွန်တော်တို့လည်း အားလုံး ပါဝင်တဲ့ အပစ်အခတ်ရပ်စဲရေး ဖြစ်စေချင်တယ်။ ဖြစ်ဖို့လည်းအ တတ်နိုင်ဆုံး ကျွန်တော်တို့ ကြိုးစား ခဲ့ပါတယ်။ 

ဒီဘက်က မြန်မာ့ငြိမ်း ချမ်းရေးစင်တာ(MPC)နဲ့ ဆွေးနွေး တာတွေရှိသလို တိုင်းရင်းသား လက်နက်ကိုင်အဖွဲ့တွေနဲ့ ကျွန် တော်တို့ ဆွေးနွေးတာတွေရှိ တယ်။ အားလုံးပါဝင်တဲ့ အပစ်အ ခတ်ရပ်စဲရေးကတော့ အကောင်း ဆုံးပေါ့။ ဒါပေမဲ့ အခုလောလော ဆယ်က အားလုံးပါဝင်တဲ့အခြေ အနေကို မရောက်သေးဘူး။ ရှစ်ဖွဲ့ ကလက်မှတ်ရေးထိုးမယ်။ အဲဒီလက်မှတ်ရေးထိုးတဲ့ပွဲဟာ အားလုံးပါဝင်တဲ့ အပစ်အခတ်ရပ်စဲရေးအတွက် ပဏာမခြေလှမ်းလို့မြင်တယ်။ မထိုးနိုင်သေးတဲ့အဖွဲ့အစည်းတွေမှာလည်း သူတို့ သက်ဆိုင်ရာအဖွဲ့အလိုက် အခက်အခဲတွေ၊ ကွဲလွဲမှုတွေ၊ သဘောထားမတိုက်ဆိုင်မှုတွေ တချို့လည်းရှိနေတာ။ ဒါက စိတ်ရှည်လက်ရှည်နဲ့ ဖြတ်သန်းရမယ်လို့ ကျွန်တော်တို့က မြင်ပါတယ်။

၈၈က သက်သေအဖြစ် ပါဝင်ဖို့ ဆုံးဖြတ်နိုင်ဖို့အတွက် ကိုယ့်အဖွဲ့ အစည်းအတွင်းမှာ ဘယ်လောက်ထိ ဆွေးနွေးညှိနှိုင်းခဲ့ရပါသလဲ။

ကျွန်တော်တို့မှာလည်း မတူ ညီတဲ့သဘောထားတွေရှိပါတယ်။  ဒါပေမဲ့ ကျွန်တော်တို့က ဆုံးဖြတ် ချက်ဖြစ်သွားပြီဆိုရင် အဖွဲ့အ စည်းတစ်ခုလုံးက သဘောတူ လက်ခံတဲ့ လုပ်ငန်းစဉ်ဖြစ်သွား တာပေါ့။ ကျွန်တော်တို့လည်း အား လုံးပါဝင်ရေး(All Inclusive)ဆိုတဲ့ အပေါ်မှာ တစ်သဘောတည်းရှိ တယ်။ အားလုံးမပါဝင်တဲ့အပေါ် မှာ ကျွန်တော်တို့ လက်မှတ်ရေး ထိုးမယ့်အပေါ်မှာ ဆွေးနွေးကြ ပြောကြဆိုကြတာတွေရှိတယ်။ ဒါ ပေမဲ့နောက်ဆုံးမှာ အသိသက်သေ အဖြစ် လက်မှတ်ရေးထိုးဖို့ကို အစည်းအဝေးဆုံးဖြတ်ချက်အဖြစ်နဲ့ သဘောတူတယ်။ တစ်ဖက်ကလည်းကျန်နေသေးတဲ့အဖွဲ့တွေပါဝင်ဖို့ ဆက်လက်ဆောင်ရွက်မယ်။ လက်မှတ်မထိုးတဲ့အဖွဲ့တွေကို အ ပြစ်တင်တာ၊ ခွဲခြားဆက်ဆံတာ၊ ဖိအားပေးတာ၊ တိုက်ခိုက်တာတွေ မလုပ်ဖို့ကိုလည်း ကျွန်တော်တို့က လူသိရှင်ကြားပြောသွားမယ်။ မင်း ကိုနိုင်မထိုးသေးတာလည်း အား လုံးပါဝင်တဲ့ဖြစ်စဉ်ပေါ်ပေါက်လာ ဖို့အတွက် ဆုံးဖြတ်ချက်တစ်ခုဖြစ် ပါတယ်။

၈၈ က သက်သေအဖြစ်ပါဝင်မယ့် အပေါ်မှာ ဝေဖန်တာတွေ၊ နားလည်မှုလွဲမှားသွားစေနိုင်မှာတွေရှိ လာမယ်ဆိုရင် ဦးကိုကိုကြီးတို့အနေနဲ့ ဘယ်လိုများပြင်ဆင်ထားပါသလဲ။

သေနတ်သံတွေရပ်သွားဖို့၊ ဒေသခံပြည်သူတွေ လုံလုံခြုံခြုံနဲ့ နေထိုင်စားသောက်ဖို့လုပ်ငန်းစဉ် မှာ ပါဝင်ဆောင်ရွက်ခြင်းနဲ့ပတ် သက်လို့ ကျွန်တော်တို့အမြဲတမ်း လိပ်ပြာသန့်ပါတယ်။ အခုလိုမျိုး ရှစ်ဖွဲ့ရေးထိုးတဲ့ အပစ်ရပ်စာချုပ် မတိုင်ခင်မှာ ABSDFနဲ့ ချုပ်တဲ့ အ ပစ်ရပ်စာချုပ်မှာလည်း ကျွန်တော် တို့အသိသက်သေအဖြစ်နဲ့ လက် မှတ်ရေးထိုးခဲ့ပါတယ်။ တစ်ဖွဲ့ချင်း နဲ့လုပ်တဲ့ သဘောတူစာချုပ်မှာ တောင်မှ ကျွန်တော်တို့အသိသက် သေအနေနဲ့ လက်မှတ်ရေးထိုးခဲ့ တာ။ အခုရှစ်ဖွဲ့ပါတဲ့ စာချုပ်သ ဘောတူညီချက်မှာ လက်မှတ်ရေး ထိုးရတာ တိုးတက်မှုတစ်ခုလို့မြင် တယ်။ သို့သော် ဒါကပြည့်စုံတဲ့စာ ချုပ်တော့မဟုတ်သေးဘူး။ အား လုံးပါဝင်တဲ့ အဆင့်ရောက်အောင် ဆက်ပြီး ကြိုးပမ်းသွားနိုင်မယ်လို့ အခိုင်အမာပြောလိုပါတယ်။

သက်သေအဖြစ်ပါဝင်ဖို့ကို အစိုးရ က ကမ်းလှမ်းတာလား။ ဦးကိုကို ကြီးတို့ရပ်တည်ချက်အရ ဆုံးဖြတ် တာလား။

ဘယ်သူတွေကို အသိသက် သေအဖြစ် ဖိတ်မယ်ဆိုတာကို တိုင်းရင်းသားလက်နက်ကိုင်အဖွဲ့ နဲ့ အစိုးရဘက်တို့ ပူးပေါင်းထားတဲ့ အဖွဲ့က စီစဉ်တာပါ။ လက်မှတ် ရေးထိုးတဲ့အခမ်းအနားမှာ ဖိတ်ကြားမှုကနေ ပြင်ဆင်တာတွေအထိ နှစ်ဖက်ပူးပေါင်းအဖွဲ့က ဖိတ် ကြားတာပါ။ အစိုးရက ဖိတ်တာမ ဟုတ်ပါဘူး။ နှစ်ဖက်သဘောတူ ညှိနှိုင်းဆုံးဖြတ်ပြီးတော့မှ ဘယ်သူ တွေကို ဖိတ်ကြားမယ်ဆိုတာကို ဆုံးဖြတ်တာဖြစ်ပါတယ်။

လက်မှတ်ရေးထိုးပြီးနောက် တိုက်ပွဲ ပြန်ဖြစ်ခဲ့ရင် စောင့်ကြည့်လေ့လာမယ့်သူတွေအနေနဲ့ ဖြစ်စဉ်အမှန်ကို ထုတ်ဖော်ပြောကြားနိုင်ဖို့၊ တိုက်ပွဲဖြစ်ရတဲ့အကြောင်းကို အမှန်အတိုင်းသိနိုင်ဖို့ စိန်ခေါ်မှုတွေရှိနိုင်ပါသလား။

စိန်ခေါ်မှုတွေ ဆက်ရှိနိုင် တယ်ဆိုရင် ကျွန်တော်တို့လက်ခံ ထားပြီးသားပါ။ နိုင်ငံတကာမှာ လည်း အပစ်အခတ်ရပ်စဲရေးလုပ် ပြီးတော့ တိုက်ပွဲတွေဆက်ဖြစ်နေ တာတွေ ကျွန်တော်တို့လေ့လာရ တယ်။ သို့သော်အပစ်ရပ်မတိုင်ခင် တိုက်ပွဲဖြစ်တာကို ထိန်းချုပ်နိုင်တဲ့ စနစ်တစ်ခုမရှိခဲ့ဘူး။ အပစ်အခတ် ရပ်စဲရေးစာချုပ်ချုပ်ပြီးတော့ ထိ တွေ့မှုတွေ၊ တိုက်ခိုက်မှုတွေဖြစ် တယ်ဆိုရင် ကျွန်တော်တို့ကဘယ် သူက ချိုးဖောက်သလဲ၊ ဘာ ကြောင့်ပစ်ခတ်မှုတွေဖြစ်သလဲဆို တာ ဖော်ထုတ်နိုင်တဲ့လုပ်ငန်းစဉ် တစ်ခုပေါ်လာတယ်။ မီဒီယာပွင့် လင်းလာတဲ့ ခေတ်မှာ နယ်စပ်ဒေ သမှာဖြစ်နေတဲ့ တိုက်ပွဲသတင်း တွေလည်း ကျွန်တော်တို့ လူမှုကွန် ရက်မှာ ပုံနှိပ်မီဒီယာတွေမှာဖော်ပြ နေတာဆိုတော့ နည်းပညာတိုး တက်လာတဲ့ခေတ်မှာ ဆိတ်ကွယ် ရာမရှိပါဘူး။ ကျွန်တော်တို့စောင့် ကြည့်လေ့လာတဲ့စနစ်မှာ ဘယ် လောက်တက်တက်ကြွကြွဆောင် ရွက်တယ်ဆိုတဲ့အပေါ်မှာပဲ မူတည်ပါတယ်။

ငြိမ်ချမ်းရေးဆွေးနွေးပွဲတွေနဲ့ပတ် သက်လို့ရှိရင် ဒီအစိုးရလက်ထက် မှာ လုပ်မှရမယ်။ ပြီးပြတ်မယ်ပေါ့။ နောက်အစိုးရလက်ထက်ကျမှဆို ရင်တော့ အသစ်ကနေ ပြန်စလုပ် ရမယ်ဆိုတာမျိုးပြောကြားချက် တွေအပေါ်မှာ အကျပ်ကိုင်မှုတစ် ခုလို့ တိုင်းရင်းသားတချို့က ထင် မြင်လာတာရှိနေတော့ ဒါကငြိမ်း ချမ်းရေးဖြစ်စဉ်မှာသွားပြီး သက် ရောက်မှုရှိနိုင်မလား။

ကျွန်တော်တို့ သတိထား ကြည့်ဖို့က အခုငြိမ်းချမ်းရေးဖြစ် စဉ်ကို အခုလက်မှတ်ရေးထိုးလိုက်ပြီးတော့ လွှတ်တော်က တရားဝင်ဆုံးဖြတ်အတည်ပြုလိုက်ပြီဆိုရင် နောက်အစိုးရက ဆက်လုပ်ဖို့လမ်း စပေါ်သွားပြီပေါ့။ နောက်အစိုးရ လက်ထက်မှာ စလုပ်မယ်ဆိုရင် လည်း နောက်အစိုးရဘယ်လိုပုံစံ ဖြစ်လာမလဲ ကျွန်တော်တို့မသိသေးဘူး။ နောက်တစ်ခု ငြိမ်းချမ်းရေးဖြစ်စဉ်ခိုင်ခိုင်မာမာဖြစ်သွားပြီဆိုရင် ပထမဆုံးအကျိုးခံစားရမှာက စစ်ဘေးဒဏ်ခံနေရတဲ့ ပြည်သူ တွေပဲ။ ဒါကြောင့်မို့လည်း ကျွန် တော်တို့က ဒီအပစ်ရပ်စဲရေးကို အားလုံးပါဝင်တဲ့ အပစ်ရပ်ရေးဖြစ် စေချင်တယ်။ ဖြစ်ဖို့လည်း ကြိုးစား ခဲ့တယ်။ အဲဒီတော့ အားလုံးပါဝင် တဲ့ဖြစ်စဉ်မဖြစ်ခင်မှာ ကျွန်တော် တို့အသိသက်သေအနေနဲ့ လက် မှတ်ထိုးဖို့ ကိစ္စပေါ်လာတယ်။ အဲ ဒီလိုပေါ်လာတဲ့အခါမှာ ၈၈မျိုး ဆက်အနေနဲ့ အသိသက်သေအ ဖြစ်နဲ့ လက်မှတ်ရေးထိုးဖို့ကိစ္စအဖွဲ့အစည်းအနေနဲ့ဆုံးဖြတ်ခဲ့တယ်။ဒါပေမဲ့ တစ်ချိန်တည်းမှာပဲ ကျန်ရှိနေတဲ့ အဖွဲ့အစည်းတွေဆက်လက်ပြီး လက်မှတ်ရေးထိုးနိုင်ဖို့အတွက်၊ အားလုံးပါဝင်တဲ့ဖြစ်စဉ်ပေါ်ပေါက်ဖို့အတွက် ကျွန်တော်နဲ့ ကိုမြအေးနှစ်ယောက်ပဲ အသိသက်သေအဖြစ် လက်မှတ်ထိုးမယ်။ မင်းကိုနိုင်မထိုးသေးဘူးဆိုတာက အားလုံးပါဝင်တဲ့အဆင့်ကျရင် မင်းကိုနိုင်ပါ ပါဝင်ပြီးတော့ ရေးထိုးမယ်။ ဒီအတောအတွင်းမှာလည်းလက်မှတ်ထိုးပြီး ကျန်ရှိနေတဲ့အဖွဲ့တွေကို ခွဲခြားဆက်ဆံတာမျိုး၊ ထိုးစစ်ဆင်တာမျိုးမဖြစ်ဖို့၊ ဒီအဖွဲ့အစည်းတွေဆက်လက်ပါဝင်နိုင်အောင်ကြိုးစားဖို့ဆိုတာကိုလည်းဆက်ပြီး တိုက်တွန်းသွားမယ်။

ဒေါ်အောင်ဆန်းစုကြည်ကတော့ NCAမှာ သက်သေအဖြစ်ပါဝင်ဖို့ ဆိုရင် တိုင်းရင်းသားတွေအားလုံး ပါမှ လက်မှတ်ရေးထိုးသင့်တယ် လို့ ယုံကြည်တယ်လို့ဆိုထားတော့ အခုအသိသက်သေအဖြစ်ပါဝင် မယ့် ၈၈ရဲ့ သဘောထားက မိတ် ဖက်အဖွဲ့အစည်းနဲ့ မတိုက်ဆိုင်မှု ဖြစ်နေတာကကော ဘာကြောင့်ပါလဲ။

လူပုဂ္ဂိုလ်အဖွဲ့အစည်းတစ်ခု ရဲ့ ဆုံးဖြတ်ချက်ကိုတော့ ကျွန် တော်တို့က ဘာမှ မှတ်ချက်ပေးစ ရာမရှိပါဘူး။ ကျွန်တော်တို့အနေနဲ့ စဉ်းစားတဲ့အခါကျတော့ မထိုးရင် ထိုးတဲ့သူတွေကို အသိအမှတ်မပြု သလိုမျိုးဖြစ်နေမလားတစ်ဖက်က စဉ်းစားတယ်။ ထိုးလိုက်ပြန်ရင် ကော မထိုးဘဲကျန်နေတဲ့သူတွေကို လျစ်လျူရှုပြီးတော့ လက်မှတ်ထိုး တာလားဆိုတဲ့ကိစ္စရှိတယ်။ လက် မှတ်ထိုးတဲ့သူတွေအနေနဲ့ လက် မှတ်ရေးထိုးလိုက်တဲ့ အချက်အ လက်တွေကို အတတ်နိုင်ဆုံးခိုင်လုံ အောင် နိုင်ငံတကာအသိသက် သေ၊ ပြည်တွင်းအသိသက်သေတွေအနေနဲ့ နှစ်ဖက်က လိုက်နာအောင်၊ တကယ်လို့ချိုးဖောက်ခဲ့ရင်လည်း ချိုးဖောက်ခဲ့တယ်ဆိုတာကို ကျွန်တော်တို့က အသိသက်သေအဖြစ်နဲ့ ရပ်တည်နိုင်ဖို့အတွက် စဉ်းစားခဲ့တာ။  တစ်ချိန်တည်းမှာပဲ မထိုးတဲ့အဖွဲ့အစည်းတွေကို ခွဲခြားဆက်ဆံတာမျိုး၊ ဖိအားပေးတာမျိုး၊ ထိုးစစ်ဆင်တာမျိုးမဖြစ်အောင်လည်း ဒီဖြစ်စဉ်ထဲမှာ ပါဝင်ခြင်းအားဖြင့် ကျွန်တော်တို့က တိုက်တွန်းတာ၊ အကြံပေးတာတွေဆက်ပြီး ဆောင်ရွက်နိုင်တယ်လို့မြင်တယ်။ ဒါကြောင့် ဒီအခြေအနေမှာ ထိုးရင်လည်း မထိုးတဲ့သူတွေကို ခွဲခြားဆက်ဆံတာမျိုး အဓိပ္ပာယ်ဖြစ်မသွားအောင် မထိုးပြန်ရင်လည်းထိုးတဲ့သူတွေက အားလုံးမပါဝင်ဘဲ လက်မှတ်ရေးထိုးရသလားလို့ အပြစ်တင်တာမျိုးမဖြစ်ရလေအောင် ကျွန်တော်တို့က အဓိကဂရုစိုက်ပြီး ဒီဖြစ်စဉ်အားကောင်းလာအောင်နဲ့ အားလုံးပါဝင်နိုင်ရေးဦးတည်ချက်ကို ရောက်ရှိအောင် အခုထိဆုံးဖြတ်ခဲ့တာဖြစ်တယ်။

၈၈ အဖွဲ့အစည်းအနေနဲ့မြေပြင် မှာ စစ်ဒဏ်ခံနေရတဲ့ စစ်ပွဲအတွင်း က ပြည်သူတွေနဲ့ ကွင်းဆင်းလေ့ လာထိတွေ့မှုတွေလည်းရှိထား တော့ အပေါ်ပိုင်းက လုပ်နေတဲ့ငြိမ်းချမ်းရေးဖြစ်စဉ်အပေါ် သူတို့ ယုံကြည်မျှော်လင့်ချက်က ဘယ်လောက်အတိုင်းအတာအထိရှိပါသလဲ။

NCA ကိုအောက်ခြေပြည် သူတွေပါ ကျယ်ကျယ်ပြန့်ပြန့် သိ ရှိအောင် ကျွန်တော်တို့ဆောင်ရွက်  ရမယ့်အပိုင်းပေါ့။ NCA မှာ အချိန် ကာလကန့်သတ်ချက်တွေနဲ့ အ ကောင်အထည်ဖော်ရမယ့်ကိစ္စရှိ တယ်။ ဥပမာ အပစ်အခတ်ရပ်စဲ ရေးစောင့်ကြည့်လေ့လာဖို့ စနစ် တစ်ခုထူထောင်ဖို့၊ စစ်ဘက်ဆိုင် ရာ ကျင့်ဝတ်တွေ နှစ်ဖက်လိုက်နာ ဖို့ ညှိနှိုင်းသတ်မှတ်ရမယ့် ကိစ္စ တွေရှိတယ်။ နိုင်ငံရေးမူဘောင် ဆွေးနွေးပွဲအတွက် ပြင်ဆင်ရမှာ တွေရှိတယ်။ ဥပမာ ရက်ခြောက် ဆယ်အတွင်းပေါ့။ ရက်ကိုးဆယ် ဆိုရင် နိုင်ငံရေးဆွေးနွေးပွဲတွေရှိ တယ်။ ဒါတွေက နောက်အစိုးရ လက်ထက်မှာ အကောင်အထည် ဖော်ဖို့အတွက် ပြင်ဆင်ထားတဲ့ သဘောလည်းဖြစ်မယ်။ တကယ် လေးနက်တဲ့  နိုင်ငံရေးဆွေးနွေးပွဲ တွေဟာ ဒီကာလတိုအတောအ တွင်းမှာ အကောင်အထည်ပေါ် လာဖို့ သိပ်မရှိဘူး။ ဒါကြောင့် ဘာပဲပြောပြော ကျွန်တော်တို့က ဒီဖြစ်စဉ်ကို ပေါ်ပေါက်လာစေချင်တယ်။ ဒါကြောင့်လည်း ကျွန်တော်တို့က တိုက်တွန်းနိုင်အောင် ဆောင်ရွက်သွားမှာပါ။

NCA မှာ ပါဝင်လက်မှတ်ရေးထိုး တဲ့အဖွဲ့တချို့မှာတောင် အခုထိ သူတို့ဒေသမှာမြန်မာ့တပ်မတော် အနေနဲ့ ထိုးစစ်မဆင်ဖို့၊ တပ်အင်  အားမချဲ့ဖို့ တောင်းဆိုနေရတာ တွေရှိနေတယ်။ တစ်ဖက်က NCA ထိုးဖို့လုပ်နေချိန်မှာ ဒီထိုးစစ်ဆင် တဲ့ကိစ္စတွေအပေါ်မှာ ပါဝင်မယ့်သက်သေတစ်ဦးအနေနဲ့ တပ်မတော်အပေါ် ဘယ်လိုအကြံပြု ပြောကြားလိုပါသလဲ။

အခုဟာကတော့ အပစ်အ ခတ်ရပ်စဲရေးထိုးပြီးပြီဆိုတာနဲ့ အဲ ဒီစာချုပ်ပါအချက်တွေကို လိုက် နာတယ်၊ မလိုက်နာဘူး ကျွန် တော်တို့စောင့်ကြည့်ဖို့ လုပ်ငန်း စဉ်တွေပါလာတယ်။ အဲဒီကျရင် တော့ ကျွန်တော်တို့ကပွင့်ပွင့်လင်း လင်း ထောက်ပြရတော့မယ်။ ဘယ်သူကချိုးဖောက်တယ်။ဘယ်နှခါချိုးဖောက်တယ်။ ဘယ်နေရာတွေမှာချိုးဖောက်တယ် စသည်ဖြင့် ဒါတွေကိုစောင့်ကြည့်လေ့လာတဲ့စနစ်တစ်ရပ်ပေါ်ပေါက်လာဖို့လိုတယ်။ အဓိကက ဒီဖက်ဒရယ်ပြည်ထောင်စု ထူထောင်ရေးကို အကြောင်ပြုပြီးတော့ ပြည်တွင်းစစ်ဖြစ်လာတယ်။ စစ်ရေးနည်းနဲ့ဖြေရှင်းတာ ဒီနေ့ဒီအချိန်ထိမပြေလည်ဘူး။ ဒီတော့ နိုင်ငံရေးနည်းနဲ့ ဖြေရှင်းတဲ့အဆင့် ရောက်အောင် ပထမဆုံးက အပစ်အခတ်တွေရပ်ရမယ်။ နိုင်ငံရေးဆွေးနွေးပွဲတွေပေါ်လာရမယ်။ ဆွေးနွေးပွဲကရတဲ့ရလဒ်တွေကို ဖွဲ့စည်းပုံအခြေခံဥပဒေပြင်ဆင်ခြင်း၊ ဖြည့်စွက်ခြင်း၊ ပယ်ဖျက်ခြင်း အပိုင်းတွေနဲ့ချိတ်ဆက်ပြီး ဆောင်ရွက်ရမယ်။ ဒီကျယ်ပြန့်တဲ့ဖြစ်စဉ်ကြီးမှာ ငြိမ်းချမ်းရေးဖြစ်စဉ်ကို နိုင်ငံတော်ရဲ့လုပ်ငန်းစဉ်ဖြစ်စဉ်အဖြစ် ဘက်အသီးသီးက သဘောထားဖို့လိုတယ်။ အဲဒီလိုမဟုတ်ဘဲ ဒီငြိမ်းချမ်းရေးကို ကိုယ့်အစုအဖွဲ့၊ ကိုယ့်ပါတီ အကျိုးစီးပွားအတွက် အသုံးချတာမျိုးကို ကန့်ကွက်တယ်။ ကျွန်တော်တို့ကိုယ်တိုင်ကလည်းဒါကိုနိုင်ငံ ရေး ကစားကွက်အနေနဲ့ မကြည့်ဘဲနဲ့ တကယ့်ပြည်သူတွေ ငြိမ်းချမ်းရေးကို စစ်စစ်မှန်မှန်ခံစားရဖို့ ကြိုးစား နေတယ်ဆိုတဲ့ ခံယူချက်မျိုးနဲ့ပဲ ဆောင်ရွက်ပါတယ်။ 

ဒီ NCA လက်မှတ်ရေးထိုးလိုက်နိုင်ခြင်းဟာ လာမယ့်ရွေးကောက် ပွဲအပေါ်မှာ ဘာများသက်ရောက်မှုရှိနိုင်မလဲ။ 
ကျွန်တော်ပွင့်ပွင့်လင်းလင်း ပြောရရင်တော့ ပြည်တွင်းစစ်ရဲ့ ဒဏ်ကို ပြည်တွင်းစစ်ဖြစ်နေတဲ့ နေရာက ပြည်သူတွေက ပိုပြီး တော့ လက်တွေ့ခံစားရတယ်။ ပိုပြီး အလေးအနက်ထားတယ်။ မြို့မှာ နေတဲ့ သာမန်ပြည်သူတွေ က ပြည်တွင်းစစ်ဒဏ်ကို ကိုယ့် လက်ဖဝါးပေါ်ကျတဲ့မီးလို ခံစားဖို့ လိုတယ်။ နောက်တစ်ခုက ပြည် တွင်းစစ် ဆက်ရှိနေရင် စစ်တပ်ရဲ့ အခန်းကဏ္ဍက ဆက်ပြီး ကြီး ထွားနေလိမ့်မယ်။ နောက်ဆုံး ပြည်တွင်းစစ်ကို အကြောင်းပြုပြီး တော့ စစ်တပ်က နိုင်ငံရေးထဲကို ပါလာတာ။ ကျွန်တော်တို့က ဒီမို ကရေစီကို ဖော်ဆောင်ချင်တယ် ဆိုရင်၊ စစ်တပ်ကို သူ့ရဲ့မူလတာ ဝန်နိုင်ငံတော်လုံခြုံရေးကို ပြန် သွားဖို့အတွက်ဆိုရင် ပြည်တွင်း စစ်မရှိဖို့၊ ပြည်တွင်းစစ်ချုပ်ငြိမ်းဖို့ လိုတယ်။ စစ်တပ်ကို သူ့ရဲ့လူမှန်  နေရာမှန်ရောက်အောင် ပြန်ပို့ဖို့ လိုတယ်။ ဒါ အခြေခံကျတဲ့စဉ်း စားချက်ပဲ။ ပြည်တွင်းစစ်ရှိနေ သမျှ ကာလပတ်လုံး စစ်တပ်ရဲ့ အခန်းကဏ္ဍကြီးနေမှာပဲ။ ပြည် တွင်း ငြိမ်းချမ်းရေးကိစ္စဟာအစိုးရ တစ်ဖွဲ့၊ ပါတီတစ်ခုရဲ့ နိုင်ငံရေး ကစားကွက်ဆိုတာထက် ကျွန် တော်တို့နိုင်ငံရဲ့ စစ်ဘက်- အရပ်ဘက်ဆက်ဆံရေးကို ပုံမှန် ရောက်အောင်ကြိုးစားတဲ့ ဖြစ်စဉ်၊ ဒီမိုကရေစီပေါ်ထွန်းရေးဖြစ်စဉ်လို့ပဲမြင်တယ်။

ပြည်တွင်းငြိမ်းချမ်းရေးဖြစ်စဉ်မှာ တစ်ဖက်အင်အားကြီးနိုင်ငံရဲ့ စွက်ဖက်မှုတွေရှိနေတယ်လို့ ဝေဖန် သုံးသပ်ပြောကြားမှုတွေလည်းရှိ ပါတယ်။ NCAရေးထိုးပြီးနောက်မှာ ဒီအိမ်နီးချင်းနိုင်ငံရဲ့အနေအထားက ပြည်တွင်းငြိမ်းချမ်းရေးမှာ ဘယ်လိုပုံစံဖြစ်သွားနိုင်မယ်လို့ မြင်ပါသလဲ။

တကယ်တော့ လူဦးရေ သန်း ထောင်ချီတဲ့ နိုင်ငံကြီးနှစ်ခုကြား မှာ ကျွန်တော်တို့ နိုင်ငံတည်နေရာ က ရှိနေတာ။ စစ်အေးကာလပြီးတဲ့ နောက် ဒေသတွင်း နိုင်ငံရေး၊ ကမ္ဘာ့နိုင်ငံရေးပုံစံပြောင်းလာတာ ရှိတယ်။ ပထဝီနိုင်ငံရေး သက် ရောက်မှုကတော့ ကျွန်တော်တို့လို နိုင်ငံငယ်လေးပေါ်မှာ သက် ရောက်မှုရှိတာပေါ့။ ကျွန်တော်တို့ က ကိုယ့်ရဲ့ မိသားစုဝင်တွေအ ချင်းချင်းကြားမှာပဲ နားလည်မှုရှိရှိ အဖြေရှာရမယ်။ မဟုတ်ရင်ဘယ် သူ့အုပ်စုဘယ်ဝါ့အုပ်စုဆိုပြီးစွပ်စွဲ တွန်းပို့လိုက်တာမျိုးမဖြစ်အောင် သတိထားရမယ်။အခုမရေးထိုးနိုင်သေးတဲ့ အဖွဲ့တွေဆိုလည်း မိသားစုဝင်တစ်ယောက်  စိတ်အခန့် မသင့်လို့ မထိုးနိုင်သေးဘူးလို့ သဘောထားပြီး စည်းရုံးသွားရမယ်။ နားလည်မှုတည်ဆောက်သွားရမယ်လို့ မြင်တယ်။

ဖြည့်စွက်ပြီး ပြောချင်တာရှိရင် ပြောပေးပါဦး။

ငြိမ်းချမ်းရေးဖြစ်စဉ် အာမခံ ချက်မရှိဘဲနဲ့ ဒီနိုင်ငံမှာ ဒီမိုကရေစီ ဖော်ဆောင်ဖို့ ဖွံ့ဖြိုးရေးတွေလုပ် ဖို့ဆိုတာ မလွယ်ဘူးလို့ မြင်တယ်။ ငြိမ်းချမ်းရေးဟာ ဒီမိုကရေစီရေး ဖြစ်စဉ်နဲ့ အလားတူအရေးတကြီး အာရုံစိုက်ရမယ့် ကိစ္စလို့မြင်ပါ တယ်။ အပစ်အခတ်ရပ်စဲရေးကိစ္စ ပဲဖြစ်ဖြစ်၊ ရွေးကောက်ပွဲကိစ္စပဲဖြစ် ဖြစ်၊ ဖွံ့ဖြိုးရေးကိစ္စပဲဖြစ်ဖြစ် ဆောင်ရွက်ကြတယ်ဆိုတာဟာ အကျိုးစီးပွားတချို့အတွက်ဆို တာ ကျွန်တော်တို့မသိလို့ မဟုတ် ဘူး။ သိပါတယ်။ နိုင်ငံရေးမှာ လူ သိရှင်ကြားပြောထားတဲ့ ရည်ရွယ် ချက်တွေအပြင် သီးခြားကိုယ်ကျိုး စီးပွားတွေ ပါပါတယ်။ ဘာ ကြောင့်လဲဆိုတော့ လူသားတွေ ဖြစ်နေလို့။ ကျွန်တော်တို့ အခု အသိသက်သေအဖြစ် လက်မှတ် ထိုးတဲ့ကိစ္စကလည်း နိုင်ငံရေးရည် ရွယ်ချက်တွေပါတယ်ဆိုတာကို ကျွန်တော်တို့ ကောင်းကောင်းသိ ပါတယ်။ အသိသက်သေအဖြစ် လက်မှတ်ရေးထိုးဖို့ ဆုံးဖြတ်ခြင်းဟာ ဖြစ်နေတဲ့ အဖွဲ့အစည်းတစ်ခုချင်းစီရဲ့ ရည်ရွယ်ချက်တွေ အကျိုးစီးပွားတွေကို မသိလို့မဟုတ်ပါဘူး။ သိတယ်။ ဒါပေမဲ့ ဦးတည်ချက်ဟာ စစ်ဒဏ်ခံနေရတဲ့ ပြည်သူတွေ လက်တွေ့ အကျိုးခံစားရဖို့ဆိုတာ ကို ဦးတည်ပြီး ဆုံးဖြတ်ခဲ့တာဖြစ်ပါတယ်။

ကျေးဇူးတင်ပါတယ်။
7Day News Journal

No comments:

Post a Comment

My Blog List