မြန်မာ့အရေးကျွမ်းကျင်သူ ဘာတေးလ်လင့်တနာနှင့်တွေ့ဆုံခြင်း

ဘာတေးလ်လင့်တနာကို မြန်မာနိုင်ငံနှင့်ပတ်သက်လျှင် သြဇာအရှိဆုံးအနောက်တိုင်း အသံတစ်သံအဖြစ် နိုင်ငံတကာအသိုက်အ၀န်းက အသိအမှတ်ပြုထားသည်။ ဆွီဒင်သတင်းစာဆရာ ဘာတေးလ်သည် မြန်မာ့နိုင်ငံအ ရေး၊ တိုင်းရင်းသားလက်နက်ကိုင် အရေးတို့နှင့်ပတ်သက်၍ နာမည်ကျော် စာအုပ်များ ရေးသားထားပြီး နိုင်ငံတကာ သတင်းဌာနများတွင် မြန်မာ့အရေးဆောင်းပါးများစွာ ရေးသားလျက်ရှိသည်။ မြန်မာ့အရေးကျွမ်းကျင်သူ ဘာတေးလ် လင့်တနာကို လက်ရှိမြန်မာ့နိုင်ငံရေးအခြေအနေနှင့် ပတ်သက်၍ 7Day News က ဆက်သွယ်မေးမြန်းထားသည်များမှ အချို့ကို ကောက်နုတ်ဖော်ပြလိုက်ပါသည်။

လက်ရှိအစိုးရရဲ့ ရွေးကောက်ပွဲ မဟာဗျူဟာကို ဘယ်လိုများမြင်ပါသလဲ။

‘‘NLD ကို ထောက်ခံမှုအား နည်းသွားအောင်လို့ ‘မွတ်စလင် ဖဲချပ်’ရယ်၊ အားကောင်းတဲ့ အမျိုး သားရေးစိတ်ဓာတ်ပြင်းထန်တဲ့ ဖဲ ချပ်ရယ်ကို ပြည်ခိုင်ဖြိုးက ကစား နေတယ်လို့မြင်တယ်။ ဒီကစား ကွက်က အလုပ်ဖြစ်မလား၊မဖြစ် ဘူးလားဆိုတာက ပြောဖို့မဖြစ်နိုင် ဘူး။ ဒါပေမဲ့ အဲဒါက အန္တရာယ်ရှိ တဲ့ ကစားနည်းတစ်ခုပဲ။ ဘာ ကြောင့်လဲဆိုတော့ နိုင်ငံအနှံ့မှာ မွတ်စလင်အမျိုးအစား အများ ကြီးရှိပြီးအဲဒီအထဲက အများစုဟာ မြန်မာနိုင်ငံသားတွေ ဖြစ်ကြ တယ်။ တခြားနိုင်ငံကလာတဲ့ တ ရားမ၀င်တွေမဟုတ်ဘူး။ စိတ်ဝင် စားဖို့အကောင်းဆုံးအချိန်က ရွေး ကောက်ပွဲနေ့မဟုတ်ဘဲ ရွေး ကောက်ပွဲပြီး တစ်လ(ဒါမှမဟုတ်) နှစ်လအချိန်ပါ။ ရွေးကောက်ပွဲ ရ လဒ်အပေါ်မူတည်ပြီး လက်ရှိအစိုး ရအဖွဲ့ သူတို့အာဏာဆက်ရှိနေဖို့ သုံးမယ့် မဟာဗျူဟာကိုကျွန်တော် တို့မြင်ရမယ့်အချိန်ပေါ့။

လက်ရှိသမ္မတဦးသိန်းစိန်ကိုလွှတ် တော်အသစ်မှာ တပ်မတော်၊ပြည် ခိုင်ဖြိုးနဲ့ သူတို့ရဲ့မဟာမိတ်တချို့ ကနေပြီး သမ္မတအဖြစ်ထပ်မံခန့် အပ်တာဝန်ပေးလာမယ်ဆိုရင် အဲ ဒါက မြန်မာနိုင်ငံရယ်၊ ပြည်သူလူ ထုရယ်၊ အတိုက်အခံရယ်နဲ့ တိုင်း  ရင်းသားလူမျိုးတွေအတွက် ဘယ် လိုအဓိပ္ပာယ်ဖြစ်သွားမလဲ။

 တပ်မတော်ဟာနိုင်ငံရေး အင်အားအကြီးဆုံးနဲ့ အရေးပါဆုံး အဖွဲ့အစည်းကြီးအဖြစ် ဆက်လက် တည်ရှိနေမယ်။ အထူးသဖြင့်ဗဟို အစိုးရနဲ့ တိုင်းရင်းသားလူနည်းစု တွေကြားက ဆက်ဆံရေးနဲ့ပတ် သက်လာရင်ပေါ့။ နောက်ပြီးဘယ် သူသမ္မတလဲဆိုတာထက် တပ်မ တော်ရဲ့အာဏာက ပိုအရေးပါ တယ်။

အစိုးရနဲ့တပ်မတော်ဟာ ဖွဲ့စည်း ပုံအခြေခံဥပဒေပြင်ဆင်ရေးထက် ငြိမ်းချမ်းရေးလုပ်ငန်းစဉ်ကို ပိုလို လားတယ်လို့ သမ္မတနဲ့နီးစပ်တဲ့ ပညာရှင်တစ်ယောက်ကရေးထား တာရှိပါတယ်။  နိုင်ငံရေးမှာတပ်မ တော်က အရေးပါတဲ့အခန်းကဏ္ဍ မှာ ပါဝင်နေမှုကနေ နောက်ဆုတ် ပေးဖို့ဆိုတာဟာ ပြည်တွင်းလက် နက်ကိုင်ပဋိပက္ခတည်ငြိမ်မှုနဲ့ ဆက်စပ်နေတယ်လို့  ဗိုလ်ချုပ်မှူး ကြီးမင်းအောင်လှိုင်က   အင်တာ ဗျူးတစ်ခုမှာ  ဖြေခဲ့ဖူးတယ်။  တပ် မတော်အနေနဲ့  တိုင်းရင်းသား လက်နက်ကိုင်အဖွဲ့တွေနဲ့  ငြိမ်း ချမ်းရေးနဲ့ တည်ငြိမ်မှုတကယ်ဖော် ဆောင်မယ်လို့ ထင်ပါသလား။

 အဲဒါကပြဿနာကိုအင်မ တန်ထူးဆန်းတဲ့နည်းနဲ့ ရှုမြင်မှု တစ်ခုပဲ။ အဓိကက အခြေခံကျတဲ့ ဖွဲ့စည်းပုံအခြေခံဥပဒေဆိုင်ရာ အ ပြောင်းအလဲတွေမလုပ်ဘဲ ငြိမ်း ချမ်းရေးလုပ်ငန်းစဉ်ဟာ မအောင် မြင်နိုင်ဘူး။ အဲဒါကတစ်ဖက်နဲ့ တစ်ဖက်ပစ်ခတ်နေကြတဲ့ အစိုးရတပ်မတော်နဲ့ တိုင်းရင်းသားလက်နက်ကိုင်အဖွဲ့တွေရဲ့ ပုစ္ဆာတစ်ခု လောက်တင်မဟုတ်ဘူး။အဲဒါဟာ နိုင်ငံရေးအရ ဖြေရှင်းမှုလိုအပ်တဲ့ နိုင်ငံရေးပြဿနာတစ်ရပ်ပါ။

အဲဒါက ဖွဲ့စည်းပုံအခြေခံ ဥပဒေအသစ်တစ်ခုကို ဆိုလိုတာ။ အရင်စနစ်ဟောင်းကို ဖက်ဒရယ် စနစ်ပုံစံတစ်ခုခုက အစားမထိုးဘဲ နဲ့ ဘာငြိမ်းချမ်းရေးနဲ့တည်ငြိမ်မှုကိုမှ မရနိုင်ဘူး။ ဒါက ဖွဲ့စည်းပုံ အခြေခံဥပဒေကို ပြန်လည်ရေးဆွဲ ရေးဆိုတဲ့အဓိပ္ပာယ်ပဲ။

တိုင်းရင်းသားလူမျိုးတွေအနေနဲ့ ဖက်ဒရယ်ရရှိရေးဆိုတဲ့ သူတို့ရဲ့ တရားဝင်ပန်းတိုင်ကို ရဖို့ တခြား ဘာနည်းလမ်းတွေ (ဒါမှမဟုတ်) ချည်းကပ်နည်းတွေရှိသေးလဲ။ ဖက်ဒရယ်အတွက် အာမခံချက် ကောတွေ့ရရဲ့လား။ နောက်ပြီး ဘယ်လိုဖက်ဒရယ်ပုံစံမျိုးကို သူ တို့ပြောနေကြတာလဲ။

ဒီမှာပြဿနာက တိုင်းရင်း သားအဖွဲ့အများစုဟာ ဘယ်လို ဖက်ဒရယ်စနစ်ပုံစံမျိုးကို သူတို့လို ချင်တယ်ဆိုတာကို တိတိကျကျ ရှင်းလင်းခြင်းမရှိဘဲနဲ့ ဖက်ဒရယ် ၀ါဒကိုတောင်းနေကြတာပဲ။ နိုင်ငံ တကာအသိုက်အ၀န်းအနေနဲ့ငြိမ်း ချမ်းရေးလုပ်ငန်းစဉ်ကို ထိထိ ရောက်ရောက် ကူညီထောက်ပံ့ချင် တယ်ဆိုရင် (ဘယ်လိုမှ ဦးတည် ဖြစ်မြောက်လာမှာမဟုတ်တဲ့)အ  ပစ်အခတ်ရပ်စဲရေးသဘောတူညီ ချက်တစ်ခုလေးဖြစ်ရေးအတွက် ပိုက်ဆံတွေဖြုန်းနေတာကို ရပ် သင့်တယ်။ လူမျိုးကြီး ဒါမှမဟုတ် လူနည်းစု လူဦးရေဆိုတာတွေ ထည့်မတွက်ဘဲ မြန်မာပြည်သူလူ ထုအားလုံး ဖက်ဒရယ်ဝါဒအမျိုး မျိုးကို လေ့လာဖို့ ကူညီသင့်တယ်။ အလုပ်ဖြစ်မယ့် စံပြပုံစံတစ်ရပ်၊ နိုင်ငံတစ်ဝန်းလုံးအနေနဲ့အားနည်း စေမှာထက် ခွန်အားကောင်းလာ စေမယ့် စံပြဖက်ဒရယ်ပုံစံတစ်ရပ် ရှာဖွေဖို့ဆိုတဲ့ ရည်ရွယ်ချက်နဲ့ပေါ့။

တစ်နိုင်ငံလုံးပစ်ခတ်တိုက်ခိုက်မှု ရပ်စဲရေးစာချုပ်(NCA)ကိုအောက်တိုဘာ ၁၅ ရက်မှာ လက်မှတ်ထိုးမယ်လို့ အစိုးရက ကြေညာခဲ့ တယ်။ အစိုးရနဲ့ တိုင်းရင်းသား လက်နက်ကိုင်အဖွဲ့ ရှစ်ဖွဲ့ပဲလက် မှတ်ထိုးပြီး တခြားတိုင်းရင်းသား လက်နက်ကိုင်အဖွဲ့တွေ လက် မှတ်မထိုးဘဲကျန်ရင် ဘယ်လိုဖြစ် လာမယ်ထင်ပါသလဲ။

အဲဒါက မြန်မာ့ငြိမ်းချမ်းရေး စင်တာအပေါ် အများယုံကြည် လက်ခံမှုနည်းနည်းပဲ ကျန်တော့ တာကို အဖတ်ဆယ်ဖို့အတွက် လောက်ပဲ။ ၂ နှစ်ကျော် ဆွေးနွေးပွဲ တွေလုပ်ပြီး အထူးသဖြင့် ဥရောပ သမဂ္ဂက အထောက်အပံ့ ယူရို သန်းချီသုံးပြီး နောက်မှာတစ်ခုခု တော့ အောင် မြင်ခဲ့ပါတယ်ဆိုတာ ကိုပြရမယ်။ ဒီတိုင်းရင်းသား လက်နက်ကိုင် ရှစ်ဖွဲ့ကိုကြည့်ပါ ဦး။ ကရင်အမျိုး သားအစည်းအရုံး (KNU) နဲ့ ရှမ်းပြည်ပြန်လည်ထူ ထောင်ရေးကောင်စီ (ရှမ်းပြည် တပ်မတော်တောင်ပိုင်း) (RCSS/ SSA) နှစ်ခုပဲ စစ်မှန်တဲ့လက်နက် ကိုင်တော်လှန်ရေးအဖွဲ့ဟောင်း တွေလို့ သတ်မှတ်နိုင်ပါတယ်။ DKBA (ဒီမိုကရေစီအကျိုးပြုကရင် အမျိုးသားတပ်မတော်)ဆိုတာက ၁၉၉၀  ခုနှစ်များတုန်းက KNU ဆီ ကနေ ခွဲထွက်ခဲ့ပြီးကတည်းက အစိုးရဘက်မှာပြည်သူ့စစ်အဖွဲ့ဖြစ် ထားပြီးသားပါ။ တတိယမြောက် ကရင်အဖွဲ့ခွဲကလည်း သေးငယ် ပြီးမထင်ရှားပါဘူး။လက်နက်ကိုင် အ ဖွဲ့တစ်ခုထက် အရပ်ဘက်လူမှု အ ဖွဲ့အစည်းတစ်ခု အနေအထား ပိုရှိပါတယ်။ ABSDF ဟာ ၁၉၉၀ ခုနှစ်များကတည်းက လက်ခံတွက်ချက်စရာ တိုက်ခိုက်ရေးအင်အား မရှိပါဘူး။ ချင်းအမျိုးသားတပ်ဦး ကလည်း သေးငယ်ပြီး အဓိကအား ဖြင့် လက်နက်မကိုင်တဲ့အဖွဲ့တစ်ခု ပါ။ ရခိုင်လွတ်မြောက်ရေးပါတီက တော့ ရခိုင်ပြည်နယ်မှာ မမြင်ရတဲ့၊ မရှိတဲ့ အဖွဲ့လေးတစ်ခုပါ။ သူ့မှာ ထိုင်းနယ်စပ်အနီး KNU ဒေသထဲ မှာ နေနေတဲ့ လူတစ်ဒါဇင်သာသာ ပဲပါတယ်။ ပအိုဝ်းအမျိုးသားလွတ် မြောက်ရေးအဖွဲ့ချုပ် (PNLO) ဆို တာ ထိုင်းနိုင်ငံ ချင်းမိုင်မှာ နေနေ တဲ့ ခွန်ဥက္ကာက ဦးဆောင်ခဲ့တဲ့တစ် ကိုယ်တော် oneman show ပဲ။ (အဓိက ပအိုဝ်းလက်နက်ကိုင်အ ဖွဲ့ PN0/PNA ၁၉၉၁ ဧပြီလမှာ အစိုးရနဲ့အပစ်အခတ်ရပ်စဲရေး သ ဘောတူပြီးနောက်မှာ ခွန်ဥက္ကာက PNLO ကို တည်ထောင်ခဲ့တာ။) မြန်မာနိုင်ငံရဲ့ အင်အားအတောင့် တင်းဆုံးလက်နက်ကိုင်အဖွဲ့တွေ ထဲက ဘယ်အဖွဲ့ကမှအခုသဘော တူညီချက်ကို လက်မှတ်မထိုးကြ ဘူး။ ကချင်လွတ်မြောက်ရေးတပ် မတော်၊ ရှမ်းပြည်တပ်မတော် (မြောက်ပိုင်း)၊ တအာင်န်း(ပလောင်)အမျိုးသားလွတ်မြောက် ရေးတပ်မတော်၊ မြန်မာအမျိုးသား ဒီမိုကရက်တစ်မဟာမိတ်တပ်မ တော်(ကိုးကန့်)၊ အမျိုးသားဒီမိုက ရက်တစ် မဟာမိတ်တပ်မတော်- ရှမ်းပြည်အရှေ့ပိုင်း(မိုင်းလား)နဲ့ အထူးသဖြင့် လက်ရှိနိုင်ငံမှာ အင် အားအကြီးဆုံးနဲ့ လက်နက်တပ် ဆင်မှု အတောင့်တင်းဆုံး တိုင်း ရင်းသားလက်နက်ကိုင်အဖွဲ့ဖြစ် တဲ့ ‘၀’ပြည်သွေးစည်းညီညွတ်ရေး တပ်မတော်တို့တွေပေါ့။

အဲဒီတော့ စစ်ပွဲတွေရော... ဆွေးနွေးပွဲတွေရောဆိုပါတော့...။ ဆက်ဖြစ်နေကြမယ့် အလားအ လာရှိပါတယ်။ ပြီးတော့ MPCဟာ လုံးဝမအောင်မြင်ဖြစ်သွားပါပြီ။ ငြိမ်းချမ်းရေးလုပ်ငန်းစဉ်ကို လွှဲယူ ဖို့ ပိုထိရောက်တဲ့ အဖွဲ့သစ်တစ်ဖွဲ့ တည်ထောင်ရေးနဲ့ပတ်သက်ပြီး လည်း ဆွေးနွေးမှုတွေရှိပြီးသားပါ။ အခုတော့MPCဟာသူတို့မအောင် မြင်တာတွေအတွက် တရုတ်ကို အပြစ်တင်နေပုံပါပဲ။ အဲဒီအဖွဲ့ တွေဟာ လက်မှတ်မထိုးဖို့ ဖိအား ပေးခံရတယ်လို့ပြောတယ်။ ဒါပေ မဲ့ ကိစ္စရပ်က အဲဒီလောက်မရိုးစင်း ပါဘူး။ MPC ရဲ့ မအောင်မြင်မှုတွေ အတွက်တခြား  ဆင်ခြေဆင်လက် တစ်ခုလောက်ပါ။ ကိစ္စက တိုင်း ရင်းသားလက်နက်ကိုင် အဖွဲ့အ များစုက ပြဿနာတွေအတွက် အ ဖြေရှာဖို့ အရင်ဆုံး နိုင်ငံရေးဆွေး နွေးပွဲတွေလုပ်ချင်တယ်။ အဲဒါပြီး မှ နိုင်ငံရေးသဘောတူညီချက်တစ် ရပ်ကို သူတို့လက်မှတ်ထိုးနိုင်မှာ ပါ။ ဆွေးနွေးပွဲကို နောက်ကျရင် လုပ်မယ်ဆိုတဲ့ မပြတ်မသားကတိ တွေနဲ့ ‘တစ်နိုင်ငံလုံး ပစ်ခတ်တိုက် ခိုက်မှုရပ်စဲရေး’ ကို ပထမဆုံးလုပ် ရေးတောင်းဆိုတာဟာ မြင်းရှေ့ မှာလှည်းကိုထားတာ(နွားရှေ့ထွန် ကျူး)ပဲ။ အဲဒါက စစချင်းကတည်း က မအောင်မြင်ကိန်းကြုံခဲ့တာ။

လက်ရှိငြိမ်းချမ်းရေးလုပ်ငန်းစဉ်လွဲနေတယ်ဆိုရင် စစ်မှန်တဲ့ ငြိမ်းချမ်းရေးရဖို့ ဘယ်နည်းလမ်းက အကောင်းဆုံးလဲဆိုတာ အကြံပြုပေးချင်ပါသလဲ။

ပြည်သူနဲ့အထူးသဖြင့် တိုင်းရင်းသားတွေဟာ ဖက်ဒရယ်ဝါဒကို လေ့လာရလိမ့်မယ်။ ပြီးတော့နိုင်ငံစည်းလုံးမှုအားကောင်းစေမယ့် ဖက်ဒရယ် ပြည်ထောင်စုတစ်စုအတွက် အဆိုပြုချက် တစ်ရပ်ရလာမယ်။အခုထိတော့ စစ်မှန်တဲ့ ဖက်ဒရယ် ပြည်ထောင်စုဆိုတာကိုပဲ ပြောနေကြတယ်။ ဘယ်လိုပုံစံဖြစ်သင့်တယ်ဆိုတာတော့ မပြောကြဘူး။ အဲ့ဒီလို ဖက်ဒရယ် အဆိုပြုချက်ဟာ မြန်မာနိုင်ငံအတွက် ဘယ်လိုစနစ်မျိုးကအကောင်းဆုံးဖြစ်မလဲဆိုတာနဲ့ပတ်သက်လို့ ဆွေးနွေးရေး အခြေခံဖြစ်လာနိုင်တယ်။ဒါဟာ အပစ်ရပ်စဲရေး သဘောတူညီချက်တစ်ရပ်ရဲ့ နည်းစနစ်ပိုင်းဆိုင်ရာတွေဆွေးနွေးရင်းနှစ်ပေါင်းများစွာ အချိန်ကုန်နေတာထက် အများကြီးပိုအရေးပါတယ်။အပစ်ရပ်စာချုပ်ကို အချိန်မရွေးကြေညာနိုင်တယ်။စာရေးထားတဲ့ သဘောတူညီချက်ဆိုတာ မလိုပါဘူး။ သဘာဝကျတဲ့ ငြိမ်းချမ်းရေးလုပ်စဉ်မှာ နိုင်ငံရဲ့ ပြဿနာကို ဖြေရှင်းဖို့ နိုင်ငံရေးအဖြေတစ်ရပ်ကို ရှာဖွေတွေ့ရှိတဲ့ အခါမှသာ သဘောတူညီချက်ကို လက်မှတ်ရေးထိုးကြတာဖြစ်တယ်။ အဲ့ဒီအခြေခံလုပ်ထုံးလုပ်နည်းကနေ လွဲနေပြီး အောင်မြင်ရအောင် မြန်မာကခြွင်းချက်မဟုတ်ဘူး။

7Day News Journal