မိုင်းလားမဲဆန္ဒနယ်တွင် ရွေးကောက်ပွဲကျင်းပနိုင်ရန်အတွက် ကော်မရှင်မှ ကိုယ်စားလှယ်လောင်းများ စာရင်း တင်သွင်းခွင့်ပြုခဲ့သော်လည်း မိုင်းလား တာဝန်ရှိသူများက ရွေးကောက်ပွဲ ကျင်းပခွင့် မပြုနိုင်ဟုဆို ကာ ပယ်ချ ခဲ့ ကြောင်း သိရသည်။
ကျနော်တို့ပါတီ ကော်မရှင်က အဲဒီမှာ ရွေးကောက်ပွဲကျင်းပမယ်ဆိုလို့ ကိုယ်စားလှယ် လောင်းစာရင်း သွားတင်တယ် ပြီးတော့ မိုင်းလားကို သွားတော့ သူတို့အဖွဲ့တာဝန်ရှိသူတွေက လက်ခံကျင်းပပေးမှာမဟုတ် ဘူး မိုင်းလား NDAA တာဝန်ရှိသူတွေက အကြောင်းပြန်ခဲ့တယ် ဟု မိုင်းလားတွင် သွားရောက်ယှဉ်ပြိုင်ရန် စီစဉ်ခဲ့သည့် သျှမ်းတိုင်းရင်းသားများ ဒီမိုကရေစီ အဖွဲ့ချုပ် မှ ပါတီပြောခွင့်ရ ဦးစိုင်းလိတ်က ပြောသည်။
သျှမ်းပြည်အရှေ့ပိုင်း ကျိုင်းတုံခရိုင် အတွင်း ပါဝင်သည့် မိုင်းလားမြို့နယ် အားရွေးကောက်ပွဲ ကျင်းပရန် ရွေးကောက်ပွဲမဲဆန္ဒနယ်တခု အဖြစ် ရွေးကောက်ပွဲကော်မရှင်က သတ်မှတ်ထားသည်။
သို့သော် မိုင်းလား ဒေသ အမည်ရ အထူးဒေသ ၄ သည် ရွေးကောက်ပါ ကျင်းပရန် အခြေ အနေ မပြည့်စုံ ကြောင်း၊ အခြေချ ရုံးစိုက် ဖွင့်လှစ်ထား သည့်ပါတီလည်းမရှိကြောင်း၊ စည်းလုံးညီညွတ်သောငြိမ်းချမ်းရေး ပါတီ ကလည်း နိုင်ငံရေးပါတီ မဟုတ်ဘဲ တပ်ထုအားထိန်းကျောင်းသည့် ပါတီသာဖြစ်ကြောင်း … စသည့် အချက်များကြောင့် ရွေးကောက်ပွဲကျင်းပရန် အခြေအနေမပြည့်စုံသေးကြောင်း ဌာနချုပ်အရာရှိကြီးတဦးက ပြောသည်။
ကျနော်တို့ဆီမှာ ဘာပါတီမှ မရှိဘူးလေ။ ဒါ့ကြောင့်ရွေးကောက်ပွဲ လုပ်ဖို့ လည်းမဖြစ်နိုင်ဘူး။ စစ်တပ်က ဖွဲ့စည်း ထားတဲ့ပါတီ ကလည်း ရွေးကောက် ပွဲအတွက် မဟုတ်ဘူးလေး။ ဒါ့ကြောင့်ဒီမှာက နိုင်ငံရေးပါတီ တွေမရှိလို့ ရွေးကောက်ပွဲလဲ လုပ်မှာမဟုတ်ဘူး - ဥက္ကဌ ရုံးအရာရှိကြီး တဦးကပြောသည်။
SNLD ပါတီအနေဖြင့် မိုင်းလားတွင် ရွေးကောက်ပွဲ ကျင်းပနိုင်ခဲ့ပါကပြည်သူ့လွှတ်တော် ၁ နေရာ ပြည်နယ် လွှတ်တော် ၂ နေရာတွင် ၀င်ရောက် ယှဉ်ပြိုင်ရန် စီစဉ်ထားခဲ့ပြီး သျှမ်းတိုင်းရင်းသား အများစုနေ ထိုင်သည့် မိုင်းလားဒေသတွင် ရွေးကောက်ပွဲလက်ခံကျင်းပခွင့်မပြုခဲ့သည့် မိုင်းလား NDAA အဖွဲ့အပေါ်တွင်နားမ လည်နိုင်ကြောင်း ဦးစိုင်းလိတ်ကပြောသည်။
သျှမ်းပြည်နယ်အရှေ့ပိုင်းတွင်ရှိသည့် မိုင်းလားဒေသမှာ ၂၀၁၀ ခုနစ်က လည်း ရွေးကောက်ပွဲ လက်ခံကျင်း ပခဲ့ခြင်းမရှိသည့် ဒေသဖြစ်ပြီး အဆိုပါဒေ သအား ဗမာပြည်ကွန်မြူနစ်ပါတီမှ ခွဲထွက် လာသည့်တိုင်းရင်း သား လက်နက်ကိုင်အဖွဲ့ဖြစ်သည့် အမျိုးသားဒီမိုကရက်တစ်မဟာမိတ် တပ်မတော် သျှမ်းပြည် အရှေ့ပိုင်း NDAA-ESS အမည်ရ မိုင်းလားတပ်ဖွဲ့က အုပ်ချုပ်ထိန်း ချုပ်ထားသည့်ဒေသဖြစ်သည်။
ကိုယ်ပိုင်အုပ်ချုပ်ခွင့် တောင်းခံထားသည့် မိုင်းလားဒေသတွင် အစိုးရမှမြို့နယ် အဖြစ် သတ်မှတ် ထား သည့် မိုင်းလားမြို့နယ် တမြို့နယ်သာ ရှိပြီး NDAA အဖွဲ့မှ သတ်မှတ်ချက်အရမူ မိုင်းလား ၊ ဆီလူး ၊ မိုင်းမ မြို့သုံးမြို့ ကို မြို့နယ်အဖြစ် သတ်မှတ်ထားသည်။
ဝ ၊ ကိုးကန့်တို့နှင့် မဟာမိတ်ဖြစ်သည့် မိုင်းလားဒေသတွင် ရွေးကောက်ပွဲ ကျင်းပနိုင်ခြင်း မရှိသော် လည်း တိုက်ပွဲ များပြင်းထန်စွာဖြစ်ပွားခဲ့သည့် ကိုးကန့်ဒေသတွင်မူ ရွေးကောက်ပွဲကျင်းပနိုင်ရေး အတွက် ပြင်ဆင် မှုများပြုလုပ်နေပြီး ကိုးကန့် MNDAA အဖွဲ့မှလည်း ရွေးကောက်ပွဲကျင်းပနိုင်ရေးအတွက် တဘက်သတ် အပစ်ခတ်ရပ်စဲမှုပြုလုပ်ထားသည်။
ဓါတ်ပုံ- မိုင်းလားတပ်ဖွဲ့ခေါင်းဆောင် ဦးစိုင်းလင်း
Panglong(Burmese)
No comments:
Post a Comment