သူရဦးရွှေမန်း အနာဂတ် ဘယ်လဲ ဘာလဲ

၂၀၁၀ ခုနောက်ပိုင်း မြန်မာနိုင်ငံရေးသမိုင်းမှာ ဂယက်ထမှု အကြီးဆုံးတခု လို့ ဆိုနိုင်မယ့် ဖြစ်ရပ် ယခုလ ၁၂ ရက်ညပိုင်းက ဖြစ်ပွားခဲ့ပါတယ်။ ပြည် ထောင်စုကြံ့ခိုင်ရေးနှင့် ဖွံ့ဖြိုးရေးပါတီဥက္ကဌ တာဝန်ယူထားသူ သူရဦးရွှေမန်း ကို ဆိုင်းမဆင့် ဗုံမဆင့် ကောက်ကာငင်ကာ ပါတီဥက္ကဌရာထူးက ဖယ်ရှားခံ လိုက်ရခြင်း ပဲဖြစ်ပါတယ်။ 

သူရဦးရွှေမန်းကို ပါတီဥက္ကဌ ရာထူးက ဖယ်ရှား လိုက်ခြင်းဟာ ပါတီတွင်းကိစ္စလို့ ဆိုပေမယ့် ပြည်ထောင် စုလွှတ်တော် နာယက၊ ပြည်သူ့လွှတ်တော် ဥက္ကဌ စတဲ့ လွှတ်တော်တွင်း အဓိကတာဝန် ယူထားသူလည်း ဖြစ်နေတာကြောင့် အများပြည်သူကြားမှာရော၊ အခြားပါတီ တွေ အသီးသီးကြားမှာရော နိုင်ငံတကာကပါ စိတ်ဝင်စားစရာဖြစ်ခဲ့ပြီး ဂယက်ထခဲ့ပါတယ်။

သူရဦးရွှေမန်းကို ပါတီဥက္ကဌရာထူးက ဖယ်ရှားခံလိုက်ရခြင်းအတွက် သူရဦးရွှေမန်းရဲ့ နိုင်ငံရေးအနာဂတ် ရှေ့ဆက်ဘာတွေဖြစ်လာနိုင်မလဲ။ လွှတ်တော်တွင်းမှာရော ဆက်လက်တည်ရှိနိုင်တဲ့ ကံကြမ္မာ ရှိပါသေး ရဲ့လား။ ဦးရွှေမန်းကို ၂၀၁၅ ရွေးကောက်ပွဲအတွက် ကိုယ်စားလှယ်လောင်းစာရင်းကို ပြည်ထောင်စုကြံ့ ခိုင်ရေးနှင့်ဖွံ့ဖြိုးရေးပါတီ ကိုယ်စားပြု စာရင်းသွင်းထားတာ ပေမယ့် ရွေးကောက်ပွဲ ၀င်နိုင်ပါဦးမလားဆိုတာ အလွန်စိတ်ဝင်စားရာဖြစ်နေ ပါတယ်။ ပါတီဥက္ကဌရာထူးက မဖယ်ရှားခင်နဲ့ ဖယ်ရှားခံရပြီး ဖြစ်စဉ်တွေကို အရင်လေ့လာ သုံးသပ်ကြည့်ကြရအောင်ပါ။

သမ္မတ ပြောရေးဆိုခွင့်ရှိသူ ဦးရဲထွဋ်က ဦးရွှေမန်း ပါတီဥက္ကဌရာထူးကဖယ် ရှားခံရတာနဲ့ ပတ်သတ်ပြီး 7 Day News သတင်းစာနဲ့ အင်တာဗျူးမှာ ယခုလိုဖြေကြားထားပါတယ်။

“ ဦးရွှေမန်း ဥက္ကဌတာဝန်ပူးတွဲထမ်းဆောင်စဉ်ကာလမှာ ပါတီတွင်း သဘောထားကွဲလွဲမှုတွေ များလာခြင်း၊ ပါတီတွင်းဒီမိုကရေစီမရှိပဲ တဦးတည်းသဘောနဲ့ဆောင်ရွက်လာခြင်း၊ ပါတီတွင်းရန်ပုံငွေသုံးစွဲမှုနဲ့ ပတ်သတ် ပြီး ပွင့်လင်းမြင်သာမှုမရှိခြင်း၊ လွှတ်တော်တွင်း လုပ်ငန်းဆောင် ရွက်ရာမှာ ဖွဲ့စည်းပုံအခြေခံဥပဒေကို လိုက်နာမှုမရှိခြင်းတွေကြောင့် နောက်ပြီး လွှတ်တော်ကိုယ်စားလှယ်များ တာဝန်မှ ပြန်လည်ရုပ်သိမ်းခြင်း နဲ့ပတ်သတ်ပြီး လုပ်ဆောင်ချက်များကြောင့် မဲဆန္ဒရှင်များရဲ့ ပါတီအပေါ် ယုံကြည်မှု လျော့ပါးလာခြင်းတွေ ကြောင့် ပါတီခေါင်းဆောင်တချို့က ပါတီကို ပြန်လည်ဖွဲ့စည်းဖို့ သမ္မတကြီးထံ လက်မှတ်ရေးထိုးတောင်းဆို ခဲ့တယ်လို့ သိရပါတယ်”

ပါတီဥက္ကဌ ရာထူးက ဖယ်ရှားခံရတာဟာ ပါတီတွင်းပြဿနာတွေအပြင် လွှတ်တော်တွင်း အခြေခံဥပဒေ လိုက်နာမှုမရှိခြင်းတွေကြောင့်လို့ ဦးရဲထွဋ်က ဆိုလိုထားတာဖြစ်ပါတယ်။ ဦးရဲထွဋ်ရဲ့ စွပ်စွဲပြောဆိုချက် တွေအရဆို ဦးရွှေမန်းအတွက် ပြဿနာက အသေးစားတွေ မဟုတ်ပါဘူး။ ကာရန်မသင့်ရင် ပြည်ထောင်စု လွှတ်တော်နာယက၊ ပြည်သူ့လွှတ်တော်ဥက္ကဌ ထိုင်ခုံပါ လှုပ်လာနိုင်ပါတယ်။

ယခုအခါ ပြည်ထောင်စုကြံ့ခိုင်ရေးနှင့် ဖွံ့ဖြိုးရေးပါတီ ဗဟိုအလုပ်အမှုဆောင် အဖွဲ့အသစ်ကို ပါတီက ပြင်ဆင်ဖွဲ့စည်းပြီးဖြစ်ကာ ဦးရွှေမန်းဟာ အဲ့ဒီ ပြင်ဆင်လိုက်တဲ့ အဖွဲ့အသစ်မှာ ပါရှိမလာတော့ပါဘူး။ ပါတီဥက္ကဌရာထူး ကလည်း ဖယ်ရှားခံရ၊ အမှုဆောင်အဖွဲ့အသစ်မှာလည်း မပါလာတာကြောင့် သမ္မတဖြစ် ချင်တယ်လို့ မကြာခဏပြောကြားလေ့ရှိတဲ့ သူရဦးရွှေမန်းရဲ့ သမ္မတဖြစ်ခွင့် အိပ်မက်ကလည်း အဆုံးသတ် နိထ္ထိတံခဲ့ရပြီဆိုတာ လုံးဝ သေချာသွားပြီဖြစ်ပါတယ်။ ဒါ့အပြင် သူရဦးရွှေမန်းအနေနဲ့ နိုင်ငံရေးနယ် ပယ်မှာ ဆက်လက်ကျင်လည်ဖို့ အဆုံးသတ်နိုင်တဲ့ အခြေနေမှာ ရှိနေပါတယ်။ ခေတ်သစ် မြန်မာနိုင်ငံရေးသမိုင်းမှာ အာဏာရှိသူတွေဟာ သူတို့အလို တခုမကျရင် အဲ့ဒီသူတွေကို ရာထူးနေရာရော အနာဂတ်ကိုရော သင်း ကွတ် ပစ်တက်တဲ့၊ ဖြုတ် ထုတ် သတ်တဲ့ အလေ့အထ သာဓကများစွာ ရှိခဲ့ဖူးပါ တယ်။

သူရဦးရွှေမန်းကို ပါတီဥက္ကဌ ရာထူးကနေ ဖယ်ရှားခံရတဲ့ဖြစ်စဉ်ဟာ ပြည်ခိုင်ဖြိုးပါတီတွင်း အကွဲအပြဲဇာတ် လမ်းလို့ ဆိုပေမယ့် ထူးခြားမှု အချို့ရှိနေခဲ့တာကို သေချာလေ့လာကြည့်ရင် ရှင်းလင်းစွာ မြင်တွေနိုင် ပါတယ်။ နိုင်ငံရေးလေ့လာစောင့်ကြည့်သူတွေရော ပြည်သူတွေကပါ ဒီဖြစ်စဉ်ဟာ ကြိုတင် အကွက်ကျကျ အချိန်ကိုက် ပြုလုပ်ခဲ့တာဖြစ်တယ်လို့ သုံးသပ်နေကြပါတယ်။

သူရဦးရွှေမန်းအပါအ၀င် ပါတီခေါင်းဆောင်အချို့ကို ပါတီဗဟိုအလုပ်အမှု ဆောင်ကနေ မဖယ်ရှားခင် သြဂုတ်လ ၁၂ ရက်မှာ သမ္မတဦးသိန်းစိန် အစိုးရအဖွဲ့မှာ ပါဝင်တဲ့ ပြည်ထောင်စုဝန်ကြီးနဲ့ ဒုတိယ၀န်ကြီး အချို့ကို တာဝန်က အနားပေးခဲ့သလို့ စစ်တပ်အရာရှိကြီးတချို့ကလည်း စစ်တပ် ရာထူးတွေကနေ နှုတ်ထွက်ခဲ့ကြပါတယ်။

ထူးခြားမှုအနေနဲ့ အဲ့ဒီသူတွေအားလုံးဟာ သူရဦးရွှေမန်းအဖယ်ရှားခံရပြီး နောက် အသစ်ပြန်လည်ဖွဲ့စည်း လိုက်တဲ့ ပါတီဗဟိုအလုပ်အမှုဆောင်မှာ ပါဝင်လာတာကိုတွေ့ရပါတယ်။

နောက်ထပ် ထူးခြားမှုအနေနဲ့ ပြည်ခိုင်ဖြိုးပါတီရဲ့ ယခု အက်ကြောင်းဂယက် မတိုင်မီ တစ်လလောက်က လည်း သူရဦးရွှေမန်းကို သူရဲ့ မဲဆန္ဒနယ်နယ်မြေ က တပ်မတော်သားတွေကကိုယ်စားလှယ်အဖြစ် ပြန် လည်ရုပ်သိမ်းဖို့လက် မှတ် ရေးထိုးတောင်းဆိုခဲ့ပါသေးတယ်။ဒါပေမယ် ပြည်ထောင်စုလွှတ်တော် ကနေ လွှတ်တော်ကိုယ်စားလှယ်တာဝန်မှ ပြန်လည်ရုပ်သိမ်းခြင်းဆိုင်ရာ ဥပဒေကို ပြဌာန်းနိုင်ခြင်းမရှိသေးတာ ကြောင့် တောင်းဆိုမှုဟာ အသက်မ၀င် ခဲ့ပါဘူး။

သူရဦးရွှေမန်း ပါတီဥက္ကဌ တာဝန်က ဖယ်ရှားခံရတဲ့နေမှာပဲ ပြည်ထောင်စု ရွေးကောက်ပွဲ ကော်မရှင်က လွှတ်တော်ကိုယ်စားလှယ်တာဝန်မှ ပြန်လည် ရုပ်သိမ်းခြင်းဆိုင်ရာ ဥပဒေကို အမြန်ပြဌာန်းပေးဖို့ တောင်း ဆိုခဲ့ပါတယ်။ ဒါတွေကို ဆက်စပ်ကြည့်ရင် သူရဦးရွှေမန်းကို လွှတ်တော်တွင်းမှာဆက်လက် မရှိနိုင်အောင် တွန်းအားပေး စီစဉ်နေသလားဆိုတာ မေးခွန်းထုတ်စရာပါ။

အတိုက်အခံခေါင်းဆောင် အမျိုးသားဒီမိုကရေစီဥက္ကဌ ဒေါ်အောင်ဆန်း စုကြည် နဲ့ နီးကပ်စွာရှိခဲ့ပြီး ပြည် ခိုင်ဖြိုးပါတီ အခြားခေါင်းဆောင်အများစုနဲ့ မတူကွဲပြားတဲ့ လုပ်ဆောင်ချက်အချို့ကြောင့် ပါတီတွင်းမှာ မျက်စိစပါးမွှေး အစူးခဲ့ခဲ့ရတဲ့ သူရဦးရွှေမန်းကို ပါတီတွင်းသာမက လွှတ်တော်တွင်းမှာရော အနာဂတ်နိုင်ငံ ရေးကနေပါ ဖယ်ရှားခံရမလားဆိုပြီး နိုင်ငံရေးလေ့လာစောင့် ကြည့်သူတွေက သံသယရှိနေကြပါတယ်။ သံသယရှိရလောက်အောင်လည်း အခြေအနေတွေက ဂယက်ထနေပါတယ်။

လာမယ့် ၁၈ ရက်နေ့မှာ လွှတ်တော်အသီးသီးပြန်စတော့မှာဖြစ်ပါတယ်။ 

ပြည်ထောင်စုရွေးကောက်ပွဲကော်မရှင်ရဲ့ တောင်းဆိုချက်ကြောင့် လွှတ်တော်ပြန်စစချင်းမှာ လွှတ်တော် ကိုယ်စားလှယ်တာဝန်မှ ပြန်လည်ရုပ် သိမ်းခြင်းဆိုင်ရာ ဥပဒေကို မြန်မြန်ဆန်ဆန် အတည်ပြုပေးဖို့ အရေးကြီး အဆို တင်လာနိုင်မယ်လို့ ခန့်မှန်းရပါတယ်။ အဲ့ဒီလိုသာ အဆိုတင်လာရင် တော့ အများခန့်မှန်း ထားတဲ့အတိုင်း ဖြစ်လာနိုင်ဖွယ်ရှိနေပါတယ်။

ပြည်ခိုင်ဖြိုးပါတီ ထုတ်ပြန်ချက်အရဆို သူရဦးရွှေမန်းဟာ ပါတီမှာ သာမန် ပါတီဝင်အဖြစ်ရှိနေပြီး  လာမယ့် ရွေးကောက်ပွဲမှာ ကိုယ်စားလှယ်လောင်း အဖြစ် အမည်စာရင်းကနေလည်း အပယ်ဖျက်မခံရသေးပဲ ဆက် လက်ပါဝင် နေဆဲ ဖြစ်ပါတယ်။ ဒါပေမယ့် သူရဦးရွှေမန်းအနေနဲ့ သက်တမ်းမကုန်မီ လွှတ်တော်တွင်းက ဖယ်ရှားခံလိုက်ရမယ်ဆိုရင်တော့ ၂၀၁၅ ရွေးကောက် ပွဲမှာ ဆက်လက်ပါဝင်လာဖို့ အလားအလာ အင်မတန်နည်းပါးသွားမှာဖြစ်ပါ တယ်။ ကံမကောင်းရင်တော့ ပုဒ်မတစ်ခုခုနဲ့ ငြိစွန်းတယ်လို့ စွတ်စွဲပြစ် တင်လာနိုင်စရာတောင်ရှိနေမယ်လို့ ခန့်မှန်းရပါတယ်။

အချုပ်ဆိုရရင်တော့ လာမယ့် သြဂုတ်လ ၁၈ ရက် လွှတ်တော်တွေ ပြန်လည်စတင်ရင်  သူရဦးရွှေမန်းရဲ့ နိုင်ငံရေးအနာဂတ် ဘာဖြစ်လာနိုင် မလဲဆိုတာ ပုံရိပ်ပေါ်လာတော့မှာ ဖြစ်ပါတယ်။ လာမယ့် လွှတ်တော် ဟာ သူရဦးရွှေမန်း အနာဂတ် အထူးသဖြင့် နိုင်ငံရေးအနာဂတ်ကို အဆုံးအဖြတ် ပေးနိုင်မယ့် ရက်စွဲတွေဖြစ် နေပါပြီ။

သူရဦးရွှေမန်းအနေနဲ့ လွှတ်တော်တွင်းက ဖယ်ရှားခံရမလား၊ ဒါမှမဟုတ် လွှတ်တော်ထိုင်ခုံပေါ်မှာတင် လွှတ်တောအဆောင်အယောင်တွေနဲ့ လွှတ်တော်သက်တမ်းကုန်အောင်အထိ ငြိမ်ငြိမ်လေး ထိုင်ခိုင်ဦး မလား၊ လာမယ့်ရွေးကောက်ပွဲမှာ ပါဝင်ခွင့်ရပါဦးမလားဆိုတာ ငွေရောင်ပိတ်ကား ပေါ် ဆက်လက်ရှုစား ရတော့မှာဖြစ်ပါတယ်။

ဧရာဝတီ