Tuesday, August 18, 2015

ဦးရွှေမန်းကိစ္စ ဒီမိုကရေစီနည်းလမ်းတကျမဟုတ်ဟု ဒေါ်အောင်ဆန်းစုကြည် ပြော


ပြည်ထောင်စုကြံ့ခိုင်ရေးနှင့်ဖွံ့ဖြိုးရေးပါတီ ဥက္ကဋ္ဌဟောင်း ဦးရွှေမန်းကို ဖြုတ်ချခဲ့သောလုပ်ရပ်သည်ဒီမိုကရေစီနည်းလမ်း တကျ လုပ်ဆောင်ခဲ့ခြင်း မဟုတ်ဟု ယနေ့ ဩဂုတ် ၁၈ ရက် မနက် နေပြည်တော် လွှတ်တော် အဆောက်အဦးတွင် ကျင်းပပြုလုပ်သော သတင်းစာရှင်းလင်းပွဲတွင် အတိုက်အခံခေါင်းဆောင် ဒေါ်အောင်ဆန်းစုကြည်က ပြောကြားလိုက် သည်။

ဦးရွှေမန်းကို ရည်ရွယ်ပုံရသော လွှတ်တော်ကိုယ်စားလှယ်တာဝန်မှ ပြန်လည် ရုပ်သိမ်းခြင်းဆိုင်ရာ ဥပဒေကြမ်းကိုလည်း အဓိပ္ပါယ်မရှိကြောင်းလည်း ပြော ဆိုသည်။

ပါတီ၏ ဥက္ကဋ္ဌ ရာထူးမှ သြဂုတ်လ ၁၂ ရက်နေ့မှာ ဖြုတ်ချလိုက်ပြီးနောက် ယနေ့သတင်းစာရှင်းလင်းပွဲ ဦးရွှေမန်း ပြုလုပ် ရန် ကနဦး သတင်းများ ထွက်လာသော်လည်း မလုပ်ဘဲ ဒေါ်အောင်ဆန်းစုကြည်၏ သတင်းစာရှင်း လင်းပွဲသာပြုလုပ် ခဲ့သည်။ 

ဦးရွှေမန်း ဖြုတ်ချခံရခြင်းနှင့်ပတ်သက်သည့် အကြောင်းပြချက်တခုမှာ ဒေါ်အောင်ဆန်းစုကြည်နှင့် ရင်းနှီးကျွမ်းဝင်ခြင်း ဖြစ်သည်။ ယမန်နေ့ကလည်း ဦးရွှေမန်းနှင့် ဒေါ်အောင်ဆန်းစုကြည်တို့ တွေ့ဆုံခဲ့ကြောင်း သတင်းများအရ သိရသည်။

ဧရာဝတီ

No comments:

Post a Comment

My Blog List