ရှေ့လအတွင်းကျင်းပမယ့် ကုလသမဂ္ဂ အထွေထွေညီလာခံကို တက်ဖို့ ရုရှားသမ္မတ Vladimir Putin အမေရိကန် ပြည်ထောင်စုကို လာတဲ့အခါ သမ္မတ Barack Obama နဲ့ တွေ့ဆုံဖို့အတွက် တံခါးဖွင့်ထား တယ်လို့ ရုရှားနိုင်ငံခြားရေးဝန်ကြီးက ဗုဒ္ဓဟူးနေ့မှာ ပြောပါတယ်။
နယူးယောက်မြို့မှာ စက်တင်ဘာလ ၁၅ ရက်နေ့ကျရင် စတင်မယ့် ၇၀ ကြိမ်မြောက် ကုလသမဂ္ဂ အထွေ ထွေ ညီလာခံကို သမ္မတ ပူတင် တက်ရောက်မယ့်အကြောင်း နိုင်ငံခြားရေးဝန်ကြီး Sergei Lavrov က Crimea ဒေသ၊ Sevastopol မြို့မှာ သတင်းထောက်တွေကို ပြောကြားလိုက်တာပါ။
အကယ်၍ အမေရိကန်ဘက်က တွေ့ဆုံလိုတဲ့ ဆန္ဒရှိကြောင်း အချက်ပြ တယ်ဆိုရင် မစ္စတာ ပူတင်အနေနဲ့ သမ္မတ အိုဘားမားနဲ့ တွေ့ဆုံနိုင်ကြောင်း ၀န်ကြီး Lavrov က ပြောပါတယ်။
အမေရိကန်တို့အနေနဲ့ ထိတွေ့ဆက်ဆံမှုကို ထိန်းသိမ်းထားလိုကြောင်း အချက်ပြခဲ့မယ်ဆိုရင် သူတို့ သမ္မတ အနေနဲ့ အပြုသဘောဆောင်တဲ့ အနေအထားနဲ့ ပြန်လည် တုံ့ပြန်သွားမှာဖြစ်ကြောင်း ၀န်ကြီး Lavrov က ပြောပါတယ်။
သမ္မတ ပူတင်ဟာ ကုလသမဂ္ဂ ညီလာခံမှာ စက်တင်ဘာလ ၂၈ ရက်နေ့မှာ မိန့်ခွန်းပြောကြားမယ့်အ ကြောင်း ကုလသမဂ္ဂက ထုတ်ပြန်ထားတဲ့ မိန့်ခွန်း ပြောကြားကြမယ့် သူတွေ ယာယီစာရင်းမှာ ဖော်ပြထား ပါတယ်။
VOA
No comments:
Post a Comment