ဦးသိန်းစိန် ဟာ ပြည်ထောင်စု ကြံ့ခိုင်ရေး နဲ့ ဖွံ့ဖြိုးရေးပါတီတွင်းကိစ္စကို တိုက်ရိုက် ပါဝင် ဆောင်ရွက် လာ တဲ့ အပြုအမူ ဟာ နိုင်ငံတော်သမ္မတ က ပါတီအရေးမလုပ်ရဘူးဆိုတဲ့ ဖွဲ့စည်းပုံအခြေခံဥပဒေ ပြဌာန်းချက် ကို ချိုးဖောက်ရာ ရောက်တယ်ဆိုတဲ့ ဝေဖန်မှုတွေ ထွက် ပေါ်လာပါတယ်။
ဦးသိန်းစိန် ရဲ့ ကြံ့ခိုင်ရေး ပါတီ ဌာနချုပ် ကို လာရောက် ပြီး ဗဟို ကော်မတီ ဝင် တွေ နဲ့ တွေ့ဆုံ ခဲ့တာ ဟာ ၂၀၀၈ ခုနှစ် ဖွဲ့စည်းပုံအခြေခံဥပဒေ ပုဒ်မ ၆၄ နဲ့ ကိုက်ညီမှု မရှိဘူးဆိုပြီး တရားလွှတ်တော် ရှေ့နေ ဦးသိန်းသန်းဦး က ဘီဘီစီ ကို ပြောပါတယ်။
သမ္မတ ဦးသိန်းစိန် ဟာ ဩဂုတ်လ ၁၇ ရက် တနင်္လာနေ့ က နေပြည်တော် ကြံ့ခိုင်ရေး ပါတီ ဌာနချုပ်ကို ရောက်လာခဲ့တာ ဖြစ်ပါတယ်။
အဲဒီ ညနေပိုင်း ကြံ့ခိုင်ရေး ပါတီ ပြောရေး ဆိုခွင့် ရှိသူ တွေ လုပ်ခဲ့တဲ့ သတင်းစာ ရှင်းလင်း ပွဲ အရ ပါတီ ရဲ့ ပူးတွဲ ဥက္ကဌ ရာထူး အပြောင်းအလဲ ကိစ္စ ကို သမ္မတ ဦးသိန်းစိန် က လာရောက် ရှင်းပြတာ ဖြစ်တယ် လို့ ပြော ပါတယ်။
ဒါပေမယ့် သူရ ဦးရွှေမန်း ကို နေရာ က ဖယ်ရှား ခဲ့ပြီးတဲ့ နောက် ကြံ့ခိုင်ရေး ပါတီ က ထုတ်ပြန် ထားခဲ့တဲ့ အကြောင်း ပြချက် တွေ ကို ပဲ အဲဒီ့ သတင်းစာ ရှင်းလင်းပွဲ မှာ ပြန် လည် ထပ်ကြော့ ပြောခဲ့ ကြပါတယ်။
သူရ ဦးရွှေမန်း မှာ ကြီးလေးတဲ့ လွှတ်တော် တာဝန် တွေ ကြောင့် ရွေးကောက်ပွဲ နီးကပ် လာတဲ့ အခုလို အရေးကြီးချိန်မှာ ပါတီတာဝန် တွေကို ဖိဖိစီးစီး ဆောင်ရွက် နိုင်ဖို့ ဦးဌေးဦး ကို ပူးတွဲ ဥက္ကဌအဖြစ် လွှဲ ပြောင်းရတာ ဖြစ်တယ်လို့ ကြံ့ခိုင်ရေးပါတီက ထုတ်ပြန်ထားခဲ့ပြီး ဖြစ်ပါတယ်။
ဦးသိန်းစိန် လာရောက်ခဲ့တဲ့ပွဲမှာ ကြံ့ခိုင်ရေး ရဲ့ အသစ် ပြင်ဆင်ဖွဲ့စည်းခဲ့တဲ့ ဗဟိုကော်မတီထဲ မပါဝင် တော့တဲ့ သူရ ဦးရွှေမန်း တစ်ယောက်ရှိ မနေခဲ့ပါဘူး။
ဒါပေမယ့် တစ်ရက်ထဲမှာပဲ ဦးရွှေမန်းလည်း ပြည်သူ့လွှတ်တော်က ရေဘေးသင့် ပြည်သူတွေကို ထောက်ပံ့ ကူညီရေးလုပ်တဲ့ပွဲကို တက်ရောက် ခဲ့ ခြင်း မျိုးနဲ့ အများ မြင်ကွင်းရှေ့ ပြန်လည် ထွက်ပေါ် လာခဲ့သလို၊ အမျိုးသား ဒီမိုကရေစီ အဖွဲ့ချုပ် ပါတီ ဥက္ကဌ ဒေါ်အောင်ဆန်းစုကြည် နဲ့ လွှတ်တော် ဥက္ကဌ ရုံးခန်းမှာ ၄၅ မိနစ်ကြာ တွေ့ဆုံခဲ့ ကြပါတယ်။
BBC
No comments:
Post a Comment