၁၇ ရာစုတွင် ပရိုတက်စတင့်နှင့် ရိုမန်ကက်သလစ်တို့၏ နှစ်သုံးဆယ်ကြာ စစ်ပွဲပြီးနောက် ဥပရောပမှ မင်းပရိတ်သတ် အပေါင်းတို့သည် ဂျာမနီနိုင်ငံ ၀က်စ်ဖေးရီးယားပြည်နယ်တွင် တွေ့ဆုံကြပြီး ၎င်းတို့၏ ဘာသာရေးအယူအဆ၊ စည်းမျဉ်းများကို တစ်ဦးက တစ်ဦးကို အတင်းအကျပ် ဖိအားပေး ယုံကြည်ခိုင်း ခြင်းမျိုး မပြုလုပ်ရန် သဘောတူခဲ့ကြသည်။ ဒါက ၁၆၄၀ ပြည့်နှစ်များကာလက ဖြစ်သည်။
နှစ်ပေါင်း ၃၆၁ ကျော်ကြာပြီး ၂၀၀၁ ခုနှစ်၊ စက်တင်ဘာ ၁၁ ရက်မှာတော့ အယ်လ်ကိုင်ဒါအဖွဲ့မှ လူ ၁၉ ယောက်လောက်ဖြင့် ကမ္ဘာ့ကုန်သွယ်ရေး အဆောက်အအုံကို မိနစ်ပိုင်းအတွင်း ကမ္ဘာမြေအောက်ဆွဲနှစ်ချ လိုက်သည်။ ကမ္ဘာ့မီဒီယာများရှေ့တွင် တ၀ုန်းဝုန်း ပြိုလဲနေသော အမြွှာညီနောင်အဆောက် အအုံက “ထင်း ခနဲ၊ လင်းခနဲ။ ပြေးလွှားနေသော လူများ၊ လဲပြိုကျသော အဆောက်အအုံနှင့် သွေးအလိမ်းလိမ်း မြင်ကွင်း ကတော့ သမိုင်းတွင် သွားခဲ့သည်။ ဒါကိုပင် ၉/၁၁ ဟု ခေါ်သည်။ သွေးဆူနေသော မွတ်စလင် စစ်သွေးကြွ များ၏ ခြေရာလက်ရာ ဖြစ်သည်။ ယင်းကိစ္စမှာ တနည်းအားဖြင့် ပြောရလျင် စိတ်အချဉ်ပေါက်နေ သော အယ်လ်ကိုင်ဒါများ၏ သွေးဆူသံဖြစ် သည်။
သည်အတိုင်းဆိုပါက ၀က်စ်ဖေးရီးယားပြည်နယ်မှ သဘောတူညီချက်များက နှစ်ပေါင်း သုံးရာကျော်ကြာ သည်အထိ အကောင်အထည်ဖော်ဖို့ ဝေးကွာနေဆဲ။ နိုင်ငံရေးသိပ္ပံ ပဂေးကြီး ဟန်တင်တန်ရဲ့ စကားဖြင့် ပြောရလျှင်တော့ “ယဉ်ကျေးမှုများ တွန်းထိုးတိုက်မိခြင်း”။ အနောက်တိုင်း ခရစ်ယာန်ယဉ်ကျေး မှုနှင့် မွတ်စ လင်ယဉ် ကျေးမှုကြားတွင် အန္တရာယ်လမ်းကြောင်း ရှိနေသည် ဟူသော အယူအဆဖြစ်သည်။
ကုန်သွယ်ရေးအမြွှာညီနောင်ကို တိုက်ခိုက်ခြင်း၏ အကျိုးဆက်အဖြစ် အမေရိကန်က အာဖဂန်နစ္စတန်ရှိ တာလီဘန်များကို ၀င်တိုက်သည်။ အာဖဂန်တွင် အမေရိကန်နှင့် နေတိုးတပ်များ၏ တိုက်ခိုက်မှုကြောင့် တာလီဘန်အစိုးရ ပြုတ်ကျသွားပြီး အမေရိကန်နှင့် အနောက်နိုင်ငံများ ကျောထောက်နောက်ခံပေးသည့် ဟာမစ်ကာဇိုင်း သမ္မတဖြစ်လာသည်။ ဆုတ်ခွာသွားသော တာလီဘန်များက ပါကစ္စတန်အနောက်မြောက် ပိုင်းနယ်များတွင် ခြေကုတ်ယူပြီး ကြိုကြား ကြိုကြား အသေခံဗုံးခွဲတိုက်ခိုက် သည်တော့ ရှိသည်။
အာဖဂန်တွင် ဆင်နွှဲခဲ့သော စစ်ပွဲတွင် အမေရိကန်သည် နိုင်ငံတကာ၏ ထောက်ခံအားပေးမှုရရှိခဲ့သည်။ သို့သော် ၂၀၀၃ ခုနှစ်တွင် နိုင်ငံတကာ၏ ထောက်ခံမှုကို မရသည့်ကြားထဲက ဂျော့ဘုခ်ျအစိုးရသည် တစ် ကိုယ်တော်ဆုံးဖြတ်ချက်ဖြင့် အီရတ်ကို ၀င်ကြဲတော့သည်။ အာဏာရှင် ဆာဒမ်ဟူစိန်ကို ဖြုတ်ချပြီး အီရတ် တွင် ဒီမိုကရေစီဇာတ်သွင်းလို့ ရနိုင်မည်ဟု ထင်ခဲ့သည်။ သို့သော် ဟန်တင်တန်က “မွတ်စလင်ကမ္ဘာတွင် အနောက်တိုင်း နိုင်ငံရေးတန်ဖိုးများ မပြည့်စုံသေး။ ဘာသာရေးနှင့် နိုင်ငံရေး ခွဲခြားကျင့်သုံးမှု၊ တန်းတူညီ မျှမှု၊ ပုဂ်္ဂိလိက ပိုင်ဆိုင်ခွင့်နှင့် အရပ်ဘက်အဖွဲ့အစည်းများ အားမကောင်းသေး။ ယင်းအခြေအနေတွင် အတင်းအဓမ္မ ဒီမိုကရေစီဇာတ်သွင်းပါက ဆိုးကျိုးများ ဖြစ်လာနိုင်သည်”ဟု သတိပေးခဲ့သည်။
အမှန်ပင်ဖြစ်သည်။ အာဏာရှင် ဆာဒမ်ဟူ စိန်ရှိတုန်းကတော့ အီရတ်ရှိ လူမျိုးစုစစ်သွေးကြွများနှင့် ဘာသာရေး စစ်သွေးကြွများက အတိုင်းအတာတစ်ခုထိ တည်ငြိမ်နေခဲ့သည်။ သို့သော် ခိုင်မာသော ဗဟိုအစိုးရမရှိ သောအခါ ယင်းတို့က ခေါင်းထောင်လာသည်။ ၂၀၀၃ခုနှစ်တွင် အမေရိကန်က အီရတ်ကို ၀င်ရောက် တိုက်ခိုက်ခြင်း၏ အမှားတစ်ခုမှာ ဟူစိန်ကို ပလ္လင်ပေါ်မှ ဆွဲချခဲ့ခြင်းဖြစ်သည်။
ဆာဒမ်ဟူစိန်သည် အာဏာ ရှင်ဆန်ဆန် အုပ်ချုပ်သည်မှာ အမှန်ဖြစ်သော်လည်း လောကီသီးသန့်ဝါဒီ တစ်ဦး ဖြစ်သည်။ အုပ်ချုပ်ရေးတွင် ဘာသာရေးကို မရောယှက်သူဖြစ်သည်။ ၎င်း၏ အုပ်စိုးမှုအောက်တွင် စစ်သွေးကြွများကို အုပ်စီး ထားနိုင်ခဲ့သည်။ သို့သော် ဆာဒမ်ဟူစိန်ကို ဖယ်ရှားလိုက်ခြင်းက ခိုင်မာသော ခေါင်းဆောင်ပျောက်သွားသော အီရတ်တွင် စစ်သွေးကြွများ တစ်စခန်းထဖို့ ဖြစ်လာခဲ့သည်။
“ထို့အပြင် အမေရိကန်တို့၏ အဓိက မဟာဗျူဟာအမှားမှာ အီရတ်ကို ကာလတာရှည်စွာ အုပ်ချုပ်ခဲ့သော ဆွန်နီများကို ဖယ်ရှားကာ ရှီးယားများ၏ ထောက်ခံမှုကို ရယူရန်ကြိုးပမ်းခဲ့ခြင်း ဖြစ်သည်။ ၀န်ကြီးချုပ် မာလီ ကီအပါအ၀င် ရှီးယားဘာသာဝင်များကို အစိုးရရာထူးကြီးများတွင် ပေးခဲ့ခြင်းနှင့် မာလီကီ၏ အုပ်ချုပ်ရေးနှင့် စီမံခန့်ခွဲမှု ညံ့ဖျင်းခြင်းများက ဆွန်နီများကို ပိုမိုဖိနှိပ်ခဲ့သလို ဖြစ်ခဲ့ပြီး ဆွန်နီအများစုကို ဆွန်နီဘာသာရေးကို အခြေခံသော အစ္စလာမ်မစ်စစ်သွေးကြွများကို အားပေးစေရန် လမ်းခင်းပေးခဲ့သည်။ ယင်းအခြေအနေတွင် ဘူးလေးရာဖရုံဆင့်ခဲ့ရသည်က အမေရိကန်ထောက်ခံသော ရှီးယားဘာသာဝင် မာလီကီဦးဆောင်သည့် အစိုးရ၏ အားနည်းချက်ကြောင့် ဆွန်နီဘာသာဝင် စစ်သွေးကြွများ ခေါင်းထောင်လာခြင်းဖြစ်သည်။ ယင်းတို့ အထဲတွင် အစ္စလာမ်နိုင်ငံတော်အဖွဲ့ IS သည် အင်အားအကြီးဆုံး ဖြစ်သည်။
IS အဖွဲ့သည် ဆီးရီးယားနှင့် အီရတ်ရှိ နယ်မြေများကို သိမ်းပိုက်ခြင်းအားဖြင့် အရှေ့အလယ်ပိုင်းဒေသ၏ နယ်နိမိတ်များကို ပြင်ဆင်ရေးဆွဲလျက်ရှိသည်။ အစ်္စ လာမ်မစ်နိုင်ငံတော်အဖွဲ့သည် ဆီးရီးယားတွင် အမေရိ ကန်ထောက်ခံသည့် အတိုက်အခံများက သမ္မတ ဆာဒတ်ပြုတ်ကျရေးကို လက်နက်ကိုင် တိုက်ပွဲဝင်နေစဉ် မြောက်ပိုင်းတောနယ်ဒေသနှင့် အရှေ့ပိုင်းနယ်များကို သိမ်းပိုက်ထားရာ နိုင်ငံသုံးပုံတစ်ပုံခန့် ၎င်းတို့လက် တွင်း ကျရောက်၍ တင်းကျပ်စွာ အုပ်ချုပ်နေသည်။ ယခုအခါ ယင်းအဖွဲ့က အီရတ်မြောက်ပိုင်းနှင့် ဆီရီးယားတွင် ဧရိယာစတုရန်းမိုင်ပေါင်း ၈၄,၆၀၀ ခန့် ကျယ်သော ဗြိတိန်နိုင်ငံနီးပါး အကျယ်အ၀န်းရှိသော နယ်မြေများကို သိမ်းပိုက်ထားနိုင်ခဲ့ပြီး ဖြစ်သည်။
၎င်းတို့က အမေရိကန်နှင့် အနောက်နိုင်ငံများကိုပါ ခြိမ်း ခြောက်လာနေသည်။ ထို့အပြင် ယင်းစစ်သွေးကြွ များက နိုင်ငံတကာတွင် စစ်သွေးကြွကွန်ရက်များ တည် ဆောက်နိုင်ပြီး ပါကစ္စတန်၊ အိန္ဒိယ၊ အီဂျစ်နှင့် လစ်ဗျားရှိ စစ်သွေးကြွများနှင့်ပါ အဆက်အဆံရှိနေသည်။
ပြည်တွင်းစစ်ကြောင့် နိုင်ငံရေး မငြိမ်မသက်ဖြစ်နေသော လစ်ဗျားနိုင်ငံ ထရီပိုလီမြို့တော်တွင်လည်း အစိုး ရတပ်များနှင့် စစ်သွေးကြွများ တိုက်ပွဲဖြစ်ပွားပြီးနောက် ထရီပိုလီလေဆိပ်ကို စစ်သွေးကြွများက သိမ်းပိုက် လိုက်သည်။ ယင်းအခြေအနေ တွင် သမ်္မတအိုဘားမားက နောက်ထပ် ၉/၁၁ လိုဖြစ်ရပ်မျိုး ထပ်မံပေါ် ပေါက်လာမည်ကို စိုးရိမ်ကြောင်း ထုတ်ဖော်ပြောကြားလာခဲ့သည်။ ထရီပိုလီလေဆိပ်မှ သိမ်းပိုက်ထား သော လေယာဉ်များဖြင့် လစ်ဗျားစစ်သွေးကြွများနှင့် အစ်္စလာမ်မစ်နိုင်ငံတော်အဖွဲ့မှ စစ်သွေးကြွများ ပူးပေါင်းကာ ၉/၁၁ လုပ်ရပ်မျိုး ထပ်မံပြုလုပ်မည်ကို စိုးရိမ်လာခြင်းဖြစ်သည်။
ယင်းလိုဖြစ်ရပ်မျိုး ထပ်မံမပေါ်ရန်အတွက် အမေရိကန်အနေဖြင့် အခြားနိုင်ငံများနှင့် လက်တွဲလုပ်ဆောင်ဖို့ လိုအပ်နေပြီ ဖြစ်သည်။ ထို့အပြင် အမေရိကန်က အရှေ့အလယ်ပိုင်း မူဝါဒများကို ပြန်လည် ပြင်ဆင်ရန် လိုအပ်နေကြောင်းကို နာမည်ကျော် စီးပွားရေးပညာရှင် ဂျက်ဖရီဆာ့နှင့် ကစ်ဆင်းဂျားတို့လည်း သတိပေး နေသည်။ တစ်နည်းပြောရလျှင် အရှေ့အပိုင်း တွင် စစ်သွေးကြွများ ပြန်လည်ခေါင်းထောင်နေခြင်းမှာ အမေရိကန်၏ အရှေ့ အလယ်ပိုင်း မူဝါဒအမှားနှင့် တစ်နည်း ဆက်သွယ်နေသည်။
ထို့ကြောင့် အိုဘား မားအစိုးရအနေဖြင့် မူဝါဒအမှားများကို ပြန်လည်ပြင်ဆင်ပြီး၊ အခြားနိုင်ငံများနှင့် လက်တွဲကာ စစ်သွေးကြွများအရေးကို ဖြေရှင်းသင့်ပေသည်။ ပညာရေး၊ ကျန်းမာရေး နှင့် ဖွံ့ဖြိုးရေးအကူ အညီများကို ကုလ၊ ဥရောပ သမဂ္ဂကဲ့သို့သော နိုင်ငံများနှင့် ပူးပေါင်းကာ ပေးရမည်ဖြစ်သည်။ ယင်းအတွက် ရေရှည်မူဝါဒများ ချမှတ် ကာ ဆောင်ရွက်ရမည်ဖြစ်သည်။
သို့မဟုတ်က အမေရိကန်ကို နောက်ထပ် ၉/၁၁ လုပ်ရပ်မျိုးဖြင့် တိုက်ခိုက်မည်လားဆိုသည်ကို အစဉ်အမြဲ စိုးရိမ်နေရဦးမည် ဖြစ်သည်။
Mizzima - News in Burmese
No comments:
Post a Comment