အခမ်းအနားတစ်ခုတွင် တွေ့ရသည့် ဦးတေဇလက်ရှိ မြန်မာနိုင်ငံ ကျောက်မျက်ရတနာလုပ်ငန်းရှင်များ အသင်းဥက္ကဋ္ဌ တာဝန်ယူ ဆောင်ရွက်နေသော ဦးတေဇက နောက်လူများကိုသာ နေရာပေးလို၍ ဥက္ကဋ္ဌရာထူးဖြင့် ဆက်လက်လုပ်ကိုင်ရန် ဆန္ဒမရှိတော့ကြောင်းပြောကြားလိုက်သည်။
ဦးတေဇအနေဖြင့် ဥက္ကဋ္ဌသက်တမ်းသုံးကြိမ်ဆက်တိုက် ထမ်းဆောင်ခဲ့ပြီးဖြစ်၍ ဆက်မလုပ်လိုတော့ ကြောင်း၊ နိုင်ငံတကာစံနှုန်းများအရဆိုလျှင်လည်း ဥက္ကဋ္ဌသက်တမ်းသုံးကြိမ်မှာ အလွန်ပင်များကြောင်း ၎င်းက ရှင်းပြသည်။
‘‘နောက်လူတွေနေရာပေးရ တော့မယ်။ ကိုယ်ကအခုတော့ မပါတော့ဘူး။ နောက်လူတွေ လည်း အတွေ့ အကြုံရစေချင်လို့ လွှဲပေးချင်တာပါ။ ဥက္ကဋ္ဌဆက် လုပ်ပါဆိုရင်လည်း ကိုယ်ဆက် မလုပ်ချင်တော့ဘူး’’ဟု ၎င်းက ပြောသည်။
မြန်မာနိုင်ငံ၏ ထိပ်တန်းစီးပွားရေးလုပ်ငန်းရှင်ဖြစ်သော ဦးတေဇမှာ မြန်မာနိုင်ငံကျောက် မျက်ရတနာ လုပ်ငန်းရှင်များ အသင်း စတင်ဖွဲ့စည်းသည့် ၂၀၀၉ ခုနှစ်မှစတင်ကာ ဥက္ကဋ္ဌရာထူးသုံးကြိမ်ဆက်ရယူ ထားသူဖြစ်သည်။ ပြီးခဲ့သည့် ၂၀၁၃ ဇန်နဝါရီလကတည်းက အသင်း ဥက္ကဋ္ဌအဖြစ်မှ နုတ်ထွက်ရန်စီစဉ် ခဲ့သော ဦးတေဇသည် အခြားအသင်းတာဝန်ရှိသူများ၏ တိုက်တွန်းမှုကြောင့် မူလတာဝန်ကို ဆက်လက် ယူခဲ့သော်လည်း ယခုအကြိမ်တွင် ထပ်မံရွေးချယ်ခံတော့မည်မဟုတ်ကြောင်း မြန်မာနိုင်ငံကျောက်မျက် ရတနာလုပ်ငန်းရှင်များအသင်းအတွင်းရေးမှူး(၃)ဦးထွန်းလှအောင်က ပြော ကြားသည်။
‘‘သူက မလုပ်တော့ဘူး။ အရင်ကတည်းက ပြောထားပြီး သား။ ဦးတေဇနုတ် ထွက်သွား တော့ အသင်း အပေါ်အားကိုး လျော့သွားတာပေါ့။ အသင်းသား အများစုက သူ့ကိုကြိုက်ကြတယ်။ သူ့လိုလုပ်ငန်းရှင် တစ်ယောက်က ကျွန်တော်တို့အသင်းမှာရှိသင့် တယ်’’ဟု ဦးထွန်းလှအောင်က ပြောသည်။
မြန်မာနိုင်ငံ၏ ကျောက်မျက် ရတနာများကို အမေရိကန်နိုင်ငံကတင်ပို့ခွင့်ပိတ်ပင်ထားဆဲဖြစ်ရာ ၎င်း အနေဖြင့်အသင်းဥက္ကဋ္ဌအဖြစ်တာဝန်ယူထားခြင်းကြောင့်မြန်မာ ကျောက်မျက်ရတနာလုပ်ငန်း အပေါ် ထိခိုက်မှုမရှိစေရန်နှင့် အများကောင်းကျိုးအတွက် အသင်းဥက္ကဋ္ဌအဖြစ်မှ နုတ်ထွက် ပေးခြင်းဖြစ်သည်ဟု လည်း အဆို ပါအသင်းက ဆိုထားသည်။
မြန်မာနိုင်ငံ ကျောက်မျက် ရတနာလုပ်ငန်းရှင်များအသင်း လက်အောက်တွင် မန္တလေး၊ မြစ် ကြီးနား၊ မိုးကုတ်၊ ဖားကန့်စသည့် မြို့အလိုက်ဖွဲ့စည်းထားသည့် အသင်းခွဲများရှိသည်။
အသင်း၏ ဥက္ကဋ္ဌ၊ အတွင်း ရေးမှူးနှင့် ဗဟိုအလုပ်မှုဆောင်များရွေးချယ် တင်မြှောက်ပွဲအခမ်း အနားကို ယခုလ ၁၆ ရက်တွင်ပြု လုပ်ရန် စီစဉ်ထားသော်လည်း အထက်ပါရာထူးများအတွက် အဆိုပြုသူများနည်းနေ သောကြောင့် ၂၅ ရက်သို့ ပြောင်းရွှေ့ပြုလုပ်သွားမည်ဖြစ်ကြောင်း သိရသည်။
7Day News Journal
No comments:
Post a Comment