လွန်ခဲ့တဲ့လေးနှစ်က အီရန်နိုင်ငံမြို့တော်မှာ ဆန္ဒပြသူတွေက ၀င်ရောက် စီးနင်းတိုက်ခိုက်ခဲ့တဲ့အတွက် ပိတ် ထားခဲ့တဲ့ ဗြိတိန်သံရုံးကို တနင်္ဂနွေနေ့မှာ ပြန်လည်ဖွင့်လှစ်လိုက်ပါတယ်။ အီရန်နိုင်ငံ တီဟီရန်မြို့မှာရောက် ရှိနေတဲ့ ဗြိတိသျှ နိုင်ငံခြားရေးဝန်ကြီး Philip Hammod က အခမ်းအနားနဲ့ သံရုံးပြန်လည် ဖွင့်လှစ်ကြောင်း ကြေ ညာခဲ့ပါတယ်။
တနင်္ဂနွေနေ့ လာရောက်ခဲ့တဲ့ သူ့ရဲ့ခရီးစဉ်ဟာ နှစ်နိုင်ငံကြားဆက်ဆံရေးမှာ သမိုင်းဝင်အခါသမယ ဖြစ် တယ်လို့ ပြောဆိုလိုက်သလို သူဟာ ၂၀၀၃ ခုနှစ် ထဲကဆိုရင် ပထမဆုံးလာရောက်တဲ့ ဗြိတိန်နိုင်ငံခြားရေး ဝန်ကြီးဖြစ်တာကိုလည်း ထောက်ပြခဲ့ပါတယ်။
လန်ဒန်မှာလည်း အီရန်နိုင်ငံသံရုံးကို တချိန်တည်း ဖွင့်လှစ်မှာဖြစ်ကြောင်း တီဟီရန်က အခမ်းနားမစခင် အချိန်မှာ ဗြိတိန်နိုင်ငံခြားရေးဝန်ကြီးဌာန ပြောပါတယ်။ နှစ်နိုင်ငံစလုံးက သံရုံးတွေမှာ လာမယ့်လတွေအ တွင်း သံအမတ်ကြီး အဆင့် ထားရှိဖို့နိုင်အတွက် ကနဦးအဆင့် ယာယီ သံမှူးကြီး တွေက တာဝန်ယူကြမှာ ဖြစ်ပါတယ်။
VOA
No comments:
Post a Comment