လာမယ့် နိုဝင်ဘာလ ၈ရက်နေ့မှာ ကျင်းပမယ့် ရွေးကောက်ပွဲဟာ လွတ်လပ်ပြီးတရားမျှတတဲ့ ရွေးကောက် ပွဲဖြစ်ဖို့နဲ့ တည်ငြိမ်အေးချမ်းမှုရှိတဲ့ ရွေးကောက်ပွဲဖြစ်ဖို့ လိုအပ်ကြောင်း ပြည်သူ့လွှတ်တော်ဥက္ကဌ သူရ ဦးရွှေမန်းက ဒီကနေ့ တိုက်တွန်းပြောကြားလိုက်ပါတယ်။
ပြည်သူ့လွှတ်တော် အစည်းအဝေးတွေ ရပ်နားလိုက်ပြီဖြစ်ကြောင်း ဒီနေ့ကြေညာပြီးနောက် မိန့်ခွန်းပြော ကြားရာမှာ လွှတ်တော်ဥက္ကဌ သူရဦးရွှေမန်းက ထည့်သွင်းပြောသွားတာဖြစ်ပါတယ်။
"နိုဝင်ဘာလ ၈ ရက်နေ့မှာ ပါတီစုံအထွေထွေရွေးကောက်ပွဲ ကျင်းပတော့မှာ ဖြစ်တဲ့အတွက် လွတ်လပ် တရား မျှတပြီး ပွင့်လင်းမြင်သာမှုရှိအောင် ရွေးကောက်ပွဲကော်မရှင်တွင်သာ တာဝန်ရှိတာမဟုတ်ဘဲ နိုင်ငံတော်အစိုးရ အုပ်ချုပ်ရေးအဖွဲ့၊ ဥပဒေပြုအဖွဲ့၊ တရားစီရင်ရေးအဖွဲ့၊ ပါတီများ၊ ရွေးကောက်ပွဲဝင် ကိုယ်စားလှယ်လောင်းများ နဲ့ ပြည်သူတစ်ရပ်လုံးမှာပါ တာဝန်ရှိသည်ဟုခံယူပြီး ဆောင်ရွက်ကြရမှာဖြစ် ပါတယ်၊ ရွေးကောက်ပွဲအကြို ကာလ၊ ရွေးကောက်ပွဲကာလနှင့် ရွေးကောက်ပွဲအပြီးကာလတို့မှာ နိုင်ငံတော် တည်ငြိမ်အေးချမ်းရေးရရှိအောင် အားလုံးပါဝင်ဆောင်ရွက်ရမှာဖြစ်ပါတယ်"
ဒီတစ်ကြိမ်ကျင်းပတဲ့ ပြည်သူ့လွှတ်တော် အစည်းအဝေးဟာ ၇ လ ကျော် ကြာမြင့်ခဲ့ပြီး ပြန်လည်စတင်မယ့် နေ့ရက် ကို ကြေညာခဲ့ခြင်းမရှိပါဘူး။
အမျိုးသားလွှတ်တော် အစည်းအဝေးတွေကတော့ ရေဘေးသင့်ဒေသတွေ ပြန်လည်ထူထောင်ရေးနဲ့ ရွေး ကောက်ပွဲလုပ်ငန်းတွေ ဆောင် ရွက်ဖို့အတွက် ပြီးခဲ့တဲ့ သြဂုတ်လ ၁၉ရက်နေ့က ရပ်နားလိုက်ပြီဖြစ်ပြီး ပြန်လည်ကျင်းပမယ့်နေ့ရက်ကို မကြေညာခဲ့ပါဘူး။
လက်ရှိလွှတ်တော်သက်တမ်းဟာ လာမယ့် ၂၀၁၆ ခုနှစ် ဇန်န၀ါရီလ ၃၁ ရက်နေ့မှာ ကုန်ဆုံးမှာဖြစ်ပါတယ်။
RFA
No comments:
Post a Comment