အရှေ့အလယ်ပိုင်းဆိုင်ရာ အကြောင်းအရာ အများအပြားကို အမေရိကန် သမ္မတ Barack Obama နဲ့ ဆွေးနွေးဖို့အတွက် ဆော်ဒီအာရေးဘီးယားဘုရင် Salman ဟာ ရှေ့သီတင်းပတ်ထဲ ၀ါရှင်တန် ဒီစီမြို့ကို လာရောက်မှာ ဖြစ်ပါ တယ်။
ဆော်ဒီဘုရင် အဲဒီလို လာလည်တာဟာ နှစ်နိုင်ငံအကြား မဟာဗြူဟာမြောက် ဆက်ဆံရေးဟာ ဘယ် လောက် အရေးပါတယ်ဆိုတာကို ပြသလိုက်တာပဲလို့ စက်တင်ဘာလ ၄ ရက်နေ့မှာ ရောက်လာမယ့် ဆော်ဒီဘုရင်ရဲ့ ခရီးစဉ်နဲ့ပတ် သက်လို့ အိမ်ဖြူတော် ပြောခွင့်ရပုဂ္ဂိုလ် Josh Earnest က ကြာသပတေး နေ့မှာ ပြောပါတယ်။
နှစ်နိုင်ငံအကြား လုံခြုံရေးနဲ့ အကြမ်းဖက် တိုက်ဖျက်ရေး လုပ်ငန်းတွေ ပူးတွဲဆောင်ရွက်နေမှု အပါအ၀င် နှစ်နိုင်ငံ ဆက်ဆံရေး ပိုမို အားကောင်း လာအောင် လုပ်ဆောင်မယ့် ကိစ္စရပ်တွေကို ခေါင်းဆောင် ၂ ဦး ဆွေးနွေး ကြမယ်လို့ Josh Earnest က ဆက်ပြောပါတယ်။
ဒေသတွင်း အီရန်နိုင်ငံက မတည်ငြိမ်မှုတွေ ဖြစ်ပေါ်အောင် လုပ်ဆောင်မယ့် ကိစ္စအပါအ၀င် ယီမင်နဲ့ ဆီးရီးယားနိုင်ငံတွေမှာ ဖြစ်နေတဲ့ စစ်ပွဲတွေ အကြောင်း ကိုလည်း သမ္မတ အိုဘားမားနဲ့ ဆော်ဒီဘုရင် တို့ ဆွေးနွေးကြ မယ်လို့ ဆိုပါတယ်။
အရှေ့အလယ်ပိုင်းဒေသအတွင်း အီရန်လိုပဲ သြဇာသက်ရောက်နိုင်ဖို့ ကြိုးပမ်းနေတဲ့ ဆော်ဒီအာရေးဘီး ယား နိုင်ငံဟာ အီရန်နိုင်ငံနျူ ကလီးယားလက်နက် တည်ဆောင်မယ့်အရေးက ဟန့်တားမယ့် သဘော တူညီချက် ကို ထောက်ခံနေတာ ဖြစ်ပါတယ်။ အီရန်က နျူကလီးယား သဘောတူညီချက်ကို လက်မှတ်ထိုး လိုက်ခြင်းအားဖြင့် အနောက်နိုင်ငံတွေနဲ့ ကုလသမဂ္ဂတို့က ချမှတ်ထားတဲ့ ပိတ်ဆို့ အရေးယူမှုတွေကို ပြန် လည် ရုတ်သိမ်းပေးမှာ ဖြစ်ပါတယ်။
VOA
No comments:
Post a Comment