သံလွင်မြစ်ရေကာတာစီမံကိန်းရပ်တန့်ရေး လက်မှတ် ၂ သောင်းကျော်ြ ဖင့် သြစတေးလျကောင်စစ်ဝန်ရုံးသို့ သျှမ်းလူငယ်များသွားတောင်းဆို

သံလွင်မြစ်ပေါ်ရေကာတာတောက်ဆောက်ရေးစီမံကိန်းအတွက် စစ်တမ်းကောက်ယူမှုရပ်တန့်ရေး၊ သံလွင် မြစ်ပေါ် ရေကာတာတည်ဆောက်မှုရပ်တန့်ရေးအတွက် ပြည်တွင်းပြည်ပနေသျှမ်းပြည်သား နှစ်သောင်း ကျော်ရေးထိုးထားသည့် လက်မှတ်များအား သြစတေးလျကောင်စစ်ဝန်ရုံးသို့ ASSR မှလူငယ်များသွား ရောက် ပေးအပ်လိုက်ကြောင်း သိရသည်။

ပြည်တွင်းပြည်ပ သျှမ်းလူထု ရေးထိုးထားသော လက်မှတ် ၂ သောင်းကျော်၏ မိတ္တူများကို Action for Shan State Rivers အဖွဲ့က ဦးဆောင်ပြီး ရန်ကုန်မြို့ရှိ SMEC ကုမဏီ ထံသို့ ပေးပို့ခြင်းဖြစ် ကြောင်းသိရ သည်။

SMEC ကနေ ၂၆ ရက်နေ့ကျရင် အစီရင်ခံစာ တင်တော့မှာဖြစ်တဲ့အတွက် ဒေသခံလူထုရဲ့ဆန္ဒ သဘော ထားတွေ ပါသွားအောင်လို့ပါ - ဟု မြန်မာနိုင်ငံမြစ်ချောင်းအင်းအိုင်များ စောင့်ကြည့်ရေးအဖွဲ့မှပြောရေး ဆိုခွင့်ရှိသူ စိုင်းခေးဆိုင်ကပြောသည်။

အဆိုပါလက်မှတ်များကို သျှမ်းပြည်နယ်အတွင်း သိန္နီ လားရှိုး သီပေါ မိန်းခေး ကွမ်းလုံ ဟိုပင် တန့်ယန်း မိုင်းရယ် မိုင်းယော် စယ်လန့် နမ့်ခမ်း မူဆယ် ကျောက်မဲ နမ့်လန် နောင်ချို နမ္မတူ ကွတ်ခိုင် တို့အပြင် ထိုင်းနိုင်ငံေ ရာက် သျှမ်းရွှေ့ပြောင်းအလုပ်သမားများ ပါ ရေးထိုးထားကြေ ကြာင်းဆိုပါ သည်။

အားလုံးက၀ိုင်းဝန်း ပြီးကန့်ကွက်လက်မှတ်ထိုးကြရင်တော့ ရေကာတာဆောက်ဖြစ်မှာမဟုတ်ဘူးလို့ထင် တာဘဲ။ အခုလည်း မြန်မာပြည်မှာဖြစ်နေတဲ့ ရေကြီးမှုကိုကြည့်ပါလား။ ခံရတာက လူထုလေ။ ကျမတို့လည်း မကန့်ကွက်လို့ သူတို့ရေကာတာ တကယ်ေ ဆာက်ဖြစ်မယ်ဆိုရင် အခုကြုံတွေ့နေရတဲ့အခြေအနေထက် ပိုဆိုးတဲ့ သဘာဝဘေးဆိုး ကြီးတွေ တနေ့ထပ်ကျလာမှာမလွဲပါဘူး - ဟု ပါဝင်လက် မှတ်ရေးထိုးသည့် နန်းယိင်းကပြောပါသည်။

ထိုင်းနိုင်ငံချင်းမိုင်မြို့အတွင်း ရွှေ့ပြောင်းအလုပ်သမားများ၏ လက်မှတ် များကိုစုဆောင်းနေသူ SYP အဖွဲ့မှ စိုင်းမျိုးကလည်း - သံလွင်မြစ်ဟာ သျှမ်းပြည်ထဲမှာနှစ်ရှည်လများကတည်းက နေလာခဲ့တယ်။ ဒါကြောင့် တတ်နိုင်တဲ့ဘက်က ထိန်းသိမ်းသွားမယ်။ 

ဒီကိုရောက်နေတဲ့ ရွှေ့ပြောင်း အလုပ်သမားတွေဆိုတာကလည်း သျှမ်းပြည်သား တွေဘဲဖြစ်နေတယ်။ ဒီစီမံကိန်းအတွက်ဘဲ ၁၉၉၆-၁၉၉၈ အထိ အဲဒီတုန်းက မြို့နယ် ၁၁ မြို့နယ်က ကျေးလက်ရွာသား သိန်း ဂဏန်းကို မောင်းထုတ်တယ်။ အခု ထိုင်းရောက်နေတာ သူတို့တွေ ရဲ့လက်မှတ်လဲပါဝင်တယ်။ သူတို့က ထိုင်းနိုင်ငံသားအဖြစ်ခံယူထားတာ မဟုတ်ဘူး။ ကိုယ့်နေရပ်ကို ပြန်ကြ မယ့်သူတွေချည်းဘဲ။ သံလွင်မြစ် ကြောင့်ဖြစ်လာမယ့် ဆိုးကျိုးကို ခံရမယ့်သူတွေဖြစ်တဲ့အတွက် သူတို့လည်း ပါဝင်လက်မှတ်ရေးထိုး ခွင့်ရှိတာကြောင့် သူတို့ရဲ့လက်မှတ်ကိုကောက်ယူရတာဖြစ်ပါတယ် - ဟု သျှမ်းသံတော်ဆင့်အား ပြောပြ

သည်။

၎င်းနှင့်ပတ်ပြီး TYN မှအဖွဲ့ဝင် စိုင်းလွယ်က - အနုပညာရှင်တွေ ပါဝင်လာေ အာင် ဆွဲဆောင်ရမယ်။ သူတို့က လူထုကို မြန်မြန်နားလည်အောင်နဲ့ များများနားလည်အောင်လုပ်နိုင်မယ်။ လူထုကနေ ရေကာတာ နဲ့ပတ်သက်တဲ့ အချက်အလက်တွေ များများနဲ့မြန်မြန် သိမှ ကျနော်တို့ရေကာတာ ဆန့်ကျင် ကန့်ကွက်တဲ့ လုပ်ငန်း မြန်မြန် အောင်မြင်မယ်လေ ဟုပြောဆိုသည်။

ကျနော်တို့ဆက်ပြီး လက်မှတ်တွေ ကောက်ယူသွားမယ်။ လက်မှတ်မ ထိုးရေ သးတဲ့သူတွေ လက်မှတ်ရေး ထိုးကြဖို့ တိုက်တွန်းတယ်။ ဘာလို့လဲဆိုေ တာ့ ဒေသခံလူထုတွေဟာ သံလွင်မြစ်ပေါ်မှာတည်ဆောက်မယ့် ရေကာတာကြောင့် ရရှိမယ့်ကောင်းကျိုး ဆိုးကျိုးတွေကို ကောင်းကောင်းနားမလည်သေးတာတွေရှိတယ်။

စစ်တမ်းကောက်ယူနေတဲ့ SMEC ကုမ္မဏီ ကလည်း ရေ ကာ တာကြောင့် ရမယ့်ကောင်းကျိုးတွေချည်းဘဲ လူထုကိုပြောပြတယ်။ ရမယ့်ဆိုးကျိုး ကိုတော့ထိန်ချန်ထားတယ်။ ဒါကြောင့်ကျနော်တို့ဘက်က တတ်နိုင်သ လောက် လူထုကို ၂ ဘက်လုံးမြင်အောင် ရှင်းပြပြီးတော့ လူထုရဲ့ဆန္ဒအစစ်အမှန်ကိုရယူသွားမယ်ဟု စိုင်းခေးဆိုင်ကပြောသည်။

သံလွင်မြစ်ပေါ်တွင် ရေအားလျှပ်စစ်စီမံကိန်း ၆ ခု (သျှမ်းပြည်နယ်အတွင်း ၄ ခု၊ ကယားပြည်နယ် ၁ ခု နှင့် ကရင်ပြည်နယ် ၁ ခု တို့ကို မြန်မာအစိုးရက တရုတ်ပြည်သူ့သမ္မတနိုင်ငံမှ China Three Gorges Corporation ၊ ထိုင်းနိုင်ငံမှ EGAT International နှင့် International Group of Entrepreneurs Company Ltd ( IGOEC) တို့အား ဆောက်လုပ် ခွင့်ကန်ထရိုက် ပေးထားပါသည်။

ထိုအနက် မိုင်းတုံရေအားလျှပ်စစ်စီမံကိန်းမှထွက်ရှိလာမည့် လျှပ်စစ်ဓါတ် အား ၈၀၀၀ မီဂါဝပ်ကို ထိုင်းနိုင်ငံ သို့ ၄၅ % တရုတ်နိုင်ငံသို့ ၄၅ % အား နှစ် ၄၀ ကြာရောင်းချမည်ဖြစ်ပြီး မြန်မာနိုင်ငံအတွက် ၁၀ % အတွက်သာ ပေးမည်ဟုဆိုပါသည်။ 

အဆိုပါ မိုင်းတုံရေအားလျှပ်စစ်ထုတ်လုပ်ရန်အတွက် ဆည်တည်ဆောက်မည့် ကုန်ကျစရိတ်ငွေပမာဏ (ခန့်မှန်းခြေ) ၁၂ ဘီလီ ယံ ဒေါ်လာသည်လည်းဒေသတွင်းလူထုအတွက် အကျိုးအမြတ် မဟုတ် ဘဲ ပြည်ပမှ ဆောက်လုပ်ရေးပစ္စည်းဝယ်ရန်၊ ပြည်ပမှ အင်ဂျင်နီယာနှင့်ပ ညာရှင်များအား ငှားရမ်းရန်သာဖြစ်သည် ဟုလည်း Action for Shan State Rivers ကပြောဆိုပါသည်။

ဓါတ်ပုံ- SMEC ကုမ္မဏီသို့ ASSR မှကန့်ကွက်စာသွားပေးပို့စဉ်

Panglong(Burmese)