Monday, July 20, 2015

NLDကနေ ဝင်ပြိုင်ပြီး ပညာရေးစနစ်ပြောင်းလဲရေးလုပ်ချင်တဲ့ ဒေါက်တာ ညိုညိုသင်း


ရန်ကုန်တိုင်းလွှတ်တော်တွင် တိုင်းအစိုးရ၏ လုပ်ဆောင်ချက်မှားများအား ဥပဒေကြောင်းဖြင့် တစ်လျှောက် လုံး ထောက်ပြဝေဖန်ထောက်ပြလာသူ တစ်ဦးတည်းသော အမျိုးသမီးအတိုက်အခံအမတ် ဒေါက်တာညိုညိ သင်း သည် လာမည့်ရွေးကောက်ပွဲတွင် ဒေါ်အောင်ဆန်းစုကြည် ဦးဆောင်သည့် အမျိုးသားဒီမိုကရေစီအဖွဲ့ ချုပ်ပါတီမှ ဝင်ရောက်ယှဉ်ပြိုင်မည်ဖြစ်သည်။


ရွေးကောက်ပွဲတွင် အနိုင်ရရှိမည်ဆိုပါက ဖွဲ့စည်းပုံအခြေခံဥပဒေပြင်ဆင်ရေး၊ပညာရေးစနစ်ပြုပြင်ပြောင်းလဲ ရေးနှင့် ဗဟိုဦးစီချုပ်ကိုင်မှု စနစ်များသည် ဥပဒေများကို ပြုပြင်ပြောင်းလဲရန် အားစိုက်လုပ်ဆောင်မည် ဆို သည့် လက်ရှိ ရန်ကုန်တိုင်းလွှတ်တော်မှ တသိပုဂ္ဂလအမတ် ဒေါက်တာညိုညိုသင်းကိုမဇ္ဈိမသတင်းထောက် မင်းမင်း ဆက်သွယ်မေးမြန်းထားပါသည်။

ဒေါက်တာညိုညိုသင်းသည် ဂျပန်နိုင်ငံတွင် ဥပဒေဘာသာရပ်ဖြင့် ဒေါက်တာဘွဲ့ရရှိထားသူတစ်ဦးလည်းဖြစ် သည်။

မေး။ ။ ရွေးကောက်ပွဲအတွက် ဘာအစီအစဉ်ရှိလဲခင်ဗျ။ ဝင်ပြိုင်မှာလား။
ဖြေ။ ။ NLDကနေ ဗဟန်းမြို့နယ် ကိုယ်စားပြုပြီးတော့ ပြိုင်ပါမယ်။ အခုလောလောဆယ်တော့ပြည်သူ့လွှတ် တော်ကို လျာထားထားပါတယ်။ အပြောင်းအလဲရှိချင်လည်း ရှိလာမယ်။

မေး။ ။ NLDပါတီနဲ့ရော ဆွေးနွေးမှုတွေ လုပ်ပြီးပြီလား။ ပါတီက လက်ခံလား။
ဖြေ။ ။ ဆွေနွေးညှိနှိုင်းမှုတွေ အကြိမ်ကြိမ်လုပ်ခဲ့ပါတယ်။ တော်တော်များများ အဆင်ပြေပါတယ်။ ဘာ ကြောင့် လည်း ဆိုတော့ အန်တီကလည်း ဒီမိုကရေစီ နိုင်ငံတော်ကြီးကို သွားချင်တယ်။ NLDကလည်း ဒီမိုကရေစီစနစ်ကို အရယူ ပေးချင်တယ်။ ဒါကြောင့် ဦးတည်ချက်ချင်း တူတာကြောင့်မို့လို့ပါ။

မေး။ ။ ပြည်သူ့လွှတ်တော်အမတ်အဖြစ် ဝင်ပြိုင်မယ်ဆိုတာက ပါတီက သဘောတူပြီလား။ အန်တီ့ဘက်က အဆိုပြုထားတာလား။
ဖြေ။ ။ အန်တီက အဆိုပြုတာပါ။ ပါတီကလည်း သဘောတူထားပါတယ်။ မြို့နယ်အဆင့်ကိုပြောတာနော်။ မြို့နယ်ကနေမှ တိုင်းတို့ ဗဟိုတို့ တက်ရတာကိုး။

မေး။ ။ NLDကနေဝင်ပြိုင်ဖို့ ဆုံးဖြတ်လိုက်တာက ဘာကြောင့်လဲ။
ဖြေ။ ။ အမှန်ကတော့ NLDပါတီ စထောင်ကတည်းက လူငယ်တာဝန်ခံ အနေနဲ့ ရှိခဲ့တာလေ။ ဒါကြောင့်မို့လို့ အန်တီက ၂၀၁၀ရွေးကောက်ပွဲမှာ NLDက ရွေးကောက်ပွဲကို သပိတ်မှောက်တဲ့အတွက်ကြောင့်မို့ လို့ ဒီမို ကရက်တစ်ပါတီကို ရောက်သွားတာပေါ့။ ရောက်သွားပြီးတဲ့နောက်မှာ တသိပုဂ္ဂလဖြစ်လာခဲ့တယ်ပေါ့နော်။ တသိပုဂ္ဂလဆိုပေမယ့် ပြည်သူလူထုရဲ့ အကျိုးစီးပွားကို တိုက်ရိုက် အတတ်နိုင်ဆုံးအန်တီဆောင်ရွက်ခဲ့တယ် ။ အခု ရွေးကောက်ပွဲမှာကျတော့လည်း ဒီမိုကရေစီအင်အးစုတွေ ညီညွတ်ဖို့လို တယ်။ ညီညွတ်ကြောင်းကို ပြသတဲ့အနေနဲ့ အခုလို NLDကို ဝင်ရောက်ယှဉ် ပြိုင်ခြင်းဖြစ်တယ်။

မေး။ ။ လက်ရှိ တိုင်းလွှတ်တ်ာမှာလည်း အတိုက်အခံအမတ်တစ်ယောက် အဖြစ် ဒိုင်ခံရပ်တည်ပြီး အစိုးရရဲ့ လုပ်ဆောင်ချက်တွေ ပွင့်လင်းမြင်သာစွာ ချပြဖို့ တောက်လျှောက်တောင်းဆိုတာတွေ့ရတယ်။ အခုလည်း ရွေးကောက် ပွဲဝင်မယ်ဆိုတော့ အနိုင်ရခဲ့ရင် အဓိက လုပ်မယ့်အလုပ်က ဘာတွေဖြစ်မလဲ။
ဖြေ။ ။ အန်တီကတော့ မပြီးဆုံးသေးတဲ့ ဖွဲ့စည်းပုံပြင်ဆင်ရေးကို ဆက်လက် ဆောင်ရွက်မယ်။ ပြီးလို့ရှိရင် တိုင်းဒေသကြီးနဲ့ ပြည်နယ် ၁၄ခုအတွက်ကို လုပ်ရမယ့်ဥပဒေတွေပေါ့နော်၊ ဗဟိုလျှော့ချရေးဆိုင်ရာဥပဒေ တွေ အဲ့ဒါတွေ ပြန်ကိုင်ရမယ်။ နောက်တစ်ခါ ပညာရေးပြုပြင်ပြောင်းလဲမှုကို အားစိုက်ပြီး တော့ ဆောင်ရွက် သွားမယ်။

မေး။ ။ ၂၀၁၀တုန်းကတော့ ဒီမိုကရက်တစ်ပါတီ(မြန်မာ) ကနေဝင်ပြိုင်ပြီး အနိုင်ရခဲ့တယ်။ အခုရွေးကောက်ပွဲမှာလည်း NLDပါတီကနေ ဗဟန်းမြို့နယ် ကပဲ ပြိုင်မယ်ဆိုတော့ ထပ်ပြီးနိုင်မယ်လို့ရော ယုံကြည်လား။
ဖြေ။ ။ အန်တီ့ကို NLDကိုသွားခိုင်းတာ အခုမဲဆန္ဒရှင်တွေပါပဲ။ ၂၀၁၀မှာ မဲပေးခဲ့တဲ့ ပြည်သူလူထုက အန်တီကို လှိုက်လှိုက်လှဲလှဲနဲ့ကို NLDကိုသွားဖို့ကို တိုက်တွန်းကြတာ၊ အားပေးကြတာဖြစ်ပါတယ်။ ဒါကြောင့်မို့လို့ အန်တီအနေ နဲ့တော့ ထူးထူးခြားခြားပြောင်းလဲမှုမရှိဘူးလို့ ထင်ပါတယ်။

Mizzima - News in Burmese


No comments:

Post a Comment

My Blog List