ရန်ကုန်မြို့တွင် ဂျူလိုင်လ ၂၂ ရက်နေ့ကစတင်ကျင်းပသည့် အစိုးရနှင့် တိုင်းရင်းသားလက်နက်ကိုင်အဖွဲ့ များ၏ ဆွေးနွေးပွဲပထမနေ့တွင် အချက် ၄ ချက်အား သဘောတူညီနိုင်ခဲ့ကြောင်း သိရသည်။နှစ်ဘက်ပူးတွဲ ရေးဆွဲထားသည့် တနိုင်ငံလုံးဆိုင်ရာအပစ်ခတ်ရပ်စဲရေး မူကြမ်းတွင် တိုင်းရင်းသားများ၏ လော်ခီးလာ ညီလာခံမှဆုံးဖြတ်လိုက်သည့် ထပ်မံထည့်သွင်းရန် အဆိုပြုထားသည့် အချက် ၁၃ အနက် အချက် ၆ ချက်ကို စတင်ဆွေးနွေးခဲ့ပြီး အချက် ၄ ချက်ကို ပြင်ဆင်ထည့်သွင်းရန် သဘောတူ လိုက်ခြင်း ဖြစ်ကြောင်း နှစ်ဘက်တာဝန်ရှိသူများက ဆွေးနွေးပွဲအပြီးတွင် ပြုလုပ်သည့် သတင်းစာရှင်းလင်းပွဲတွင် ပြောဆိုသည်။
“ညနေအထိအချက် ၆ ချက်ကို ညှိနှိုင်းဆွေးနွေးနိုင်ပါတယ်။ ပထမဦးဆုံး အ ချက် ၄ ချက်လုံးက နှစ်ဘက် က စာချုပ်ချောပြီးသဘောတူနိုင်ခဲ့တဲ့ အ တွက် လော်ခီးလာက အဆိုပြုထားတဲ့ အန်စီအေအဆိုပြုချက် ထဲက နှစ် ဘက်ခေါင်းဆောင်တွေက စာချုပ်ချောတာ ကို ညှိနှိုင်းလို့ရတဲ့ အတွက် ပြီး သွားပါပြီ။ နှစ်ချက် ကတော့ မနက်ဖြန်ဆက်ဆွေးနွေးပါမယ်။” - ဟု မြန်မာငြိမ်း ချမ်းရေးနှင့် ပြန်လည်ထူထောင်ရေး ဗဟိုဌာနမှ အကြီးတန်း အကြံပေး ဦးလှမောင်ရွှေက ပြောသည်။
ယင်းအချက် ၄ ချက်မှာ နိုင်ငံရေး စစ်ရေးစသည့် အရေးပါသည့် အချက်များ မဟုတ်သေးပဲ စာချုပ်၏ နိဒါန်းပိုင်း၊ ဥပဒေနှင့် အညီဆိုသော စာသားနှင့် အခြားသာမန် မူလအဓိပ္ပာယ် မပျောက်ပဲစာ သားပြင်ဆင် သည့်ကိစ္စရပ်များသာ ဖြစ်ကြောင်းလည်း တိုင်းရင်းသားလက်နက်ကိုင်များဘက်မှအဆင့်မြင့် ကိုယ်စားလှယ် အဖွဲ့ SD ၏ ဒုတိယခေါင်းဆောင် ပူးဇင်ကျုံးကပြောသည်။
“ ဒီနေ့က အဆင်ပြေတယ်ဆိုတာ အဓိက အချက်တွေမပါသေးလို့ပါ။ မန က်ဖြန် နိုင်ငံရေးတို့ တပ်ပိုင်းဆိုင် ရာတို့ ဆိုရင်တော့ ကြည့်ရမယ် ”ဟု ဆွေးနွေး ပွဲတက်ရောက်နေသည့် အဆင့်မြင့်ကိုယ်စားလှယ်အဖွဲ့မှ တာဝန်ရှိသူ တဦး က ပြောသည်။
ဆွေးနွေးပွဲပထမနေ့တွင် အစိုးရဘက်မှဦးဆောင်သူ အဖြစ်တက်ရောက်လာ သည့် ၀န်ကြီး ဦးအောင်မင်းက - အစိုးရသက်တမ်း သိပ်မကျန်တော့လို့ လက်ရှိအစိုးရသက်တမ်းအတွင်း မပြီး ပြတ်ရင် နောင်လာမယ့် အစိုးရ သစ်လက်ထက်မှာ အသစ်ကပြန် စ ရဖွယ်ရှိတယ်- ဟု သတိပေး ပြော ဆိုမှုများ ပြုလုပ်ထားသည်။
ဝန်ကြီးဦးအောင်မင်းက ထိုကဲ့သို့ ပြောဆိုသော်လည်း တိုင်းရင်းသား ကိုယ်စား လှယ်အဖြစ်တက် ရောက် လာသည့် ဒေါက်တာလဂျာကမူ - “ ဖက်ဒရယ်ြ ပည်ထောင်စု တည်ထောင်ရေုးနှင့် ပြည်တွင်း ငြိမ်းချမ်းရေး ဆိုင်ရာ မူဝါဒများသည် မည်သည့်အစိုးရတက်လာသည်ဖြစ်စေ တသမတ်တည်းရှိသင့်ေ ကြာင်း၊ တသမတ် တည်းထားနိုင်မှသာ နိုင်ငံရေးပြသနာများ ပြေလည် မည်ဖြစ် ကြောင်း” သူ၏ မိန့်ခွန်းတွင် တုန့်ပြန်ပြောဆို သည်။
ယခုဆွေးနွေးပွဲတွင် အဓိကထား ဆွေးနွေးရဖွယ် ရှိသည့်အချက်များမှာ လုံခြုံရေးဆိုင်ရာ ပြန်လည် ပေါင်း စည်းရေးနှင့် ပြုပြင်ပြောင်းလဲရေး SSR Security sector reform နှင့် အားလုံးပါဝင်သည့် အပစ်ခတ် ရပ်စဲ ရေး ဖြစ်ပေါ်လာရေးစသည့် ကိစ္စများ ဖြစ်နေကြောင်း တက်ရောက်လာသည့် တိုင်းရင်းသား ကိုယ်စားလှယ် အချို့မှ ပြောဆိုသည်။
တပ်မတော်ဘက်မှ အပစ်ရပ်ပြီးနောက်ပိုင်း နိုင်ငံရေးဆွေးနွေးပွဲများတွင် သဘောတူညီမှု ရရှိပါက လက်ရှိ တိုင်းရင်းသားတပ်များအလား လက်နက်ြ ဖုတ် သိမ်းရန် ဆိုသည့် DDR အားထည့်သွင်း လိုနေပြီး တိုင်းရင်း သားများ ဘက်ကမူ မိမိ၏ ပြည်နယ်နှင့်လူမျိုးတို့အား ကာကွယ်နိုင်ရန်အတွက် ပြည်နယ်စောင့်တပ် သို့မဟုတ် စစ်ရဲအသွင်ဖြင့် ပြောင်းလဲနိုင်သည့် Security sector reform SSR ကို ထည့်သွင်းရန် လိုလား နေသည်။
ယင်းအပြင် အစိုးရအနေဖြင့် ယခင် သတ်မှတ်ထားခဲ့သည့် ၁၆ ဖွဲ့ကိုသာ အပစ်ခတ်ရပ်စဲရေး လက်မှတ်ရေး ထိုးရာတွင် ပါဝင်ရမည်ဟူသည့် မူဝါဒကို ဆက်လက်ကိုင်စွဲထားကြောင်း ၀န်ကြီး ဦးအောင်မင်းက ပြောဆို ထားပြီး တိုင်းရင်းသားများဘက်ကမူ အစိုးရဘက်မှ ဆွေးနွေးဘက်အဖြစ် လက်မခံ ထားသည့် ကိုးကန့် ၊ တအာင်း ၊ ရခိုင့်တပ်မတော်တို့အပါအ၀င် အဖွဲ့အား လုံးပါဝင်မှုကို လိုလားနေသည်ဟု သိရသည်။
တိုင်းရင်းသားကိုယ်စားလှယ်အဖွဲ့ခေါင်းဆောင် ဖဒိုနော်စီဖိုးရာစိန်က ‘ ကျမ ကိုယ်တိုင်လည်း ပဋိပက္ခတွေ တိုက်ပွဲတွေအကြားမှာ ကြီးပြင်းခဲ့တာ ၊ ငြိမ်း ချမ်းရေး ကိုလိုလားတယ်။ ဒါပေမဲ့ တိုင်းပြည်ရဲ့ အစိတ်အပိုင်း အားလုံးသေ နတ်သံတွေတိတ်သွားမှ တကယ်ငြိမ်းချမ်းတယ်လို့လည်း ခေါ်နိုင်တာလေ။ အဲဒါကြောင့် အားလုံးပါဝင်တဲ့ အပစ်ခတ်ရပ်စဲရေးဖြစ်သင့်တယ်။ ‘ ဟု ပြော သည်။
အစိုးရ၏ ပြည်ထောင်စုငြိမ်းချမ်းရေးဖော်ဆောင်မှု လုပ်ငန်းကော်မတီ UPWC နှင့် တိုင်းရင်းသား လက်နက် ကိုင်အဖွဲ့များ၏ SD အဖွဲ့တို့ဆွေးနွေးပွဲကို ဂျူလိုင် ၂၃ ရက်နေ့တွင် ဆက်လက်ကျင်းပမည်ဖြစ်ပြီး အားလုံး ပါဝင်သည့်အပစ်ခတ်ရပ်စဲရေးဖြစ်ရေး ၊ တပ်ပိုင်းဆိုင်ရာကိစ္စရပ်များနှင့် အခြားအရေးကြီးသည့် ကိစ္စရပ်များ မှာအဆိုပါနေ့တွင် ဆွေးနွေးမည်ဖြစ်ကြောင်း သိရသည်။
Panglong(Burmese)
No comments:
Post a Comment