ပြည်တွင်းငွေလဲလှယ်ရောင်းဝယ်ရေးဈေးကွက်တွင် အမေရိကန်တဒေါ်လာ မြန်မာကျပ်ငွေ ၁၃၀၀ အထိ ဈေးနှုန်းများ ထပ်မံ မြင့်တက်လာပြီး အရောင်းအ၀ယ် ကောင်းမွန်လျက်ရှိကြောင်း ဈေးကွက်အတွင်းမှ စုံစမ်းသိရှိရသည်။
မြန်မာနိုင်ငံတော်ဗဟိုဘဏ်က ပြင်ပငွေလဲလှယ်ဈေးနှုန်းထက် နိမ့်ကျသော ငွေလဲလှယ်နှုန်းထားကို ရည် ညွှန်း ငွေလဲလှယ် နှုန်း အဖြစ်သတ်မှတ်ခဲ့ နေရာမှာ ဇူလိုင် ၁၃ ရက်နေ့မှစတင်ပြီး ပြင်ပဈေးကွက်နှင့် ကွာဟမှု ကျဉ်းမြောင်းသော ငွေလဲနှုန်း ထားကို ရည်ညွှန်းငွေလဲလှယ်နှုန်းထားအဖြစ် သတ်မှတ်ခဲ့ကြောင်း၊ ယင်းသို့ သတ်မှတ်ပြီးနောက် ပြင်ပဈေးကွက်ပေါက် ဈေးမှာ တရိပ်ရိပ်မြင့်တက်လာပြီး ဇူလိုင်လ ၂၁ ရက် နေ့တွင် ပြင်ပပေါက်ဈေး တဒေါ်လာလျှင် မြန်မာကျပ်ငွေ ၁၂၉၀ အထိ မြင့်တက်လာကြောင်း သိရှိရသည်။
“ဒေါ်လာဈေးက ဒီနေ့ တော်တော်လေး တက်သွားခဲ့တယ်။ ရှေ့အလား အလာက တက်ဖို့ပဲရှိတယ်”ဟု ရန်ကုန်အခြေစိုက် ငွေလဲလှယ်ရောင်းဝယ် ရေးလုပ်ကိုင်သူတဦးက သုံးသပ်ပြောဆိုသည်။
မြန်မာနိုင်ငံတော်ဗဟိုဘဏ်၏ ဇူလိုင်လ ၂၁ ရက်နေ့ ရည်ညွှန်းငွေလဲလှယ် နှုန်းထားသည် အမေရိကန် တဒေါ်လာလျှင် ၁၂၄၀ သတ်မှတ်ထားသော် လည်း ပြင်ပဈေးကွက်နှင့် ကွာဟနေသည့်အတွက် တရား ၀င်လိုင်စင်ရ ငွေလဲလှယ်ရောင်း ၀ယ်ရေးစင်တာများတွင် လာရောက်ဒေါ်လာရောင်းချ မှုသာလက်ခံပြီး ငွေလဲစင်တာများက ဒေါ်လာ ထုတ်မရောင်း၍ အလုပ် မဖြစ်ကြောင်း၊ ဒေါ်လာအရောင်းအ၀ယ်သည် တရားမ၀င် ပြင်ပ ဈေးကွက် တွင်သာ အရောင်းအ၀ယ် ဖြစ်ထွန်းနေ ကြောင်း သိရှိရသည်။
“ဒီဈေးကွက်က အစိုးရနဲ့ ပြိုင်နေတဲ့ ဈေးကွက် ၊ဗဟိုဘဏ်က လိုက်ညှိပေမယ့် ကမ္ဘာ့ ဈေးကွက်မှာ အတက် အကျ ရှိတယ်၊ ဗဟိုဘဏ်က ဈေးတက်ချင်ရင် အစည်းအဝေး ထိုင်နေရသေးတယ်၊ ဒီမှာက အင်တာနက်က ကြည့်နေတာ၊ တနေ့တည်း ကို ၄၊ ၅ ကြိမ်လောက် ပြောင်းတက်တယ်။ များသောအားဖြင့်က ဗဟိုဘဏ်ပိတ် ချိန်မှာ ဈေးကတက်တယ်”ဟု ပြင်ပငွေကြေးဈေးကွက်မှ ငွေကြေးဆိုင်ရာကျွမ်းကျင်သူတဦးက သုံးသပ်ပြော ဆိုသည်။
မြန်မာနိုင်ငံတော်ဗဟိုဘဏ်၏ သတ်မှတ် ရည်ညွှန်းငွေလဲလှယ်နှုန်းထားသည် ပြင်ပဈေးကွက်ပေါက်ဈေး ထက် နည်းသော်လည်း ၀ယ်ယူရာတွင် အခက်အခဲ များရှိနေကြောင်း၊ ဗဟိုဘဏ်သည် စက်သုံးဆီနှင့် စားအုန်းဆီ တင်သွင်း သည့် လုပ်ငန်းရှင်များကို ဒေါ်လာရောင်းချပေးနေသော်လည်း လုံလောက်မှု မရှိ သည့်အတွက် ပြင်ပဈေးကွက်ကို အားကိုး ၀ယ်ယူ နေရကြောင်း သိရှိရ သည်။
ပြင်ပဈေးကွက်တွင် ပုဂ္ဂလိဘဏ်တချို့က အမေရိကန်ဒေါ်လာ သိမ်းကျုံးဝယ် ယူမှုများရှိနေသည့်အတွက် အမေရိကန် ဒေါ်လာ ငွေလဲလှယ်နှုန်းထား မြင့်တက်ခြင်းဖြစ်သည်ဟု ဈေးကျွမ်းကျင်သူတချို့က သုံးသပ် ပြောဆိုသည်။
မြန်မာနိုင်ငံသားများဘဏ်မှ အထွေထွေမန်နေဂျာ ဦးအောင်ကျော်လှိုင်က ငွေလဲလှယ်နှုန်းထား မြင့်တက်မှု ကို အစိုးရ ကိုင်တွယ်ရာတွင် ပြည်ပ ပို့ကုန်တိုးမြှင့်ခြင်း၊ သွင်းကုန်များ ထိန်းချုပ်ခြင်းဖြင့် ပြန်လည်ကျဆင်း အောင် လုပ်ဆောင်ခဲ့သည့် သာဓကများရှိ၍ မကြာမီ သွင်းကုန်ထိန်းချုပ်မှုများရှိ လာနိုင်ကြောင်း ပြောဆို သည်။
“သွင်းကုန်အတွက်တော့ မကောင်းဘူးပေါ့၊ မြန်မာငွေပိုရှာရတာပေါ့။ ပို့ကုန်ကလည်း သိပ်မရှိဘူး။ နောက် ပိုင်းမှာ အရေး မကြီးတဲ့ ဇိမ်ခံပစ္စည်း လိုဟာတွေကို ကန့်သတ်လိုက်တာတို့ ဖြစ်လာမှာပေါ့။ ဒါမှ ပြည်တွင်း က နိုင်ငံခြားငွေ အပြင်ကို မထွက် မှာပေါ့၊ သိပ်အရေးကြီးလာရင် ဒါတွေက လုပ်လေ့ရှိပါတယ်”ဟု ဦးအောင်ကျော်လှိုင်က ဆိုသည်။
ပြည်တွင်းရွှေဈေးကွက်တွင် ကမ္ဘာရွှေဈေးသည် ကျဆင်းနေပြီး မြန်မာ့ဈေး ကွက်တွင်မူ ဒေါ်လာတန်ဖိုးမြင့် တက်လာမှု ကြောင့် မြန်မာ့ရွှေဈေး အနည်း ငယ်သာ ကျဆင်းကြောင်း၊ လတ်တလော အခေါက်ရွှေတကျပ် သား လျှင် ၇၃၉၀၀၀ အထိ ကျဆင်းလာကြောင်း ဈေးကွက်အတွင်းမှ စုံစမ်းသိရှိ ရသည်။
ဧရာဝတီ
No comments:
Post a Comment