ကာကွယ်ရေးဦးစီးချုပ် ဗိုလ်ချုပ်မှူးကြီးမင်းအောင်လှိုင်ဟာ ဇူလိုင်လ ၂၆ ရက်နေ့ ကစပြီး အိန္ဒိယနိုင်ငံကို ၆ ရက်ကြာသွားဖို့ စီစဉ်ထားတယ်လို့ နယူးဒေလီကလာတဲ့ သတင်းတွေမှာ မနေ့က ဖေါ်ပြလိုက်ပါတယ်။ ဒီခရီးစဉ်မှာ ဗိုလ်ချုပ်မှူးကြီးမင်းအောင်လှိုင်နဲ့ အိန္ဒိယကာကွယ်ရေးဝန်ကြီး Manohar Parrikar တို့တွေ့ဆုံ မှာဖြစ်သလို၊ အိန္ဒိယလေတပ်ပြုပြင်ထိမ်းသိမ်း ရေးစခန်းနဲ့ စစ်လက် နက်ဆိုင်ရာနေရာတွေကို လည်ပတ် ကြည့်ရှုမယ်လို့ဆို ပါတယ်။
ဒါ့အပြင် နှစ်နိုင်ငံနယ်စပ်မှာ မြန်မာ-အိန္ဒိယနှစ်ဖက်စစ်တပ်တွေပူးပေါင်းပြီး စစ်ဆင်ရေး ဆင်နွှဲဖို့နဲ့ ကင်း လှည့်ဖို့ကိစ္စတွေ ကိုဆွေးနွေးကြမယ်လို့ ဆိုပါ တယ်။
အပြန်အလှန်အနေနဲ့ အိန္ဒိယစစ်တပ်က မြန်မာစစ်တပ်ကို စစ်ဘက်ဆိုင်ရာ ရုပ်ဝတ္ထု ပစ္စည်းအကူအညီနဲ့ မွမ်းမံသင် တန်းတွေပေးမယ်လို့ ကတိပေးထား ပါတယ်။
အိန္ဒိယနိုင်ငံရဲ့အရှေ့မြောက်ဒေသ မြန်မာနိုင်ငံနဲ့ နယ်စပ်မှာ ဗဟိုအစိုးရကို ပုန်ကန်နေတဲ့ သူပုန်တွေကို အိန္ဒိယအစိုးရ ကနှိမ်နင်းချင်နေသလို၊ အိန္ဒိယ အစိုးရကို ဆန့်ကျင်မယ့် ဘယ်လိုအဖွဲ့မျိုးကိုမှ မြန်မာ့မြေမှာ ခြေကုတ်ယူခွင့် ပေးမှာမဟုတ် ဘူးလို့လဲ မြန်မာအစိုးရကပြောဆိုထားတဲ့အကြောင်း အိန္ဒိယ ကာကွယ်ရေး ဝန်ကြီး က ထပ်မံပြောဆိုလိုက်ပါတယ်။
RFA
No comments:
Post a Comment