သမ္မတဦးသိန်းစိန်၊ လွှတ်တာ်ဥက္ကဋ္ဌ သူရဦးရွှေမန်း၊ ဒေါ်အောင်ဆန်းစုကြည်တို့နဲ့ တွေ့ဆုံဆွေးနွေးလိုကြောင်း အရပ်ဘက် အဖွဲ့အစည်း ၁၅၀ ကျော် မေလ ၁၄ ရက်နေ့က စာရေးသားပေးပို့ တောင်းဆိုလိုက်ပါတယ်မျိုးစောင့်ဥပဒေတွေ နဲ့ ပတ်သက်ပြီး အကြံပြုဆွေးနွေးတင်ပြလိုတာကြောင့် အခုလို တောင်းဆိုရတာလို့ အမျိုးသမီး တန်းတူညီမျှရေးကွန်ရက် အဖွဲ့ဝင် ဒေါ်မေစပယ်ဖြူက ပြောပါတယ်။
“အမျိုးစောင့်ဥပဒေကြမ်းအပေါ်မှာ ကန့်ကွက်တဲ့ ကြေညာချက် ထုတ်ပြီးတဲ့နောက်မှာ အရပ်ဘက်လူမှုအဖွဲ့အစည်းတွေ အနေနဲ့ ဒီဥပဒေကြမ်း ရေးဆွဲရေးနဲ့ ပတ်သက်ပြီး အဓိက အကြံပြုတင်ပြ ဆွေးနွေးချင်တဲ့ အချက်အလက်တွေကို ကျမတို့ လူကိုယ်တိုင် တွေ့ဆုံဆွေးနွေးခွင့် ရချင်လို့ နိုင်ငံတော်သမ္မတရော၊ တရားဥပဒေစိုးမိုးရေး ကော်မတီဥက္ကဋ္ဌရော၊ လွှတ်တော်ဥက္ကဋ္ဌ၊ ဥပဒေကြမ်းရေးဆွဲရေး ကော်မရှင်ဥက္ကဋ္ဌ တို့ဆီ ကျမတို့ စာပို့ထားပါတယ်။”
တွေ့ဆုံခွင့်တောင်းတဲ့ အဖွဲ့အစည်းတွေဟာ လွန်ခဲ့တဲ့ရက်ပိုင်းတုန်းက မျိုးစောင့်ဥပဒေတွေနဲ့ ပတ်သက်လို့ ပြင်းပြင်း ထန်ထန် ဆန့်ကျင်ကန့်ကွက်ခဲ့ကြပြီး ဒီဥပဒေတွေ ပြဋ္ဌာန်းဖို့ လုပ်တာထက် ဖွဲ့စည်းပုံပြင်ဖို့နဲ့ ပြည်တွင်းငြိမ်းချမ်းရေး ရအောင် ဦးစားပေးလုပ်ဆောင်သင့်တယ်လို့ ထောက်ပြခဲ့ကြပါတယ်။
စာရေးဆရာ ထက်မြက်က အရပ်ဘက်အဖွဲ့အစည်းတွေ အခုလို မျိုးစောင့်ဥပဒေအပေါ် ၀ိုင်းဝန်းကန့်ကွက်နေကြတာကို အပြည့်အ၀ထောက်ခံလိုက်ပြီး တာဝန်ရှိသူတွေက တွေ့ဆုံဆွေးနွေးခွင့် ပေးဖို့ ကောင်းတယ်လို့ ပြောပါတယ်။
“ဒါက တွေ့ဆုံသင့်တာပေါ့။ တွေ့ဆုံသင့်ရုံ မကဘူး။ ဒီဥစ္စာက သူတို့တောင်းဆိုတဲ့ဟာကို လက်ခံပြီးတော့ သူတို့ ပြဋ္ဌာန်းမယ့် အနေအထားမျိုးမှာ မပြဋ္ဌာန်းပဲနဲ့ မျိုးစောင့်ဥပဒေ ဆိုတာကို ပယ်ဖျက်ဖို့ လိုတယ်လို့ ကျနော်မြင်ပါတယ်။”
သမ္မတ တာဝန်ပေးရေးဆွဲစေတဲ့ ဥပဒေရေးဆွဲရေးကော်မရှင်က မျိုးစောင့်ဥပဒေကြမ်းတွေ ရေးဆွဲပြီးပြီလို့ သတင်း ထွက်ပေါ်လာချိန်မှာ အရပ်ဘက်အဖွဲ့အစည်းတွေက အပြင်းအထန် ကန့်ကွက်ထုတ်ဖော်ခဲ့ပြီးနောက် နိုင်ငံသမ္မတ၊ လွှတ်တော်ဥက္ကဋ္ဌနဲ့ တရားဥပဒေစိုးမိုးရေးဆိုင်ရာ ဥက္ကဋ္ဌ တွေကို တွေ့ဆုံဆွေးနွေးခွင့် တောင်းခံခဲ့ကြတာ ဖြစ်ပါတယ်။
DVB
No comments:
Post a Comment