၂၀၀၈ ဖွဲ့စည်းပုံ အခြေခံဥပဒေကို ပြင်ဆင်နိုင်ဖိုအ့တွက် တပ်မတော်သားတွေကပါ ပူးပေါင်းပါဝင်ကြဖို့ လိုအပ်ကြောင်း အမျိုးသားဒီမိုကရေစီအဖွဲ့ချုပ် ဥက္ကဌ ဒေါ်အောင်ဆန်းစုကြည်က တိုက်တွန်းပြောကြား လိုက်ပါတယ်။ ဧရာဝတီတိုင်းဒေသကြီး မအူပင်မြို့မှာကျင်းပတဲ့ ၂၀၀၈ ဖွဲ့စည်းပုံ အခြေခံဥပဒေ ပြင်ဆင်ရေး လူထုဆွေးနွေးပွဲမှာ ဒေါ်အောင်ဆန်းစုကြည်က အခုလို တိုက်တွန်းပြောခဲ့တာဖြစ်ပါတယ်။
"တပ်မတော်ကို ဖေဖေတည်ထောင်ခဲ့စဉ်အခါတုန်းက ပြည်သူလူထုကနေပြီးတော့ ချစ်ခင်လေးစားကြည် ညိုနိုင်တဲ့ တပ်မတော်ဖြစ်ရေးဆိုပြီးတော့ ထူထောင်ခဲ့တာပါ၊ ဘယ်ပါတီ ဘယ်အုပ်စုအတွက်မှ တည်ထောင် ခဲ့တာ မဟုတ်ပါဘူးဆိုတာ သေသေချာချာပြောခဲ့ပါတယ်၊ ပြီးတော့ တပ်မတော်သားများအားလုံးလည်း တက်တက်ကြွကြွနဲ့ ဒီဖွဲ့စည်းပုံ အခြေခံဥပဒေ ပြင်ဆင်ရေးမှာ တာဝန်အရပါဝင်ကြပါလို့ ကျမပြောချင် ပါတယ်၊ ပုဂ္ဂိုလ်အားလုံးဟာ စမွေးကတည်းက တပ်မတော်က မဟုတ်ပါဘူး၊ နိုင်ငံသူ နိုင်ငံသားအနေနဲ့ မွေးလာတာပါ၊ တပ်မတော်ထဲကိုရောက်သွားလို့ တပ်မတော်သားတွေ ဖြစ်သွားတာပါ၊ ကိုယ့်ရဲ့နိုင်ငံသူ နိုင်ငံသားတာဝန်ဟာ နံပါတ်တစ် ဖြစ်ပါတယ်ဆိုတာ ကျနော်အနေနဲ့ တပ်မတော်သားတွေကိုလည်း သတိပေးချင်ပါတယ်"
ဒါ့အပြင် နိုင်ငံသားတွေအနေနဲ့လည်း ဖွဲ့စည်းပုံ အခြေခံဥပဒေ ပြင်ဆင်ရေးမှာ လူတိုင်းပါဝင်ကြဖို့ကိုလည်း တိုက်တွန်းပြောကြားခဲ့ပါတယ်။ ၂၀၀၈ ဖွဲ့စည်းပုံ အခြေခံဥပဒေကို ပြင်ဆင်နိုင်မှသာ ဒီမိုကရေစီ စနစ်အောက်မှာ နိုင်ငံသားတိုင်း လုံခြုံစိတ်ချစွာနေနိုင်မှာ ဖြစ်ကြောင်းလည်း ပြောခဲ့ပါတယ်။
၂၀၀၈ ဖွဲ့စည်းပုံ အခြေခံဥပဒေကို ဘာကြောင့် ပြင်ဆင်သင့်သလဲဆိုတဲ့အချက်တွေကို အမျိုးသားဒီမိုကရေစီ အဖွဲ့ချုပ်က ပြုစုထားကြောင်းနဲ့ အများပြည်သူတွေ သိရှိအောင်လည်း တင်ပြသွားမှာဖြစ်ကြောင်း ပြောပါ တယ်။ တခြားနိုင်ငံရေးပါတီတွေအနေနဲ့လည်း မပြင်ချင်ဘူးဆိုရင် ဘာကြောင့် မပြင်ချင်သလဲဆိုတဲ့ အချက်တွေကို အများပြည်သူသိရှိအောင်တင်ပြကြဖို့ လိုအပ်ကြောင်း ပြောခဲ့ပါတယ်။
ဒီနေ့ မအူပင်မြို့နယ်မှာပြုလုပ်တဲ့ ၂၀၀၈ဖွဲ့စည်းပုံ အခြေခံဥပဒေ ပြင်ဆင်ရေးနဲ့ လူထုဟောပြောပွဲကို မအူပင်၊ ကျုံပျော်၊ ကျိုက်လတ်စတဲ့မြို့နယ်တွေက အမျိုးသားဒီမိုကရေစီအဖွဲ့ချုပ်အဖွဲ့ဝင်တွေနဲ့ ပြည်သူတွေ စုစုပေါင်း တစ်သောင်းနီးပါးလောက် တက်ရောက်ခဲ့ကြပြီး ဖွဲ့စည်းပုံအခြေခံဥပဒေကို ပြင်ဆင်ဖို့အားလုံးက သဘောထားပေးခဲ့ကြပါတယ်။
RFA Burmese
No comments:
Post a Comment