တရုတ်လေတပ်က အမေရိကန် ဒေါ်လာ ၂ ဘီလျံ တန်ဘိုးရှိ ရုရှားလုပ် ဆူခွိုင်းအမျိုးအစား Su- 35 တိုက်လေယာဉ် ၂၄စီး ၀ယ်ယူရန် စာချုပ်ခဲ့ကြောင်း ရုရှား နည်းပညာကော်ပိုရေးရှင်း အကြီးအကဲ ဆာဂျီ ချီမီဇောဗ်က ကြေညာလိုက်ပါတယ်။“တိုက်လေယာဉ်တွေ ၀ယ်ယူဖို့ ညှိနှိုင်းဆွေးနွေးမှုအရ ကျနော်တို့ စာချုပ်လက်မှတ်ထိုးပြီးပါပြီ” လို့ ဆာဂျီ ချီမီဇော့ဗ်ရဲ့ ပြောဆိုချက်ကို ရုရှား Kommersant daily သတင်းမှာဖော်ပြထားပါတယ်။
နေတိုးအခေါ်အရ Flanker – E လို့ခေါ်တဲ့ ဆူခွိုင်း Su -35 တိုက်လေယာဉ် တွေဟာ Su- 27 အမျိုးအစား ဘက်စုံသုံး တိုက်လေယာဉ်ကို ပြန်လည် အဆင့်မြင်ထား တဲ့ လေယာဉ်တွေဖြစ်ပါတယ်။
အင်ဒိုနီးရှား၊ ဘရာဇီးနဲ့ UAE စတဲ့နိုင်ငံတွေကလည်း အဲဒီ Su- 35 တိုက်လေယာဉ်တွေကို ၀ယ်ယူဖို့ စိတ်ဝင်စား နေပြီး မနေ့ကတော့ ရုရှားနိုင်ငံဆိုင်ရာ အင်ဒိုနီးရှား သံအမတ်ကြီးလာရောက်ကာ ၀ယ်ယူဖို့ ဆွေးနွေးတယ်လို့ သိရပါတယ်။
ဧရာဝတီ
No comments:
Post a Comment