‘‘လက်ရှိအစိုးရဟာ မြန်မာနိုင်ငံကို ကြောက်ခမန်းလိလိ ကမောက်ကမသပွတ်အူ အရှုပ်ထုပ်ထဲမှာ ထားခဲ့တာပါ’’ မြန်မာ့အရေးကျွမ်းကျင်သူ မစ္စတာရှောင်ထာနဲလ်နှင့်တွေ့ဆုံခြင်း

ရှောင်ထာနဲလ်သည် Macquarie တက္ကသိုလ်၏ စီးပွားရေးဘာသာရပ် တွဲဖက်ပါမောက္ခဖြစ်သည်။ ဩစတြေးလျဘဏ်၏ အကြီးတန်းဆန်း စစ်သူဟောင်းတစ်ဦးလည်းဖြစ်သည်။ ၎င်းကို မြန်မာ့စီးပွားရေးရာနှင့်ပတ်သက်လျှင် အကျွမ်းကျင်ဆုံး လေ့လာဆန်းစစ်သူတစ်ဦးအဖြစ် ပြည်တွင်း၊ပြည်ပ အသိုင်းအဝိုင်းက အသိအမှတ်ပြုထားကြသည်။ ဒေါ်အောင်ဆန်းစုကြည်၏ အမျိုးသားဒီမိုကရေစီအဖွဲ့ချုပ် (NLD)ပါတီသို့ စီးပွားရေးဆိုင်ရာအကြံဉာဏ်အဓိကပေးနေသူတစ်ဦးလည်းဖြစ်သည်။ ဒီမိုကရက်တစ်အလွန်ကာလ မြန်မာနိုင်ငံစီးပွားရေးပြုပြင်ပြောင်းလဲမှုအပေါ် သုတေ သနအများအပြား ဇောက်ချလုပ်ကိုင်ထားသည်။ 

၂၀၀၁ တွင် မြန်မာ့ စီးပွားရေးစောင့်ကြည့်အဖွဲ့ကို တည်ထောင်ခဲ့သည်။ ၎င်းသည် Fiery Dragons: Banks, Moneylenders and Microfinance in Burma စာအုပ်၏ စာရေးဆရာဖြစ်သည်။အတိုက်အခံပါတီ ရွေးကောက်ပွဲမဲအပြတ်အသတ် အနိုင်ရပြီး နောက် အစိုးရသစ်ဖွဲ့ရန် သေချာသွားသည့်အချိန်တွင် မစ္စတာရှောင်ထာနဲလ်ကို 7Day က ဆက်သွယ်မေးမြန်းခဲ့ပြီး အချို့ကို ကောက်နုတ်ဖော်ပြလိုက်ပါသည်။

ပထမဆုံးမေးချင်တာကတော့ လက်ရှိသမ္မတဦးသိန်းစိန်အစိုးရ ချန်ထားခဲ့တဲ့ စီးပွားရေး၊ ဘဏ္ဍာ ရေး၊ ငွေကြေးဆိုင်ရာ အခက်အခဲ တွေ ဘာတွေ ဖြစ်မလဲ။

တစ်ပုံတစ်ခေါင်းပါပဲ။ ဒီအ ထဲမှာ ကြီးမားတဲ့ ဘတ်ဂျက်လို ငွေ၊ ကြီးမားတဲ့ ကုန်သွယ်ရေးလို ငွေ၊ မြင့်မားတဲ့ငွေဖောင်းပွမှု (နှစ် ကုန်မှာ ၁၃ ရာခိုင်နှုန်းထိ ရောက် မယ်။ ဒါဟာ ဒေသတွင်း ပျမ်းမျှ နှုန်းထက် သုံးဆပိုဖောင်းပွတာ)၊ အထိန်းအကွပ်မရှိ လာဘ်ပေး လာဘ်ယူခြစားမှုတွေ၊ ပုံမှန်လည် ပတ်မှုမရှိတဲ့ မူဝါဒချမှတ်ရာ အင် စတီကျူးရှင်းတွေ၊ အရည်အသွေး နိမ့်ပြီး ရှိလည်းမရှိတဲ့၊ လိုအပ်နေ တဲ့ အခြေခံအဆောက်အအုံ၊ လျှပ် စစ်ဓာတ်အားပြတ်တောက်မှု တွေ၊ ပိုင်ဆိုင်မှုအခွင့်အရေးတွေ မလုံခြုံတာ၊ ယုံကြည်စရာမရှိတဲ့ ငွေကြေးနဲ့ တခြားဘဏ္ဍာရေးဆိုင် ရာ အစိတ်အပိုင်းတွေ ကျယ် ကျယ်ပြန့်ပြန့် ပျံ့နှံ့နေတဲ့ အလုပ် သမားခေါင်းပုံဖြတ်မှု... စတာ တွေ ပါဝင်တယ်။ အတိုချုပ်ပြော ရရင်တော့ဗျာ လက်ရှိအစိုးရဟာ မြန်မာနိုင်ငံကို ကြောက်ခမန်းလိ လိ ကမောက်ကမ သပွတ်အူ အရှုပ်ထုပ်ထဲမှာ ထားခဲ့တာပါ။

ဒါဆိုရင် အစိုးရသစ် ရင်ဆိုင်ရ မယ့် စီးပွားရေးဆိုင်ရာ အခက်အ ခဲတွေကကော ဘာတွေဖြစ်လာ မလဲ။

ဒီအရှုပ်အထွေးတွေအားလုံး ကို ရှင်းလင်းဖို့ဆိုတာ မြန်မာနိုင်ငံ ရဲ့ အစိုးရသစ်အတွက် အင်မတန် မှကို ကြီးမားတဲ့လုပ်ငန်းတာဝန် ဖြစ်လာပါလိမ့်မယ်။ လုပ်စရာ တွေက အများကြီးရှိနေတော့ ဒါဟာ တကယ့်ကို ခက်ခဲမယ်။ နောက်ပြီး အားနည်းတဲ့ကမ္ဘာလုံး ဆိုင်ရာ စီးပွားရေးကလည်း သိပ် အကူအညီပေးလာနိုင်မှာ မဟုတ် ပြန်ဘူး။ ဒါကလည်း တရုတ်နဲ့ အာရှ ‘ကျားတွေ’အတွက် ဖြစ်ခဲ့ တာပါ။ သိပ်အားစိုက်ထုတ်စရာ မလိုဘဲနဲ့ သူတို့ရဲ့ ပို့ကုန်တွေ ပို့ နိုင်ရေးအတွက် ကြီးထွားလာတဲ့ ကမ္ဘာလုံးဆိုင်ရာ စီးပွားရေးတစ် ရပ်အပေါ်မှာ မှီခိုအားထားနိုင်ခဲ့ ကြတဲ့ တရုတ်နဲ့ အာရှကျားတွေ ပေါ့။

ဒီဆက်စပ်အနေအထား တွေကို ထောက်ရင်တော့ဗျာ.. မျှော်လင့်ချက်တွေကို ဖြစ်နိုင်ခြေ ရှိ ယုတ္တိတန်တဲ့ နယ်နိမိတ်အတွင်း မှာပဲထားဖို့ တကယ်အရေးကြီးပါ တယ်။ အထူးသဖြင့် ရေတိုမှာ ပေါ့။

ဒါပေမဲ့ ဒါတွေအားလုံးကို ကိုင်တွယ်ဖို့အတွက် NLD မှာ မူဝါဒတွေ အသင့်ရှိပါတယ်။ သူ့ အနေနဲ့ အခွန်ဆိုင်ရာနဲ့ ငွေရေး ကြေးရေးထိန်းချုပ်မှုဆိုင်ရာ အ တိုင်းအဆ၊ ငွေလဲလှယ်နှုန်းစီမံခန့် ခွဲမှုနဲ့ပတ်သက်တဲ့ ကျိုးကြောင်းရှိ မှု၊ မြန်မာနိုင်ငံရဲ့ လူသားရင်းမြစ် တိုးတက်ရေး (ကျန်းမာရေးနဲ့ ပညာရေး)နဲ့ပတ်သက်လို့ အချိန် စွမ်းအား စသဖြင့် ပေးအပ်မြှုပ်နှံ ထားတဲ့ ရင်းမြစ်တွေ သိသိသာ သာ တိုးမြှင့်တာ၊ ပိုကျယ်ပြန့်တဲ့ လွတ်လပ်မှုတွေ တိုးချဲ့တာ၊ မြန်မာ့တောင်သူလယ်သမားတွေ နဲ့ ကျေးလက်လူထုကို ထောက်ပံ့ တာတွေကို ဆောင်ကြဉ်းပေးဖို့ ကတိပေးထားပါတယ်။

စိုက်ပျိုးရေးကဏ္ဍကို မြန်မာ နိုင်ငံရဲ့ စစ်အုပ်ချုပ်သူတွေက ဆယ်စုနှစ်တွေနဲ့ ချီပြီးတော့ ချုပ် ကိုင်ထားခဲ့ကြပြီး အာရုံမစိုက်ဘဲ လျစ်လျူရှုထားခဲ့ကြတယ်။ သူတို့ထုတ်ကုန်ကို အမြင့်ဆုံးဖြစ်အောင်လုပ်ဖို့ ဗဟုသုတတွေရှိကြသူတွေ ဟာ တောင်သူလယ်သမားတွေ ပါ။ ဒါပေမဲ့လည်း တောင်သူ လယ်သမားတွေဟာ သူတို့ဆန္ဒရှိ တာကို သူတို့ဆန္ဒရှိတဲ့အချိန်မှာ သူတို့ဆန္ဒရှိသလို ထုတ်လုပ်ဖို့ လွတ်လပ်ခွင့်တွေတောင်မှ မရှိ ကြဘူး။ သူတို့ဟာ ဈေးကွက်တွေ အထိ ပေါက်ရောက်မှု မရှိကြဘူး။ ဒါ့အပြင် သူတို့နယ်ပယ်ဒေသရဲ့ အပြင်ကိုထွက်ပြီး သူတို့ထုတ်ကုန် ကို ရောင်းဖို့ဆိုတာမှာ အတားအ ဆီးအနှောင့်အယှက်တွေတောင် ရင်ဆိုင်ရတယ်။ တကယ့်ကိုပါပဲ။ ကိုယ့်မိသားစု ကိုယ့်အိမ်စားဖို့ရ ရုံလောက်ပဲ စိုက်ပျိုးနိုင်တဲ့၊ ရောင့် ရဲတဲ့ လယ်သမားတွေဆိုတာမျိုး ထက် နည်းနည်းလေးပိုတဲ့အဖြစ် မျိုးရောက်အောင် ဖိအားပေးခံ ထားရတယ်။ သူတို့တတ်နိုင်တဲ့ နှုန်းနဲ့ အကြွေးယူနိုင်မှုလည်း မရှိ ကြဘူး။ ဆိုလိုတာကဗျာ သူတို့ရှာ သမျှ ငွေပိုငွေလျှံဟာ တစ်လတစ် လ ၁၀ ရာခိုင်နှုန်း၊ ၂၀ ရာခိုင်နှုန်း အတိုးကျတဲ့ ငွေတိုးချေးသူတွေ လက်ထဲကို ရောက်ကုန်ကြတယ်။ တစ်ချိန်တည်းမှာပဲ သူတို့လယ် ယာမြေအများအပြားကို စစ်တပ်၊ စစ်တပ်နဲ့ ဆက်သွယ်ထားတဲ့အဖွဲ့ တွေ၊ (မကြာခင်မှာ အစိုးရ ဟောင်းဖြစ်တော့မယ့်)အစိုးရရဲ့ အထူးအခွင့်အရေးရ နိုင်ငံခြား လုပ်ငန်းတွေကနေပြီးတော့ သိမ်း ထားကြတယ်။

NLD အနေနဲ့ တောင်သူ လယ်သမားတွေအတွက် စိုက်ပျိုး ထုတ်လုပ်မှု လွတ်လပ်ခွင့်တွေ ပိုကျယ်ပြန့်တိုးချဲ့ပေးဖို့ ကတိ ကဝတ်ပေးပြီး လုပ်ဆောင်ထားပါ တယ်။ အလုပ်ဖြစ်နိုင်တဲ့ တရား ဝင်သမားရိုးကျ ကျေးလက်အ ကြွေးစနစ်တစ်ခု ဖန်တီးတဲ့လုပ် ငန်းကနေစပြီးတော့ပေါ့။ ဘဏ္ဍာ ရေးနဲ့ပတ်သက်လို့ ပြည်တွင်း၊ ပြည်ပမိတ်ဖက်တွေနဲ့ ပေါင်းစပ် ပြီး တောင်သူလယ်သမားတွေ ဈေးကွက်တွေကို ချိတ်ဆက်ဖို့ လိုအပ်တဲ့ အရေးကြီးအခြေခံအ ဆောက်အအုံတည်ဆောက်တာ၊ နောက်ပြီး ပိုကောင်းတဲ့ စီးပွားရေး အခင်းအကျင်းတစ်ရပ်လုပ် ဆောင်ရေးဆိုတဲ့ လုပ်ငန်းတွေ ဆောင်ရွက်မှာ ဖြစ်ပါတယ်။ (နေ ပြည်တော်၊ မလိုအပ်တဲ့ လေဆိပ် တွေ၊ စသဖြင့်ပေါ့ဗျာ) စစ်အစိုးရ ရဲ့ ‘‘စွဲမက်ဖွယ်’’စီမံကိန်းတွေလို မျိုးမဟုတ်ဘဲနဲ့ တကယ့်မတူကွဲ ပြားမှုတစ်ခုခုကိုလုပ်မယ့် တကယ့်ကိစ္စပေါ့။ ကျေးလက်လမ်းတွေ၊ ပိုကောင်းတဲ့ လျှပ်စစ်ဓာတ်အား သုံးစနစ်ပြောင်းမှု အစရှိတဲ့ဟာ တွေပေါ့။

ရင်းနှီးမြှုပ်နှံမှုပုံစံတွေကော ဘယ် လိုဖြစ်လာပါမလဲ။

ရင်းနှီးမြှုပ်နှံမှုက အစိုးရသစ် လက်အောက်မှာ ပြည်တွင်းနဲ့ ပြည်ပကဏ္ဍနှစ်ခုစလုံး မြင့်တက် လာမယ်လို့ ကျွန်တော်ထင်တယ်။ ပြည်တွင်းအရဆိုရင် ရင်းနှီးမြှုပ်နှံ သူတွေဟာ အများကြီးပိုကောင်း တဲ့ စီးပွားရေးအခြေအနေတစ်ခု ကို ရင်ဆိုင်ကြရလိမ့်မယ်။ ပိုပြီး တည်ငြိမ်တဲ့ နိုင်ငံရေးဝန်းကျင် အခင်းအကျင်းတစ်ရပ် (ရွေး ကောက်ခံမဟုတ်တဲ့ တာဝန်မခံရ တဲ့ အာဏာပိုင်တွေရဲ့ အခုတစ်မျိုး၊ တော်ကြာတစ်မျိုး စိတ်မမှန်ရုတ် တရက်စိတ်ပြောင်းလဲတတ်မှုအပေါ်မှာ ချတတ်ကြတဲ့ အတ္တနောမတိ ဆုံးဖြတ်ချက်တွေ နောက် ထပ်မရှိတော့တဲ့ အနေအထား တစ်ရပ်)ကိုလည်းပဲ ရင်ဆိုင်ကြ ရမယ်။ ခင်ဗျား အမြတ်အစွန်း ထွက်အောင်လုပ်ရင်၊ လယ်ယာ မြေသုံးရင်၊ အလုပ်ကြိုးစားရင် ခင် ဗျားရတဲ့အမြတ်တွေကို ခင်ဗျား ဆီကနေ သိမ်းမှာ မဟုတ်ပါဘူး။ အများကြီးပိုကောင်းတဲ့ အခြေ အနေနဲ့ ခင်ဗျားရင်းနှီးမြှုပ်နှံနိုင် ပါမယ်။

ဒီလိုကောင်းမြတ်တဲ့ တာဝန် ခံမှု၊ တာဝန်ယူမှုတွေဟာ နိုင်ငံ တကာ ရင်းနှီးမြှုပ်နှံမှုတွေကို လည်းပဲ ချင်းနင်းဝင်ရောက်လာ စေလိမ့်မယ်။ ဒါပေမဲ့ အရင်ကလို မျိုး အပယ်ခံနိုင်ငံတစ်ခုမှာ ရင်းနှီး မြှုပ်နှံလို့ဆိုပြီး နိုင်ငံခြားရင်းနှီးမြှုပ် နှံသူတွေအနေနဲ့ သူတို့မိခင်နိုင်ငံ မှာ အမည်းစက်ထင် အရှက်ရတာ မျိုး (ဖြစ်နိုင်ခြေရှိတဲ့ စီးပွားရေး ပိတ်ဆို့မှုတွေနဲ့ စားသုံးသူသပိတ် မှောက်မှုတွေ ရင်ဆိုင်ရတာမျိုး) ရှေ့လျှောက် ကြုံရတော့မှာ မဟုတ်ပါဘူး။ အဲ့ဒီအစား သူတို့ တွေဟာ ဒီဂြိုဟ်ကမ္ဘာပေါ်မှာ အ ဟော့ဆုံးနေရာ မြန်မြန်ဆန်ဆန် ဖြစ်လာမယ်လို့ ကျွန်တော်ထင်တဲ့ နိုင်ငံအတွက် ကြီးမားတဲ့နိုင်ငံ တကာ စိတ်အားထက်သန်မှု လှိုင်းလုံးကိုတောင် စီးရနိုင်ပါတယ်။

အစိုးရသစ်ကို မစ္စတာရှောင်ထာ နဲလ်အနေနဲ့ ဘာအကြံများ ပေး ချင်ပါသလဲ။

NLD မှာ ထူးချွန်ကောင်းမွန် တဲ့ စီးပွားရေးအဖွဲ့တစ်ခုရှိတယ်။ သူတို့ရဲ့ အိုင်ဒီယာတွေကကောင်း တယ်။ ဒီစိတ်ကူးအကြံဉာဏ်တွေ ကို အောင်မြင်အောင် ဆောင် ကြဉ်းဖို့အတွက် သူတို့မှာ စိတ် အားထက်သန်ပြီး ရဲရင့်တဲ့လူတွေ ရှိတယ်။

ဒါပေမဲ့လည်းပေါ့ဗျာ။ ကျန် တဲ့ ကျွန်တော်တို့တစ်တွေဆီက နေ သူတို့လိုအပ်တာကတော့ စိတ် ရှည်မှု၊ လောမကြီးမှု နည်းနည်းပါ ပဲ။ မြန်မာ့စီးပွားရေးကို နှစ်ပေါင်း ၅၀ တောက်လျှောက် ထိထိ ရောက်ရောက် ဖျက်ဆီးခဲ့တဲ့ အုပ် ချုပ်မှုတစ်ခုကနေပြီး အစိုးရသစ် ပြင်ဆင်ဖို့ အရာတွေအများကြီး ချိန်ထားတာလေ။ ဦးသိန်းစိန် အစိုးရဟာ လမ်းကြောင်းပေါ်ပြန် ရောက်ဖို့ နည်းနည်းတော့ လုပ်ခဲ့ တယ်။ ဒါပေမဲ့ ရှေ့လာမယ့်လမ်း က မတ်စောက်ပြီးတော့ ကျောက် တုံးကျောက်စိုင် ထူထပ်နေဆဲပဲ။

တဖြည်းဖြည်းနဲ့ပေါ့လေ.. မြန်မာဟာ သူ့ကတိကြွေးတွေကို ဆပ်နိုင်လာပြီး အရှေ့တောင် အာရှရဲ့ အတောက်ပဆုံး ရတနာ တစ်ပါး နောက်တစ်ခေါက်ဖြစ် လာဦးမယ်လို့ ကျွန်တော်တကယ် ထင်ပါတယ်။

အခုလိုဖြေကြားပေးတဲ့အတွက် ကျေးဇူးတင်ပါတယ်။

7Day News Journal